01-Sep-2023

ବଲାଙ୍ଗିର /  ଆଜି ବଲାଙ୍ଗିର ଜିଲ୍ଲା ପୁଇଁତଳା ଥାନା ପୋଲିସ ବିଭିନ୍ନ ରାହାଜାନୀ କେସରେ ସମ୍ପୃକ୍ତ ଥିବା ମୁଦାଲା ତଥା କୁଖ୍ୟାତ ଅନ୍ତଃଜିଲ୍ଲା ଡକାୟତ ଶିବ ଶରଭଙ୍ଗ(୩୭) ପି. କବି ଶରଭଙ୍ଗ ଗ୍ରାମ-ଚାର୍ନିଆପାଳି, ଥାନା-ତରଭା, ଜିଲ୍ଲା-ସୁବର୍ଣ୍ଣପୁର କୁ ନିଜ ଉଦ୍ୟମରେ ଗିରଫ କରି ଆଜି ମାନ୍ୟବର କୋର୍ଟକୁ ପଠା ଯାଇଛି । ସେ ପୁଇଁତଳା ଥାନା କେସ ନମ୍ବର ୬୭/୨୦୨୩ ରେ ଗତ ୧୭.୦୩.୨୦୨୩ ରିଖ ମଙ୍ଗଳାମୁଣ୍ଡା ଗ୍ରାମ ନିକଟରେ ଭାରତ ମାଇକ୍ରୋ ଫାଇନାନ୍ସର ଲୋକମାନଙ୍କ ଠାରୁ ଭୟଭୀତ ଏବଂ ମାରପିଟ କରି ସେ ଏବଂ ତାର ସାଥୀ ମାନେ ଫାଇନାନ୍ସ କମ୍ପାନୀର କର୍ମଚାରୀ ମାନଙ୍କ ଠାରୁ ୮୦୦୦୦ ଟଙ୍କା, ଗୋଟିଏ ଟେବଲେଟ, ଗୋଟିଏ ବୟୋ ମେଟ୍ରିକ ସ୍କେନର ଏବଂ ଦୁଇ ଗୋଟି ମୋବାଇଲ ଫୋନ ଲୁଟ କରିଥିଲେ । ଲୁଟ ହୋଇଥିବା ଟେବଲେଟ ଆଜି ତା ଠାରୁ ଜବତ କରାଯାଇଛି । ଶିବ ଶରଭଙ୍ଗ ବଲାଙ୍ଗୀର ଜିଲ୍ଲା ତଥା ଆଖ ପାଖ ଜିଲ୍ଲାରେ ପ୍ରାୟ ୨୫ ରୁ ଉର୍ଦ୍ଧ ରାହାଯାନୀ କେସରେ ସମ୍ପୃକ୍ତ ଅଛି । ତାଙ୍କର ମୁଖ୍ୟ ଲକ୍ଷ୍ୟ କେବଳ ଟଙ୍କା କଲେକ୍ସନ କରି ଫେରୁଥିବା ମାଇକ୍ରୋ ଫାଇନାନ୍ସ ପିଲା ମାନଙ୍କୁ ଭୁଜାଲି, ଖଣ୍ଡା ଦେଖାଇ ଲୁଟ କରିବା । ତାଙ୍କର ଅନ୍ୟାନ୍ୟ ସହଯୋଗୀ ମାନଙ୍କୁ ମଧ୍ୟ ଧରିବା ପାଇଁ ଉଦ୍ୟମ କରା ଯାଉଥିବା ପୁଇଁତଳା ପୋଲିସ ସୂଚନା ଦେଇଛି l

(ଚିତ୍ରସେନ ବେହେରା ଙ୍କ ରିପୋର୍ଟ )