29-Oct-2023

ବଲାଙ୍ଗୀର: ବଲାଙ୍ଗୀର ସ୍ବେଚ୍ଛାସେବୀ ସଂଗଠନ ଦ୍ୱାରା ତୃତୀୟ ବାର୍ଷିକ ଭେଟଘାଟ କାର୍ଯ୍ୟକ୍ରମ ସମର୍ପଣ୍-୨୦୨୩ ସ୍ଥାନୀୟ ଟାଉନ୍ ହଲ୍ ଠାରେ ଅନୁଷ୍ଠିତ ହୋଇଯାଇଛି। ସକାଳୁ ମାଁ ସମଲେଶ୍ବରୀ, ମାଁ ପାଟଣେଶ୍ୱରୀଙ୍କ ପୂଜାର୍ଚ୍ଚନା କରିବା ପରେ ସଂଗଠନ ଏକ ବିରାଟ ସାଂସ୍କୃତିକ ଶୋଭାଯାତ୍ରାରେ ବାହାରି ସହର ପରିକ୍ରମା କରିବା ପରେ ଟାଉନ୍ ହଲ୍ ଠାରେ ପହଞ୍ଚି ଥିଲା। ଏହି ସାଂସ୍କୃତିକ ଶୋଭାଯାତ୍ରାରେ ସଂଗଠନର ସମସ୍ତ ସଦସ୍ୟ ସଦସ୍ୟାଙ୍କ ସହିତ ନୂଆପଡା ଜିଲ୍ଲାର ଘୁମୁରା ଦଳ,

ଘଣ୍ଟ ବଜା, ପାରମ୍ପାରିକ ଦୁଲଦୁଲି ବଜା ଆଦି ସାମିଲ ରହିଥିଲେ। ଶୋଭାଯାତ୍ରା ଟାଉନ୍ ହଲରେ ପହଞ୍ଚିବା ପରେ ମଞ୍ଚ ପୂଜା ସମ୍ପନ୍ନ କରାଯାଇଥିଲା। ସନ୍ଧ୍ୟାରେ ଅତିଥି ମାନଙ୍କୁ ସ୍ୱାଗତ ସମ୍ବର୍ଦ୍ଧନା କରିବା ପରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ବଲାଙ୍ଗିର ବିଧାୟକ ନରସିଂହ ମିଶ୍ର, ବଲାଙ୍ଗିର ପୌର ଅଧ୍ୟକ୍ଷା ଲିକା ସାହୁ, ବଲାଙ୍ଗିର ଆକ୍ସନ କମିଟି ଆବାହକ ଗୋପାଳଜୀ ପାଣିଗ୍ରାହୀ, ଯୁବ ସଂଗଠକ ମ. ଆକବର ଖାନ ଏବଂ ମୁଖ୍ୟବକ୍ତା ଭାବରେ ବିଶିଷ୍ଟ ଡାକ୍ତର ବେଣୁଧର ପାଣ୍ଡେ ମଞ୍ଚାସୀନ ରହିଥିଲେ। ସଂଗଠନର ସଭାପତି ସନ୍ତୋଷ ପଟ୍ଟନାୟକ ସ୍ୱାଗତ ଅଭିଭାଷଣ ରଖିଥିବା ବେଳେ ସଂପାଦକ ଗୋବିନ୍ଦ ଚନ୍ଦ୍ର ଶତପଥୀ ବାର୍ଷିକ ବିବରଣୀ ପଠନ କରିଥିଲେ। ପରେ ସମ୍ମାନୀତ ପର୍ବରେ ଯୁବ ସମାଜସେବୀ ଟୁନା ମିଶ୍ରଙ୍କୁ ସ୍ମଶାନ ବନ୍ଧୁ ସମ୍ମାନ, ଦିବ୍ୟାଙ୍ଗ ଚିତ୍ରଶିଳ୍ପୀ ସୁପ୍ରିୟା ଦାଶ, ହୋଟେଲ ବ୍ୟବସାୟୀ ହାର୍ଦ୍ଦିକ ଭମ୍ମର, ଇଣ୍ଡିଆନ ଆଇଡଲ ଫେମ ଅଜୟ ଅମର ସିଂହଦେଓ ଏବଂ ପୌର ବିଭାଗର ପରିମଳ ବ୍ୟବସ୍ଥା ପରିଚାଳକ ମନୋଜ ଦୀପଙ୍କୁ

ବଲାଙ୍ଗିର ମାଟିର ସେବା ଓ ଗୌରବ କ୍ଷେତ୍ରରେ ସମ୍ମାନୀତ କରାଯାଇଥିଲା। ବୈଠକ ଶେଷରେ ସଂଗଠନର ସଂଗଠକ ସୁମିତ ମିଶ୍ର ଧନ୍ୟବାଦ ଭାଷଣ ଦେଲାପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ କଣ୍ଠଶିଳ୍ପୀ ନବୀନ କୁଅଁର, ବ୍ୟାସଦେବ ପୁରୋହିତ, ଆଶିଷ କୁମ୍ଭାର, ପଦ୍ମଶ୍ରୀ ଖଟେଇ, ବିନୟ ସୁନା ଏବଂ ନୃତ୍ୟଦଳ ମଧ୍ୟରେ ନୂଆପଡା ଜିଲ୍ଲାର ମାଁ ଠାକୁରାଣୀ ଘୁମୁରା ଦଳ, ସମ୍ବଲପୁର ଜିଲ୍ଲାର ମାଁ କରମସାନି କଳା ପରିଷଦ କରମା ଦଳ ଓ ଲହରଙ୍ଗା ଟ୍ରାଇବଲ ଆର୍ଟ ଓ କଲଚର ରିସର୍ଚ୍ଚ ସେଣ୍ଟର ଆଦିବାସୀ ନୃତ୍ୟଦଳ କଳା ପରିବେଷଣ କରିଥିଲେ। ଅଧ୍ୟାପକ ଜୟଦେବ କର ସଭା ମଞ୍ଚ ପରିଚାଳନା କରିଥିବା ବେଳେ ବୀରେନ୍ଦ୍ର ପାଣ୍ଡେ ସାଂସ୍କୃତିକ ମଞ୍ଚ ପରିଚାଳନା କରିଥିଲେ। ଏହାସହ ବଲାଙ୍ଗିର ସ୍ବେଚ୍ଛାସେବୀ ସଂଗଠନର ସମସ୍ତ ସଦସ୍ୟ ସଦସ୍ୟା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଏହି କାର୍ଯ୍ୟକ୍ରମକୁ ଦର୍ଶକ ମାନେ ମନଭରି ଉପଭୋଗ କରିବା ସହିତ ବଲାଙ୍ଗିର ସ୍ବେଚ୍ଛାସେବୀ ସଂଗଠନର ସମସ୍ତ ସଦସ୍ୟ ସଦସ୍ୟା ଏଥିରେ ସାମିଲ ହୋଇ ଆଗାମୀ କାର୍ଯ୍ୟପନ୍ଥା ବିଷୟରେ ଆଲୋଚନା କରିଥିଲେ।