25-Jul-2023

ବଲାଙ୍ଗୀର, (ବିନୋଦ କୁମାର ଦୀପ) ଆଜି ବଲାଙ୍ଗୀର ଜିଲ୍ଲାର ୱେବ ମିଡ଼ିଆ ସାମ୍ବାଦିକ ସଙ୍ଘର ବିଭିନ୍ନ ଚ୍ୟାନେଲ ଗୁଡିକରେ କାର୍ଯ୍ୟରତ ସାମ୍ବାଦିକ ମାନେ ଏକତ୍ରିତ ହୋଇ ଜିଲ୍ଲାର ସଦେଇପାଲି ପଞ୍ଚାୟତ ଅନ୍ତର୍ଗତ ଧୁମାମରା ଗ୍ରାମ ନିକଟରେ ସଙ୍ଘ ସଭାପତି ଫିରୋଜ କୁମାର ସାହୁ ଙ୍କ ନିଜସ୍ୱ ଜମିରେ ବୃକ୍ଷ ରୋପଣ କରାଯାଇଥିଲା l ଏଥିରେ ଔଷଧୀୟ ଜଙ୍ଗଲୀ ଅଇଁଲା ଗଛ ରୋପଣ କରି ସମାଜକୁ ଏକ ବାର୍ତ୍ତା ପ୍ରେରଣ କରିଥିଲେ ଯେ ସାମ୍ବାଦିକତା କେବଳ ଲୋକଙ୍କ ବିଷୟରେ ଖବର ପ୍ରସାରଣ କରିବା ସହିତ ନିଜେ ମଧ୍ୟ ସମାଜ ପାଇଁ ଆଦର୍ଶ ସାଜି ବୃକ୍ଷ ରୋପଣ କରାଗଲା l ରକ୍ତଦାନ କରିବା ଭଳି ବୃକ୍ଷରୋପଣ ମଧ୍ୟ ଏକ ମହାନ କାର୍ଯ୍ୟ ଏଣୁ ଏହି ବୃକ୍ଷରୋପଣ ପାଇଁ ସମସ୍ତ ଜିଲ୍ଲାର ବନ ବିଭାଗ ତରଫରୁ ବିଭିନ୍ନ ପ୍ରକାରର ଚାରା ବଣ୍ଟନ କରାଯାଉଛି l ବର୍ତ୍ତମାନ ସ୍ଥିତିରେ ସମଗ୍ର ପୃଥିବୀ ଉତ୍ତାପମୟ ହେଉଛି l ଜନ ଜୀଵନ ଗ୍ରୀଷ୍ମ ମାସରେ ଅସହ୍ୟ ପ୍ରଭାବ ପକାଉଛି ଏବଂ ଦିନକୁ ଦିନ ବୃଦ୍ଧି ପାଉଥିବା ଜନସଂଖ୍ୟା ଅନୁସାରେ ସୁସ୍ଥ ବାୟୁ ମଧ୍ୟ ଦରକାର ପଡୁଛି l ତେଣୁକରି ସମସ୍ତେ ବନ ବିଭାଗର ଏହି ସୁବିଧାର ଲାଭ ଉଠାଇ ନିଜର ବାଡ଼ି, ବଗିଚା, ଜମି, ପଡ଼ିଆରେ ବୃକ୍ଷ ରୋପଣ କରିବାକୁ ୱେବ ମିଡ଼ିଆ ସାମ୍ବାଦିକ ସଙ୍ଘ ଲୋକ ଙ୍କୁ ନିବେଦନ କରିଛି l