19-Jul-2023

ବଲାଙ୍ଗିର : ଗତକାଲି ଲଗାଣ ବର୍ଷା ରେ ଜନସାଧାରଣ ଅକଥନୀୟ ଦୁର୍ଦ୍ଦଶାର ସମ୍ମୁଖୀନ ହୋଇଥିଲେ l ବର୍ଷା ଯୋଗୁଁ ବଲାଙ୍ଗିର ଜିଲ୍ଲା ପୁଇଁତଳା ବ୍ଲକ ଅନ୍ତର୍ଗତ ବିଭିନ୍ନ ଗ୍ରାମରେ ଲୋକଙ୍କ ଘରଦ୍ଵାର ଭାଙ୍ଗି ଯାଇଥିବା ଯୋଗୁଁ ନାନା ହଇରାଣ ହରକତ ହୋଇଥିବା ଦେଖିବାକୁ ମିଳିଛି l ଏହି ପରିପ୍ରେକ୍ଷୀରେ ପୁଇଁତଳା ବ୍ଳକ ଅଧ୍ୟକ୍ଷ ସରୋଜ କୁମାର ପ୍ରଧାନ ପୁଇଁତଳା ବ୍ଳକ ଅନ୍ତର୍ଗତ ବର୍ଷା ପ୍ରଭାବିତ ପରିବାରକୁ ଭେଟି ସରକାରୀ ସାହାଯ୍ଯ ସହଯୋଗ ପ୍ରଦାନ କରିବାକୁ ପ୍ରତିଶ୍ରୁତି ଦେଇଛନ୍ତି l ପୁଇଁତଳା ବ୍ଲକ ସୁଦ ପଡା ନିକଟସ୍ଥ ନାରାୟଣ ନଗର (ଲେପର୍ସି କଲୋନି ) ର ଅନ୍ତେବାସୀ ମାନେ ବର୍ଷା ଯୋଗୁଁ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି l ଗତକାଲି ପୁଇଁତଳା ବ୍ଳକ ଅଧ୍ୟକ୍ଷ ସରୋଜ କୁମାର ପ୍ରଧାନ ଏହି ଅଞ୍ଚଳରେ ପହଂଚି ଲୋକଙ୍କ ଅଭାବ ଅସୁବିଧା ବୁଝିବା ସହ ପୁଇଁତଳା ତହସିଲଦାର ଙ୍କ ଜରିଆରେ ବର୍ଷା ପ୍ରଭାବିତ ପରିବାର ମାନଙ୍କୁ 38 ଟି ପଲିଥିନ୍ ଯୋଗାଇ ଦେଇଥିଲେ l ପ୍ରଧାନମନ୍ତ୍ରୀ ଆବାସ ଯୋଜନା ରୁ ବାଦ ପଡିଥିବା ଲୋକଙ୍କୁ ତୁରନ୍ତ ଘର ଯୋଗାଇ ଦେବାକୁ ଶ୍ରୀ ପ୍ରଧାନ ନିର୍ଭର ପ୍ରତିଶ୍ରୁତି ଦେଇଛନ୍ତି l ନାରାୟଣ କଲୋନି ର ଆଉ ଅନ୍ୟ ସବୁ ସମସ୍ୟାର ସମାଧାନ ପାଇଁ ଶ୍ରୀ ପ୍ରଧାନ ବଲାଙ୍ଗିର ଜିଲ୍ଲାପାଳଙ୍କ ସହ ଆଲୋଚନା କରି ସମାଧାନର ବାଟ ବାହାର କରିବେ ବୋଲି କହିଛନ୍ତି l