28-Oct-2023

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତାରେ ୧୫ ତମ ଗଜଲକ୍ଷ୍ମୀ ପୂଜା ଅବସରରେ କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି।  ସକାଳୁ ନିକଟସ୍ଥ ବାଇଗଣି ଯୋର ଠାରେ   ଗଙ୍ଗା ମାତାଙ୍କ ଆବାହନ କରି ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଇଥିଲା। ଶତାଧିକ ମହିଳା ପୁରୁଷ ପୂର୍ଣ୍ଣ କଳସି ଧରି ଏକ ଆଧ୍ୟାତ୍ମିକ ପରିବେଶରେ ଘଣ୍ଟ ହୁଳହୁଳି, ସଂର୍କୀନ ସହ କଳସ ଶୋଭା ଯାତ୍ରା ବାହାରି ନଗର ପରିକ୍ରମା ପୂଜା ମଣ୍ଡପ ସ୍ଥାପନ କରାଯାଇଥିଲା । ଏଥିରେ ପୂଜକ ବଳରାମ ପଣ୍ଡା ପୂଜା କାର୍ଯ୍ୟ ତୁଲାଇଥିବା ବେଳେ ମଧୂସୁଦନ ମହାକୁର ଧର୍ମପତ୍ନୀ କର୍ତ୍ତା ଦାଇତ୍ୱ ତୁଲାଇଥିଲେ। ପ୍ରଥମେ ମା ଗଜଲକ୍ଷ୍ମୀ ଙ୍କ ପୂଜା କାର୍ଯ୍ୟ ଆରମ୍ଭ ହେବା ସହ ସନ୍ଧ୍ୟା ସମୟରେ ଜଳନ୍ଧର ଦରବାର ଆୟୋଜନ ହେବାର କାର୍ଯ୍ୟକ୍ରମ ରହିଛି। ଏଥିରେ କମିଟିର ସଭାପତି ରୁଦ୍ର ପ୍ରକାଶ ମିଶ୍ରଙ୍କ,  ସମ୍ପାଦକ ଆଶୁତୋଷ ପଣ୍ଡା,ଉପ ସଂପାଦକ ପ୍ରଦୀପ ମାଝୀ,ମଧୁସୁଦନ ମହାକୁର, ସୁଭାଷ ପଧାନ,ସିକେନ ଭୋକ୍ତା ଓ ବଂଶିଧର ଅମାତଙ୍କ ସହ ସମସ୍ତ ଗ୍ରାମବାସୀ ସାମିଲ ହୋଇଥିଲେ।