03-Sep-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ଏକ ଠକେଇ ଘଟଣାରେ ନ୍ୟାୟ ପାଇବା ପାଇଁ ଥାନାର ଦ୍ୱାରସ୍ତ ହେଲେ ଠକାମିର ଶିକାର ହୋଇଥିବା ଯୁବକ । ସୁବର୍ଣ୍ଣପୁର ଜିଲ୍ଲା ସୋନପୁର ଥାନା ବଡବଜାରର ଅନୁପ ମିଶ୍ର ଙ୍କ ପାଇଁ ଘଟିଛି ଏଭଳି କିଛି ଘଟଣା । ସୋନପୁର ସହରର ଅନୁପ ମିଶ୍ରଙ୍କର ବଲାଙ୍ଗୀର ସହରରେ ଟ୍ରାନ୍ସପୋର୍ଟ ବିଜନେସ ରହିଛି । ତେବେ ବ୍ୟବସାୟ ଭିତରେ ବଲାଙ୍ଗୀର ସହର ଇଚ୍ଛାପଡା,ପେଲେସ ଲାଇନ ନିବାସୀ  ନବୀନ ମିଶ୍ରଙ୍କ ସହ ଅନୁପ ମିଶ୍ର ଚିହ୍ନା ପରିଚୟ ହୋଇଥିଲା । କିଛିଦିନର ବନ୍ଧୁତା ପରେ ନବୀନ ମିଶ୍ର ଅନୁପଙ୍କଠାରୁ ଗତ ୨୭.୦୭,୨୨ ରେ ପ୍ରଥମେ ୬୫ ହଜାର ଟଙ୍କା ଓ ପରେ ଅନୁପଙ୍କ ମାଁଙ୍କ ଠାରୁ ଏକଲକ୍ଷ ଟଙ୍କା ଧାର ସୁତ୍ରରେ ନେଇଥିଲେ । ତେବେ ପରେ ଅନୁପ ସେହି ଟଙ୍କା ନବୀନଙ୍କୁ ମାଗିବାରୁ ସେ ଅରାଜି ହୋଇଥିଲେ । ଏମିତିକି ଅନୁପଙ୍କୁ ହତ୍ୟା ଧମକ ମଧ୍ୟ ଦେଇଥିଲେ ନବୀନ । ଏଣୁ ଆଜି ଏନେଇ ଅନୁପ ମିଶ୍ର ସୋନପୁର ଥାନାର ଦ୍ୱାରସ୍ତ ହେବାସହ ନବୀନଙ୍କ ବିରୁଦ୍ଧରେ ଏକ ଲିଖିତ ଅଭିଯୋଗ କରିଛନ୍ତି ।