23-Sep-2023

ବୀରମହାରାଜପୁର,( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ଚନ୍ଦଳି ଫାର୍ମହାଉସରେ କଂଗ୍ରେସ ପକ୍ଷରୁ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି। ଏହି ଅବସରରେ ଏକ କର୍ମୀ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା। ଏଥିରେ ବୀରମହାରାଜପୁର ବ୍ଳକ କଂଗ୍ରେସ କମିଟି ସଭାପତି ବସନ୍ତ ମହାକୁଡ଼ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲ୍ଲା କଂଗ୍ରେସ ସଭାପତି ଗୈାରିଶ୍ୟାମ ପଣ୍ଡା, ପୂର୍ବତନ ସୋନପୁର ବିଧାୟକ ବିନୋଦ ପାତ୍ର, ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ପୂର୍ବତନ ବ୍ଳକ ଅଧ୍ୟକ୍ଷ ସୁରେନ୍ଦ୍ର ପତି, ଅନୁସୂଚିତ ଜାତି ରାଜ୍ୟ ସଭ୍ୟ ପ୍ରଦୀପ ସେଠୀ, ସୁବର୍ଣ୍ଣପୁର ଜିଲ୍ଲା ଓବିସି ସେଲ୍ ସଭାପତି ପ୍ରେମାନନ୍ଦ ଜଟି, ରାଜ୍ୟ କୃଷକ ମୋର୍ଚ୍ଚା ସଭ୍ୟ ସ୍ବପ୍ନେଶ୍ଵର ପୃଷ୍ଟି, ଜିଲ୍ଲା କୃଷକ ମୋର୍ଚ୍ଚା ସଭାପତି ନରେନ୍ଦ୍ର ପଣ୍ଡା, ସରପଞ୍ଚ ସନାତତ ମହାଲିଙ୍ଗ, ସରପଞ୍ଚ ସତ୍ୟାନନ୍ଦ ମେଣ୍ଡିଲି, ସୁବର୍ଣ୍ଣପୁର ଯୁବମୋର୍ଚ୍ଚା ଉପ ସଭାପତି ଗୋବିନ୍ଦ ଝାଙ୍କର, ସରପଞ୍ଚ ପ୍ରମୋଦ କୁମାର ମହାପାତ୍ର, ସୁବର୍ଣ୍ଣପୁର ଜିଲ୍ଲା ସଂଯୋଜକ ଗୋକୁଳାନନ୍ଦ ସାହୁ ସମତେ ବହୁ ବରିଷ୍ଠ କାର୍ଯ୍ୟକର୍ତ୍ତା ଅତିଥି ଭାବେ ଯୋଗଦେଇ ଥିଲେ। ନୁଆଖାଇଁ ଭେଟଘାଟ ଭିତରେ ରେ ଏକ ମିଶ୍ରଣ ପର୍ବ ଆୟୋଜନ ହୋଇଥିଲା। ଏଥିରେ ବୀରମହାରାଜପୁର ବିଜେପି ମଣ୍ଡଳ ସଭାପତି ହରିହର ପାତ୍ର, ମୁର୍ଷୁଣ୍ଢୀ ପଞ୍ଚାୟତ ଆମ ଆଦମୀ ପାର୍ଟି ସଭାପତି ଉମାଶଙ୍କର ହୋତା, ଯୁବ ବିଜେଡି ନେତା ସୁନିଲ ପଧାନ,‌ ବିଜେଡି ନେତା ଆଶୁତୋଷ ଦାଶ ଆନୁଷ୍ଠାନିକ ଭାବେ କଂଗ୍ରେସରେ ସାମିଲ ହୋଇଥିଲେ।  ରାଜ୍ୟ ସୋସିଆଲ ମିଡ଼ିଆ ଉପ ସଭାପତି ପ୍ରିୟବ୍ରତ ସାହୁ ଉକ୍ତ କାର୍ଯ୍ୟକ୍ରମରେ ସଭା ସଂଯୋଜନା କରିଥିବା ବେଳେ ବହୁ ସଂଖ୍ୟାରେ ନେତା ଓ କର୍ମୀ ସାମିଲ ହୋଇଥିଲେ। ବ୍ଳକ ଯୁବ କଂଗ୍ରେସ ସଭାପତି ବିଦ୍ୟାଧର ଖୁର୍ଡିଆ ଧନ୍ୟବାଦ ଅର୍ପଣ କରିଥିଲେ।