19-Oct-2023

କଣ୍ଟାମାଳ, ଶାରଦୀୟ ସମ୍ଭାର ନେଇ ଆସୁଛି ଦଶହରା ପାର୍ବଣ  l   ମାଁ ଦୁର୍ଗା ଧରାପୃଷ୍ଠକୁ ଶତ୍ରୁ ସଂହାର କରିବା ପାଇଁ ଆସୁଛନ୍ତି  l  ଭକ୍ତଙ୍କୁ ପୂଜା ମଣ୍ଡପରେ ମାଁ ଦଶଭୁଜା ଦର୍ଶନ ଦେବେ    l  ଏଥିପାଇଁ ପୂଜା କମିଟି ଗୁଡିକ ତରଫରୁ ଗତ କିଛିଦିନ ଧରି ଚାଲିଥିବା ଜୋରଦାର ପ୍ରସ୍ତୁତି ପ୍ରାୟତଃ ଚୁଡାନ୍ତ ପର୍ଯ୍ୟାୟରେ ପହଞ୍ଚିଛି   l   ପୂଜା ମଣ୍ଡପକୁ ଆକର୍ଷଣୀୟ ଓ ମନଲାଖି କରିବା ପାଇଁ ପ୍ରୟାସ ଜାରି ରହିଛି  l  ଏହିଁ ଦଶହରା ପାର୍ବଣ ପାଇଁ ଗାଁ ଠାରୁ ସହର ପର୍ଯ୍ୟନ୍ତ ଧୀରେ ଧୀରେ ଚଳ ଚଞ୍ଚଳ ହେବାକୁ

ଲାଗିଛି      l ପାର୍ବଣ ଋତୁରେ ଦଶହରା ପୂଜା ସବୁଠାରୁ ଅଧିକ ବ୍ୟୟବହୁଳ ଓ ଲୋକାଦୃତ ହୋଇଥାଏ  l   ମୃଣ୍ମୟୀ ଦେବୀ ପ୍ରତିମୂର୍ତ୍ତି, ସୁନ୍ଦର କାରୁକାର୍ଯ୍ୟ ମଣ୍ଡିତ ମେଢ଼, ତୋରଣ, ସାଜସଜ୍ଜା ଆଦିକୁ ନେଇ ମାସକ ପୂର୍ବରୁ ପୂଜା କମିଟି କର୍ମକର୍ତ୍ତା ବେସ କର୍ମତତ୍ପର ହୋଇଥାନ୍ତି  l   ପୂଜାକୁ ମନଭରି ଉପଭୋଗ କରିବାପାଇଁ ସରକାରୀ କର୍ମଚାରୀଙ୍କୁ ବୋନସ ସହ ସର୍ବାଧିକ ଛୁଟି ମିଳିଥାଏ l ଦୂର ଦୂରାନ୍ତରେ ପାଠପଢ଼ୁଥିବା ଓ ଚାକିରୀ କରୁଥିବା ପିଲାମାନେ ଏହିଁ ଦଶହରା ଛୁଟିରେ ନିଜ ଘରକୁ ଫେରୁଥିବା ଦେଖିବାକୁ ମିଳିଛି  l  ପୂଜାରେ ବିଭିନ୍ନ ଶାଢ଼ୀ ଓ ପୋଷାକ ଦୋକାନ ସହ କସମେଟିକ ଦୋକାନ ଗୁଡିକରେ ଗ୍ରlହକଙ୍କ ପ୍ରବଳ ଭିଡ଼ ଲାଗିରହିଛି  l ଭକ୍ତାମାନେ କିଭଳି ଶୃଙ୍ଖଳିତ ଭାବେ ମାଁ ଙ୍କ ଦର୍ଶନ କରିପାରିବେ ସେଥିପାଇଁ କମିଟି କର୍ମକର୍ତlମାନେ ବେସ ତତ୍ପର ଥାଆନ୍ତି  l ପୂଜାରେ ଶାନ୍ତି )

ଶୃଙ୍ଖଳା ରକ୍ଷା ପାଇଁ ପୋଲିସ ପ୍ରଶାସନ ସଜାଗ ରହିବା ସହ ଅଂଚଳର ସମସ୍ତ ପୂଜା କମିଟି କର୍ମକର୍ତ୍ତା ମାନଙ୍କ ସହ ନୀତି ନିୟମ ସମ୍ପର୍କରେ ଆଲୋଚନା କରଥାନ୍ତି  l   ପୂଜା ଯେତିକି ପାଖେଇ ପାଖେଇ ଆସୁଛି ସମଗ୍ର କଣ୍ଟାମାଳ ଅଞ୍ଚଳ ସେତିକି ଚଳଚଞ୍ଚଳ ଓ ସମାଗମ ବଢ଼ୁଥିବାବେଳେ ଏକ ପାର୍ବଣ ର ମାହୋଲ ଅନୁଭୂତ ହେଊଛି l

(କଣ୍ଟାମାଳ ରୁ ଜୟ କୁମାର ମହାରଣା ଙ୍କ ରିପୋର୍ଟ