25-Jul-2023

ପାଟଣାଗଡ (ଦିଲିପ ପଣ୍ଡା) ବଲାଙ୍ଗୀର ଜିଲ୍ଲା ପାଟଣାଗଡ ବ୍ଲକ ଭରତ ବାହାଲ ପଞ୍ଚାୟତ ମୁଦଳସର ଗ୍ରାମର ଜଳ ଯୋଗାଣ ପାଇଁ ସୁକତେଲ ନଦୀରେ ହୋଇଥିବା ପାଣି ଟାଙ୍କି ନିକଟସ୍ଥ ଗାଡୱେଲ ଗତ ତିନମାସ ତଳେ ନୂତନ ଭାବେ ନିର୍ମାଣ ହୋଇଥିଲା କିନ୍ତୁ ସାମାନ୍ୟ ବର୍ଷାରେ ଗାଡ ୱେଲ ସମ୍ପୂର୍ଣ୍ଣ ଭାଙ୍ଗି ଯାଇଛି।ଏହି କାମ ଠିକାଦାର ଲବ ନନ୍ଦ କରିଥିବା )ବେଳେ ନିମ୍ନମାନର କାମ ଯୋଗୁଁ ଭାଙ୍ଗି ପଡ଼ିଛି। ଏ ବିଷୟରେ ବିଭାଗୀୟ ଏସଡିଓ ଙ୍କୁ ପଚାରିବାରୁ ପାଣି ୬ ମିଟର ଉଚ୍ଚ ରେ ଯିବାରୁ ଭାଙ୍ଗିଥିବା ବୋଲି ସଫେଇ ଦେଇଥିଲେ କିନ୍ତୁ ପାଣି ପ୍ରାୟତ ୫ ଫୁଟ ପର୍ଯ୍ୟନ୍ତ ଯାଇଥିଲା ଏଠାରେ ପ୍ରଶ୍ନ ଉଠେ ଯେ ପାଣି ଟାଙ୍କିକୁ ସୁରକ୍ଷିତ ରଖିବା ପାଇଁ ଉକ୍ତ ଗାଡ଼ ୱେଲ୍ କାମ ହୋଇଥିଲା କିନ୍ତୁ ସାମାନ୍ୟ ପାଣିରେ ଯଦି ଗାଡ଼ ୱେଳ ଭାଙ୍ଗି ପଡ଼ିଛି ତାହେଲେ କିଭଳି ନିମ୍ନ ମାନର କାମ ହୋଇଥିଲା।ଅନ୍ୟପଟେ   ଯାହା ଶୁଣିବାକୁ ମିଳୁଛି ଠିକାଦାର ନନ୍ଦ ବାବୁଙ୍କ କୁଆଡେ ଲମ୍ବାହାତ ରହିଛି ସେଥିପାଇଁ ବାବୁଙ୍କୁ କେହି କହିବାକୁ ସାହାସ କରି ପାରୁନାହାନ୍ତି ବିଭାଗୀୟ ଅଧିକାରୀ ମଧ୍ୟ ବାବୁଙ୍କୁ ପରୋକ୍ଷରେ ସହଯୋଗ କରୁଛନ୍ତି।ମୁଡଳସର ଗ୍ରାମରେ ହୋଇଥିବା ଜଳଯୋଗାଣ ପ୍ରକଳ୍ପ ମଧ୍ୟ ନିମ୍ନମାନର ହୋଇଛି ବିଭିନ୍ନ ସ୍ଥାନରେ ପାଣି ପାଇପ ଫାଟି ଗଲାଣି ଲୋକଙ୍କୁ ଠିକ୍ ଭାବରେ ପାଣି ମଧ୍ୟ ମିଳୁନି,ଷ୍ଟାଣ୍ଡ ପୋଷ୍ଟ ଗୁଡ଼ିକ ମଧ୍ୟ ଭାଙ୍ଗି ଗଲାଣି ବାବୁଙ୍କ ବିଷୟରେ ଯେତେ ଅଭିଯୋଗ କଲେ ମଧ୍ୟ କିଛି ଫଳ ପ୍ରଦ ହେଉନଥିବା ଅଭିଯୋଗ ହୋଇଛି।ବାବୁଙ୍କ ବିଭିନ୍ନ ଗ୍ରାମରେ ନିମ୍ନମାନର କାମ ହୋଇଥିବା ନେଇ ଅନେକ ଥର ଅଭିଯୋଗ ହୋଇଥିଲେ ମଧ୍ୟ ବିଭାଗୀୟ ବାବୁ ଘଣ୍ଟ ଘୋଡେଇ ରଖିଛନ୍ତି। ଏ ବିଷୟରେ ଜିଲ୍ଲାପାଳ ସ୍ଵତନ୍ତ୍ର ଦୃଷ୍ଟି ଦେଇ ଠିକାଦାର ନନ୍ଦ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ସହ  ଉକ୍ତ କାର୍ଯ୍ୟର ବିଲ ବନ୍ଦ କରାଯିବା ନେଇ ଅଞ୍ଚଳବାସୀ ଦାବି କରିଛନ୍ତି।