08-Oct-2023

ରେଢ଼ାଖୋଲ ,( ଅନିଲ ପୃଷ୍ଟି ) : ଆରୀୟନ ଫାଉଣ୍ଡେସନ, ରେଢ଼ାଖୋଲ ଏବଂ ମହାନଦୀ ନେତ୍ର ଚିକିତ୍ସାଳୟର ମିଳିତ ଆନୁକୂଲ୍ୟରେ ନାକଟିଦେଉଳ ବ୍ଲକ ବାଟଗାଁ କଲେଜ ଠାରେ କମ୍ପୁଟର ଦ୍ୱାରା ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଅଛି । କାର୍ଯ୍ୟକ୍ରମକୁ ବାଟଗାଁ କଲେଜ ଅଧ୍ୟକ୍ଷ ରମେଶ କୁମାର ଆଗ୍ରୱାଲ ଓ ଅଧ୍ୟାପକ ପ୍ରଫୁଲ୍ଲ କୁମାର ପ୍ରଧାନ ଉଦ୍ଘାଟନ କରିଥିବା ବେଳେ ଆରୀୟନ ଫାଉଣ୍ଡେସନ ର ସଭାପତି ପପୁନ ସାମଲଙ୍କ ସଂଯୋଜନାରେ ନେତ୍ର ଚିକିତ୍ସାଳୟର ଡାକ୍ତର ନବକୁମାର ସାହୁ, କ୍ୟାମ୍ପ ପରିଚାଳକ ଧର୍ମରାଜ ନାଏକ ,  ଭିଜନ ଟେକ୍ନିସିଆନ ମୋନଜ କୁମାର ସାହୁ ଲୋକଙ୍କ ଚକ୍ଷୁ ପରୀକ୍ଷା କରିଥିଲେ ।

ଆରୀୟନ ଫାଉଣ୍ଡେସନ ର ସହ ସମ୍ପାଦକ ମନୋଜ କୁମାର ସାହୁ, ସଦସ୍ୟ ନନ୍ଦକିଶୋର ପ୍ରଧାନ,ସଚିନ କୁମାର ପ୍ରଧାନ, ଗଜାନନ ଭେସରା, ପୁଷ୍ପାଞ୍ଜଳି ଗଗରାଇ, ଶାନ୍ତିଲତା ପ୍ରଧାନ, ଲିଜେନ ବାରିକ, ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । ଶିବିରରେ ବାଟଙ୍ଗା ଅଞ୍ଚଳର ବହୁ ଲୋକ ଚକ୍ଷୁ ପରୀକ୍ଷା କରିଥିଲେ ।‌ କିଛି ଜଣଙ୍କୁ ଚଷମା ପିନ୍ଧିବା ପାଇଁ ପରାମର୍ଶ ଦେବାସହ ନେତ୍ରାଳୟ ପକ୍ଷରୁ ସୁଲଭ ମୂଲ୍ୟରେ ଚଷମା ଯୋଗାଇ ଦିଆଯାଇଥିଲା ।  ୧୭ ଜଣଙ୍କ ମାଗଣା ମୋତିଆବିନ୍ଦୁ ଅସ୍ତ୍ରୋପଚାର ପାଇଁ ସେମାନଙ୍କୁ ପଣ୍ଡାପାଲି ସ୍ଥିତ ମହାନଦୀ ନେତ୍ର ଚିକିତ୍ସାଳୟକୁ  ନିଆଯାଇଥିଲା  l