29-Aug-2023

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ସହରର ଅନ୍ୱେଷା ହଷ୍ଟେଲ ଅତିରିକ୍ତ ସୁପରିଟେଣ୍ଡେଟଙ୍କୁ ଅନ୍ୟତ୍ର ବଦଳି ଖାଲିଥିବା ସମସ୍ତ ଷ୍ଟାଫ ନିଯୁକ୍ତି ଛାତ୍ରଛାତ୍ରୀ ଅନୁପାତରେ ବିଜ୍ଞାନ, ଗଣିତ ଓ ଇଂରାଜୀ ଟ୍ୟୁସନ ଶିକ୍ଷକ ନିଯୁକ୍ତି,ଛାତ୍ରଛାତ୍ରୀଙ୍କ ସଂଖ୍ୟା ଦୃଷ୍ଟିରୁ ଅଧିକ ସ୍କୁଲବସ,ହଷ୍ଟେଲ ରେ ପିଇବା ପାଣି ଓ ବିଜୁଳି ବ୍ୟବସ୍ଥା,ଛାତ୍ରଛାତ୍ରୀ ଙ୍କୁ ନିୟମିତ ସ୍ୱାସ୍ଥ୍ୟ ପରୀକ୍ଷା ସହ ସାନିଟାଇଜ ପେଡ଼ ପ୍ରଦାନ  ଦାବୀ ନେଇ ଆଜି ପାଟଣାଗଡ଼ ଗୋଷ୍ଠୀ ଉନ୍ନୟନ କାର୍ଯ୍ୟାଳୟରେ ଅନୁଷ୍ଠିତ ଜିଲ୍ଲାପାଳ ଓ ଆରକ୍ଷୀ ଅଧିକାରୀଙ୍କ ଯୁଗ୍ମ ଜନଶୁଣାଣୀରେ ଅନ୍ୱେଷା ଅଭିଭାବକ ସଂଘ ପାଟଣାଗଡ଼ ପକ୍ଷରୁ ଜିଲ୍ଲା ଆଦିବାସୀ କଲ୍ୟାଣ ସଂଘର ଯୁଗ୍ମ ସମ୍ପାଦକ ଗିରିରାଜ ଭୋଇଙ୍କ ନେତୃତ୍ୱରେ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି । 
ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏସ.ଟି/ଏସ.ସି ଛାତ୍ରଛାତ୍ରୀଙ୍କ ଗୁଣାତ୍ମକ ଶିକ୍ଷା ପାଇଁ ଷ୍ଟାଣ୍ଡ।ର୍ଡ଼ ସ୍କୁଲରେ ନିଶୁଳ୍କ ପାଠ ପଢିବା ପାଇଁ ଅନ୍ୱେଷା ଯୋଜନା କରିଛନ୍ତି । କିନ୍ତୁ କିଛି ଅସାମାଜିକ, ଲୁଟେରା ଅଧିକାରୀ ମାନଙ୍କ ଅବହେଳା,ବେପାରୁଆ ମନୋବୃତି ଓ ବାଟମାରଣା ଯୋଗୁଁ ଏସ. ଟି/ଏସ.ସି ଛାତ୍ରଛାତ୍ରୀ ଙ୍କ ଭବିଷ୍ୟତ ଅନ୍ଧାର ଆଡ଼କୁ ଗତି କରୁଛି । ଯେତେ ଯୋଜନା କଲେ ମଧ୍ୟ ସବୁ ମାଟିରେ ମିଶି ଯାଉଛି ।
ପ୍ରକାଶ ଥାଉକି ହଷ୍ଟେଲ ସୁପରିଟେଣ୍ଡେଟଙ୍କ ମନମାନି ଶାସନ ଓ ବେପାରୁଆ ମନୋବୃତି ଯୋଗୁଁ ଗତ ତା.୨୧.୦୮.୨୩ ରିଖରେ ନିମ୍ନମାନର ଖାଦ୍ୟ ଓ ବାସୀ ଖାଦ୍ୟ ଖାଇ ୪୭ଜଣ ଛାତ୍ରଛାତ୍ରୀ ଅସୁସ୍ଥ ହୋଇ ପାଟଣାଗଡ଼ ଡାକ୍ତରଖାନାରେ ଚିକିତ୍ସିତ ହୋଇଥିଲେ । ଉପରୋକ୍ତ ଦାବୀକୁ ଜିଲ୍ଲାପାଳ ମହୋଦୟ ଦୃଷ୍ଟି ଦେଇ ଯଥା ଶୀଘ୍ର ସମାଧାନ କରିବାକୁ ଜିଲ୍ଲା ପ୍ରଶାସନ ପାଖରେ ଦାବୀ କରାଯାଇଛି । ଦାବିପତ୍ର ଦେବା ସମୟରେ ଅଭିଭାବକ ସଂଘ ସଭାପତି ଆନନ୍ଦ ସିଂ ବରିହା, ମମତା କୁମ୍ଭାର,ବୀଣା ତାଣ୍ଡି,ଜଗଦୀଶ ବରିହା,ତୁଳସୀ ଭୋଇ,ହୃଷୀକେଶ ଭୋଇ,ଘନ ଭୁଏ, ମାଧୁରୀ ଭୁଏ, ଯୁଥପତି ମାଝୀ, କସ୍ତୁଭ ମାଝୀ ପ୍ରମୁଖ ଅଭିଭାବକ ମାନେ ଉପସ୍ଥିତ ଥିଲେ । ସେହିଭଳି ଉପରୋକ୍ତ ଦାବୀ ନେଇ  ଜିଲ୍ଲା ମଙ୍ଗଳ ଅଧିକାରୀ ପାଟଣାଗଡ଼,ଉପଜିଲ୍ଲାପାଳ ପାଟଣାଗଡ଼, ଜିଲ୍ଲା ମଙ୍ଗଳ ଅଧିକାରୀ ବଲାଙ୍ଗୀରଙ୍କ ଅବଗତି ଓ ବିହିତ ପଦକ୍ଷେପ ନେବା ପାଇଁ ଲିଖିତ ଭାବେ ଅଭିଯୋଗ କରାଯାଇଛି ।m