14-Dec-2020

ବଲାଙ୍ଗୀର, (ପ୍ରେରଣା ଖବର)- ୧୯୮୯ ପି.ପି. ଏକାଡେମୀ ମେଟ୍ରିକ ବ୍ୟାଚ ର ପୂରାତନ ଛାତ୍ର ମାନଙ୍କ ଏକ ବୈଠକ ସ୍ଥାନୀୟ ଟିକ୍ରାପଡା ଗାନ୍ଧୀ ପାଠାଗାର ଠାରେ ଅନୁଷ୍ଠିତ ହୋଇଥିଲା । ଆସନ୍ତା ଡିସେମ୍ବର ୨୭ ତାରିଖ(ରବିବାର)ଦିନ ଜେଆଇଟିଏମ୍ କଲେଜ ପଛପଟ ଫାର୍ମ ହାଉସ ଠାରେ ଏକ ବନ୍ଧୁମିଳନ ଓ ଭୋଜିର ଆୟୋଜନ କରାଯିବା ପାଇଁ ସ୍ଥିରୀକୃତ ହୋଇଛି । ୧୯୮୯ ବ୍ୟାଚ୍ ର ପୂରାତନ ଛାତ୍ର ଅନୀଲ ନନ୍ଦଙ୍କ ଫାର୍ମ ହାଉସରେ ଏହି ବନ୍ଧୁ ମିଳନ କାର୍ଯ୍ୟକ୍ରମ ଆୟଜିତ ହେବାକୁ ଥିବା ବେଳେ ସରକାରଙ୍କ ସମସ୍ତ କୋଭିଡ ଗାଇଡଲାଇନ୍‌କୁ ପାଳନ କରାଯାଇ କାର୍ଯ୍ୟକ୍ରମ ଆୟୋଜିତ କରାଯିବାକୁ ନିଷ୍ପତ୍ତି ହୋଇଛି । ଆଜିର ବୈଠକରେ ସ୍କୁଲର ବହୁ ପୁରାତନ ଛାତ୍ର ଯୋଗ ଦେଇ ନେଇ ନିଜ ଛାତ୍ର ସମୟର ଅଭୁଲା ସ୍ମୃତିକୁ ମନେ ପକାଇ ଥିଲେ । ପୁରାତନ ଛାତ୍ର ରିତୁରାଜ ସିଂହଙ୍କ ଆବାହକତ୍ୱରେ ଅନୁଷ୍ଠିତ ଏହି ବୈଠକରେ ବହୁ ଛାତ୍ର ଯୋଗ ଦେଇ ବିଭିନ୍ନ ପ୍ରସ୍ତାବ ଦେଇଥିଲେ । ୧୯୮୯ ବ୍ୟାଚ୍‌ର ଜଣେ ଛାତ୍ର  ସଡକ ଦୁର୍ଘଟଣାରେ ବର୍ତ୍ତମାନ କୋମା ଅବସ୍ଥାରେ ରହିଥିବା ବେଳେ ତାଙ୍କ ଘରକୁ ଯାଇ ସାକ୍ଷାତ କକରିବା ସହ କିଛି ସହଯୋଗର ହାତ ବଢ଼ାଇବା ପାଇଁ ପ୍ରସ୍ତାବ ଆଗତ ହୋଇଥିଲା । ଖୁବଶୀଘ୍ର ଏକ ଫେମିଲି ପିକ୍‌ନିକ୍ ଆୟୋଜନ ଉପରେ ମଧ୍ୟ ଆଲୋଚନା ହୋଇଥିଲା । ଗତ ବର୍ଷ ମଧ୍ୟ ଡିସେମ୍ବର ମାସରେ ବ୍ୟାଚ୍ ପିକ୍‌ନିକ୍ ସଫଳତାର ସହ ଅନୁଷ୍ଟିତ ହୋଇଥିବାରୁ ଆବାହକ ରିତୁରାଜ ସିଂହ ସମସ୍ତଙ୍କୁ ଧନ୍ୟବାଦ ଜ୍ଞାପନ କରିଥିଲେ । ଚଳିତ ବର୍ଷ ଭୋଜିରେ ସ୍କୁଲର ସମସ୍ତ ପୁରାତନ ଛାତ୍ର ମାନଙ୍କୁ ଏଥିରେ ଯୋଗ ଦେବା ପାଇଁ ଅନୁରୋଧ କରାଯାଉଛି । ବନ୍ଧୁ ମିଳନ କାର୍ଯ୍ୟକ୍ରମର ସଫଳ ଆୟୋଜନ ପାଇଁ ଦାୟିତ୍ର ବଂଟନ କରାଯାଇଥିଲା ।

 ଏଥିପାଇଁ ୧୯୮୯ ବ୍ୟାଚ୍ ଛାତ୍ର ମାନଙ୍କ ଠାରୁ ଭୋଜି ଦେୟ/ଡୋନେସନ ପାଇଁ ଅନୁରୋଧ କରାଯାଛି । ଆଗାମୀ ଦିନରେ ଏହି ବ୍ୟାଚ୍‌ର ସମସ୍ତ ପୁରାତନ ଛାତ୍ର ଏକତ୍ରିତ ହୋଇ କିଛି ଗଠନମୂଳକ ଓ ସାମାଜିକ କାର୍ଯ୍ୟ କରିବା ସଂପର୍କରେ ବୈଠକରେ ଆଲୋଚନା ହୋଇଥିଲା । ଏହି ବୈଠକରେ ୧୯୮୯ମେଟ୍ରିକ ବ୍ୟାଚର ପୂରାତନ ଛାତ୍ର ଅଜିତ ପଣ୍ଡା, ସନ୍ତକ ବହିଦାର, ପବିତ୍ର ନେପାକ, ପ୍ରଦୀପ କୁମାର ଦାସ, ଦାରାସିଂହ ମେହେର,  ଅନୀଲ ନନ୍ଦ, ରଘୁ ନନ୍ଦନ ସିଂହ, ରିତୁରାଜ ସିଂହ, ସାନ୍ତନୁ ମହାକୁଡ, ବିଶ୍ୱମୟ ପୂଜାରୀ, ନରସିଂହ ମହାଣା,ଜ୍ୟୋତିପ୍ରକାଶ ଦୀପ,  ତ୍ରିନାଥ ବେହେରା, ଭାଗିରଥୀ ସେଠ, ଆନନ୍ଦ ମିଶ୍ର, ଜଗଦିଶ ସାହୁ, ଶ୍ରୀଧର ନାଏକ ପ୍ରମୁଖ ଯୋଗ ଦେଇ ବିଭିନ୍ନ ପ୍ରସ୍ତାବ ଦେଇଥିଲେ ।