18-Aug-2023

ବଲାଙ୍ଗିର (ପ୍ରେରଣା ଖବର ):  ଲୁଟ୍ କରି ଫେରାର୍ ଥିବା ଦୁଇ ଜଣ ମୋବାଇଲ ଲୁଟେରାଙ୍କୁ ଧରିବାରେ ସଫଳ ହୋଇଛି ପୁଇଁତଳା ପୋଲିସ l ସୂଚନାରୁ ପ୍ରକାଶ ଯେ , ଗତ ୦୯.୦୮.୨୦୨୩ ସମୟ ପ୍ରାୟ ଗୋଟାଏ ସମୟରେ ଦୁଇଜଣ ପିଲା କଲେଜରୁ ନିଜର ସାଇକେଲରେ ପାଠ ସାରି ଫେରୁଥିବା ସମୟରେ ଠେଲକୋମୁଣ୍ଡା ତାଳମୁଣ୍ଡା ଛକ ପାଖରେ ଦୁଇଜଣ ଦୁର୍ବୁତ୍ତ ନମ୍ବର ବିହୀନ ଏକ ୟାମାହା କ୍ରକ୍ସ ମୋଟର ସାଇକେଲ ରେ ଆସି ଭୁଜାଲି ଦେଖାଇ ଭୟଭୀତ କରି ସେହି ପିଲା ମାନଙ୍କ ଠାରୁ ଜୋର ଜବରଦସ୍ତି ଏକ ମୋବାଇଲ ଫୋନ ଛଡାଇ ନେଇ ଫେରାର ମାରିଥିଲେ । ଏହି ଘଟଣାକୁ ନେଇ ପୁଇଁତଳା ଥାନାରେ ଏକ ମାମାଲା ରୁଜୁ ହୋଇଥିଲା । ପୁଇଁତଳା ପୋଲିସ ଏହାର ତୁରନ୍ତ ପଦକ୍ଷେପ ନେଇ ସେହି ଦୁଇଜଣ ଦୁର୍ବୁତ୍ତକୁ ଧରିବାରେ ସକ୍ଷମ ହୋଇ ସେମାନଙ୍କ ଠାରୁ ଗୋଟିଏ ଲୁଟ କରିଥିବା ମୋବାଇଲ ଫୋନ ଏବଂ ଆଗରୁ ଅନ୍ୟମାନଙ୍କ ଠାରୁ ଲୁଟ କରିଥିବା ବିଭିନ୍ନ ପ୍ରକାର ୬ ଗୋଟି ମୋବାଇଲ ଫୋନ ଓ  ଲୁଟ ପାଇଁ ସେମାନେ ବ୍ୟବହାର କରୁଥିବ ଗୋଟିଏ ଭୁଜାଲି, ଏକ ନମ୍ବର ବିହୀନ ୟାମାହା କ୍ରକ୍ସ ମୋଟର ସାଇକେଲ ଜବତି କରାଯାଇଛି ଏବଂ ସେମାନେ ସ୍ଵୀକାର ମଧ୍ୟ କରିଥିଲେ ଯେ ତରଭା, ବଇରାସର ର ବିଭିନ୍ନ ସ୍ଥାନରୁ ଆଗରୁ ଏହି ପ୍ରକାର କାମ କରି ମୋବାଇଲ ଫୋନ, ପଇସା ପତ୍ର ଲୁଟ ପାଟ କରନ୍ତି । ସେହି ଦୁଇ ଜଣ ଦୁର୍ବୁତ୍ତ ହେଲେ ପୁଇଁତଳା ଥାନା ବଇରାସର ଗ୍ରାମର ବବୁଲୁ ମହାନନ୍ଦ ଓ  ତରଭା ଥାନା ଶିବତଳା ଗ୍ରାମର ଦେବହରି ଛତରିଆ l ପୁଇଁତଳା ଥାନା କେଶ୍ ନମ୍ବର ୧୬୬, ଦଫା ୩୯୨  ଆଇ ପି ସି ଅନୁଯାୟୀ  ସେହି ଦୁଇ ଜଣ ଯୁବକଙ୍କୁ ମାନ୍ୟବର ଅଦାଲତରେ ହାଜର କରାଯାଇଛି ।