29-Aug-2023

ବୀରମହାରାଜପୁର, (ବିନୋଦ ପାଣ୍ଡେ): ଓଡିଶା ରାଜ୍ୟ ଯୋଗାଣ ସହାୟକ ସଂଘ ନିର୍ଦ୍ଦେଶ କ୍ରମେ  ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଳକର  ଯୋଗାଣ ସହାୟକ ସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ସୁଲିଆଙ୍କୁ ୬ ଦଫା ଦାବି ପତ୍ର ପ୍ରଦାନ କରିଥିବା ଜଣାଯାଇଛି। ଆଜି ଠାରୁ ବ୍ଳକର ସମସ୍ତ କାର୍ଯ୍ୟରତ ଯୋଗାଣ ସହାୟକ ଅନିର୍ଦିଷ୍ଟ କାଳ ପର୍ଯ୍ୟନ୍ତ ଛୁଟିରେ ରହିଲେ ବୋଲି ସଂଘ ପକ୍ଷରୁ କୁହାଯାଇଛି। ଉକ୍ତ ଦାବି ପତ୍ରରେ ଯୋଗାଣ ସହାୟକର ଚାକିରି ସ୍ଥାୟୀତ୍ବ ଓ ମାସିକ ଦରମା ୨୫ ହଜାରକୁ ବୃଦ୍ଧି କରିବା, ଯୋଗାଣ ସହାୟକ ନାମରେ ପିଡିଏସ ଲାଇସେନ୍ସ ପ୍ରଦାନ କରିବା, କାର୍ଯ୍ୟରତ ଯୋଗାଣ ସହାୟକଙ୍କୁ ମୃତ୍ୟୁ କାଳୀନ ସହାୟତା ରାଶି ପ୍ରଦାନ କରିବା ସହିତ ପରିବାର ବର୍ଗର ଜଣେ ସଦସ୍ୟ ଚାକିରି ଯୋଗାଇବା,ଯୋଗାଣ ସହାୟକଙ୍କୁ ପଞ୍ଚାୟତ ରାଜ ବିଭାଗ ରୁ ନିବୃତ କରି ଯୋଗାଣ ବିଭାଗ ରେ ଅନ୍ତର୍ଭୁକ୍ତ କରାଯାଇ ପଦବିକୁ ସହକାରୀ ଯୋଗାଣ ନିରୀକ୍ଷକ ନାମରେ ନାମିତ କରାଯିବା,ଇ-ପୋସ ଡିଭାଇସ୍ ପରିଚାଳନାର ପ୍ରୋତ୍ସାହନ ରାଶି ଯୋଗାଣ କୁ ପ୍ରଦାନ କରିବା , ମାସିକ ପିଡିଏସ ଆବଣ୍ଟନରେ ୨ ଶତକଡା ନିଅଣ୍ଟକୁ ଭରଣ କରିବା ପ୍ରମୁଖ ଦାବି ପତ୍ରରେ ଉଲ୍ଲେଖ ରହିଛି। ଏଥିରେ ସଂଘ ସଭାପତି ପ୍ରସନ୍ନ ପଧାନ, ସମ୍ପାଦକ ନହେଲି ମୁଖି, ମନୋଜ କୁମାର ସାହୁ, ସ୍ମରଣିକା ବିଶ୍ଵାଳ, ଅର୍ଜୁନ ପଧାନ,ଭରତ ଖମାରୀ,ଗୁରୁ କିଶୋର ଡାଙ୍ଗ, ଦେବେନ୍ଦ୍ର ପଣ୍ଡା, ବିନୋଦ ପଧାନ,ବିଭିଷଣ ଦନ୍ତା, ଚୈତନ୍ୟ ଗାଇଗୁରିଆ ଓ ତରଣୀ ମହାକୁର ପ୍ରମୁଖ ସାମିଲ ହୋଇଥିଲେ।