19-Jul-2023

ବିନିକା(ହିମାଂଶୁ ଶେଖର ପୁଟେଲ): ୬ଦଫା ଦାବୀ ପୂରଣ ନେଇ କାର୍ଯ୍ୟରତ କୃଷି କର୍ମଚାରୀ ମାନେ ସ୍ଥାନୀୟ ବିନିକା କୃଷି କାର୍ଯ୍ୟାଳୟ ସମ୍ମୁଖରେ କଳାବ୍ୟାଜ ପିନ୍ଧି ପ୍ରତିବାଦ କରୁଛନ୍ତି।୭ଦିନ ବିତି ଯାଇଥିଲେ ମଧ୍ୟ ଦାବୀ ପୂରଣ ହୋଇପାରିନାହିଁ ।ପ୍ରତିବାଦ କରିବା ଆଉ ଦିନଟିଏ ବାକି ରହିଛି ।ଅର୍ଥାତ ୨୦ତାରିଖ ମଧ୍ୟରେ ଯଦି ଦାବୀ ଗୁଡ଼ିକ ପୂରଣ ନହୁଏ ତେବେ ଆସନ୍ତା ଅଗଷ୍ଟ ୧ତାରିଖ ଠାରୁ ସମୂହ ଛୁଟିରେ ରହିବା ସହ ରାସ୍ତାକୁ ଓହ୍ଲାଇବେ ବୋଲି କୃଷି କର୍ମଚାରୀ ମାନେ ଧମକ ଦେଇଛନ୍ତି।ସୂଚନା ଯୋଗ୍ୟ ଯେ ଗ୍ରାମ୍ୟ କୃଷି କର୍ମଚାରୀ ପଦବୀ ନାମ ପରିବର୍ତ୍ତନ କରି କୃଷି ସମ୍ପ୍ରସାରଣ ଅଧିକାରୀ କରିବା,ଗ୍ରେଡ ପେ ୨ହଜାରରୁ ୪ହଜାରକୁ ବୃଦ୍ଧି କରିବା,କାର୍ଯ୍ୟକାଳ ସମୟରେ ପଦୋନ୍ନତି,କ୍ୟାଡର ନିୟମର ପୁନର୍ଗଠନ,ଚୁକ୍ତିଭିତ୍ତିକ ବ୍ୟବସ୍ଥା ଉଠିବା ପରେ ୨୦୧୩ମସିହା ପୂର୍ବରୁ ନିଯୁକ୍ତି ପାଇଥିବା ଗ୍ରାମ୍ୟ କୃଷି କର୍ମଚାରୀଙ୍କୁ ୬ବର୍ଷ ମୂଳ ଚାକିରୀରେ ଗଣନା କରି ୬ଟି ଇନକ୍ରିମେଣ୍ଟ ପ୍ରଦାନ କରିବା ଏବଂ ପଞ୍ଚାୟତ ଓ ବ୍ଲକ ସ୍ତରର କାର୍ଯ୍ୟାଳୟରେ କାର୍ଯ୍ୟରତ କର୍ମଚାରୀଙ୍କୁ ଜମ୍ୟୁଟର,ମୋବାଇଲ ଚାର୍ଜ ଖର୍ଚ୍ଚ ଆଦି ଦାବୀ କରାଯାଇଛି ।ଗ୍ରାମ୍ୟ କୃଷି କର୍ମଚାରୀ ହେମନ୍ତ ଭୋଇ, ତରଣୀସେନ ଭୋଇ,ସର୍ଜନ ଆଡବାଙ୍କ,ରାଜେଶ ମିଶ୍ର,ଭାଗିରଥି ମାଝି,ଧରିତ୍ରୀ ମିଶ୍ର,ଶର୍ମିଷ୍ଠା କ୍ଷେତୀ ପ୍ରମୁଖ କଳାବ୍ୟାଜ ପିନ୍ଧି ପ୍ରତିବାଦରେ ସାମିଲ ହୋଇଛନ୍ତି ।