18-Aug-2023

ବଲାଙ୍ଗିର  ଏୈତିହାସିକ ସହର ପାଟଣା ରାଜ୍ୟ ସମୟ ର ଇଷ୍ଟ ଦେବୀ ମାଁ ପାଟଣେଶ୍ବରୀ ମାଁ ସମଲେଶ୍ଵରୀ ମନ୍ଦିର ଓ ଗୋପାଲ ଜୀ ମନ୍ଦିର ବିଭିନ୍ନ ସମୟରେ ବେଶ୍ ଚର୍ଚ୍ଚିତ ରହୁଥିଲା l ମନ୍ଦିର ପୁନରୁଦ୍ଧାର ପାଇଁ ବିଭିନ୍ନ ସମୟରେ ଦାବି କରି ଆସୁଥିଲେ ମଧ୍ୟ ପ୍ରଶାସନ ନୀରବ ରହୁଥିଲା. ଦୀର୍ଘଦିନ ହେବ ମାଁ ପାଟଣେଶ୍ବରୀ ମନ୍ଦିର ବର୍ଷା ପାଣି ଓ ନାଳ ପାଣି ପ୍ରବେଶ ଯୋଗୁଁ ମାଁ ଜଳ ରେ ଉବୁଟୁବୁ ହଉଥିବା ବେଳେ ମାଁ ଙ୍କ ରୋଷଶାଳା, ଗର୍ଭଗୃହରେ ଫାଟ ସୃଷ୍ଟି ହେଉଥିବା ବେଳେ ମାଁ ସମଲେଶ୍ଵରୀ ଦେବୀଙ୍କ ମନ୍ଦିର ୨୦୨୧ ରେ ଛାତ ଭୁଷୁଡିବା ଯୋଗୁ ଭକ୍ତଙ୍କ ଭାବାବେଗ ଆଘାତ ହେଇଥିଲା, ସେପରି ଗୋପାଳ ଜୀ ମନ୍ଦିର ଦେବୋତ୍ତର କାର୍ଯ୍ୟାଳୟ ପରିସରରେ ଥିଲେ ମଧ୍ୟ ମନ୍ଦିର ଗମ୍ବୁଜରେ ଫାଟ ସୃଷ୍ଟି ହେବା ସହ ବର୍ଷା ଜଳ ମନ୍ଦିର ମଧ୍ଯ ରେ ପ୍ରବେଶ ହଉଥିଲା ତଥା ପୂଜକଙ୍କ ଘର ମଧ୍ଯ ଭୁଶୁଡ଼ି ପଡ଼ିଛି l ଏ ନେଇ ବଲାଙ୍ଗିର ସହରର ବିଭିନ୍ନ ଅନୁଷ୍ଠାନକୁ ନେଇ ଦେବାଳୟ ସୁରକ୍ଷା କମିଟି ଗଢ଼ା ହୋଇ ବାରମ୍ବାର ମନ୍ଦିର ମାନଙ୍କ ସୁରକ୍ଷା ଦାବି କରିଆସୁଥିଲେ l ଗତ ୬ ତାରିଖ ଦିନ 5T ସଚିବ ଶ୍ରୀ ଭି କେ ପାଣ୍ଡିଆନ୍ ବଲାଙ୍ଗିର ଗସ୍ତ କରି ଥିବା ବେଳେ ଦେବାଳୟ ସୁରକ୍ଷା କମିଟି ଦାବିପତ୍ର ପ୍ରଦାନ କରିଥିବା ବେଳେ ଏ ବିଷୟକୁ ନେଇ ବଲାଙ୍ଗିର ଜିଲ୍ଲାପାଳ ଏକ ସ୍ଵତନ୍ତ୍ର ଟିମ୍ ଗଢ଼ି ମନ୍ଦିର ମାନଙ୍କ ର ସର୍ଭେ ଓ ଡିପିଆର୍ ପ୍ରସ୍ତୁତି  ପାଇଁ ଆଦେଶ ଦେଇଥିଲେ l ତେବେ ଗତ ଦୁଇ ଦିନ ବୁଧବାର ଓ ଗୁରୁବାର ଦିନ ଉପଜିଲ୍ଲାପାଳ ଓ ପୂର୍ତ୍ତବିଭାଗ କାର୍ଯ୍ୟାଳୟରେ ମନ୍ଦିର ଉନ୍ନତିକରଣ ବାବଦରେ ଏକ ବୈଠକ ଅନୁଷ୍ଠିତ ହୋଇଥିଲା ଯେଉଁଥିରେ ମନ୍ଦିରର  ଉନ୍ନତିକରଣ ଓ ସୌନ୍ଦର୍ଯ୍ୟକରଣ ପାଇଁ ଅନେକ ପ୍ରସଙ୍ଗ ଉପରେ ଆଲୋଚନା ହେଇଥିଲା l ବଲାଙ୍ଗିର ଉପଜିଲ୍ଲାପାଳ ତଥା ଦେବୋତ୍ତର ମୁଖ୍ୟ ନିର୍ବାହୀ ଅଧିକାରୀ ଶ୍ରୀ କୁମାର ନାଗ ଭୂଷଣ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀ ନରେନ୍ଦ୍ର ଘଡ଼େଇ, ଦେବୋତ୍ତର ପରିଚାଳକ ସୁଧୀର କୁମାର ଦାଶ, ପାଟଣେଶ୍ବରୀ ମନ୍ଦିର ମୁଖ୍ୟ ସେବାୟତ ମଳୟ କୁମାର ଦିଶ୍ରୀ, ଅବିନାଶ ଦିଶ୍ରୀ, ସମଲେଶ୍ୱରୀ ମନ୍ଦିର ସେବାୟତ ଅକ୍ଷୟ ଦିଶ୍ରୀ, ମନ୍ଦିର ଆରତୀ କମିଟି ର ବିକାଶ ସା, ଗୋପାଳଜୀ ମନ୍ଦିର କର୍ମକର୍ତ୍ତା ନୀଳମଣି ମିଶ୍ର, ଦେବାଳୟ ସୁରକ୍ଷା କମିଟି ଆବାହକ ପ୍ରଶାନ୍ତ ମହାକୁଡ଼, ମଧୁସୂଦନ ନାୟକ, ବରିଷ୍ଠ ନାଗରିକ ସଂଘ ର ସୁରେନ୍ଦ୍ର ନେଗୀ, ସୁଦର୍ଶନ ସାହୁ ଓ ବୁଲୁ ବେହେରା ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ l
 ମାଆଙ୍କ ବିଗ୍ରହକୁ ନ ହଟେଇ ମନ୍ଦିର ର ଉନ୍ନତିକରଣ ଓ ସୌନ୍ଦର୍ଯ୍ୟକରଣ କରାଯିବ ବୋଲି ନିଷ୍ପତ୍ତି ହୋଇଥିଲା l