10-Dec-2020

Bargarh(Mukunda Das)- ତ ୨ ବର୍ଷରେ ବିକାଶ ହସ୍ପିଟାଲ ପ୍ରତିଷ୍ଠା ପରଠାରୁ ଏହି ଅଞ୍ଚଳବାସୀଙ୍କୁ ବିଭିନ୍ନ ଅତ୍ୟାଧୁନିକ ଓ ଆବଶ୍ୟକୀୟ ସେବା ଯୋଗାଇ bûଆସୁଅଛି । ଏହି ସେବା ତାଲିକାରେ ଆଉ ଏକ କ୍ରମ ଯୋଡି଼ ହୋଇ ହିଷ୍ଟୋପାଥୋଲୋଜି (ବାୟୋସ୍ପି) ପରୀକ୍ଷା ଆରମ୍ଭ ହୋଇଯାଇଛି । ଯେକୌଣସି ଘା’, ଟ୍ୟୁମର୍ ‌କିମ୍ବା ଅପରେସନ୍‌ରେ କଟାଯାଇଥିବା ଶରୀରର ଅଂଶକୁ ରୋଗର ସଂକ୍ରମଣର ମାତ୍ରା ଜାଣିବା ପାଇଁ ବାୟୋପ୍ସି ପରୀକ୍ଷା ପାଇଁ ପଠାଯାଇଥାଏ । ପୂର୍ବରୁ ଏହି ପରୀକ୍ଷାପାଇଁ ନମୂନାକୁ ଭୁବନେଶ୍ୱର କିମ୍ବା ରାଜ୍ୟ ବାହାରକୁ ପଠାଯାଉଥିଲା । ଯାତାୟାତ ଅସୁବିଧା ଯୋଗୁଁ ବେଳେବେଳେ ରିପୋର୍ଟ ଆସିବାରେ ବିଳମ୍ବ ହେଉଥିବାରୁ ଡାକ୍ତରଙ୍କୁ ରୋଗ ନିରୂପଣ କରିବାରେ ବିଳମ୍ବ ହେଉଥିଲା ଓ ଶରୀରରେ ସଂକ୍ରମଣର ମାତ୍ରା ବଢି ଯାଉଥିବାରୁ ଚିକିତ୍ସାରେ ଅସୁବିଧା ମଧ୍ୟ ହେଉଥିଲା । ଏବେ ନିକଟ ସ୍ଥାନରେ ଓ କମ ଖର୍ଚ୍ଚରେ ସୁବିଧା ଉପଲବ୍ଧ ହେବାଯୋଗୁଁଏହା ରୋଗୀଙ୍କ ପାଇଁ ବିଶେଷ କରି କ୍ୟାନ୍ସର୍ ‌ରୋଗର ନିରୂପଣରେ ଓ ଚିକିତ୍ସା କରିବାରେ ଉଭୟ ଡାକ୍ତର ଓ ରୋଗୀଙ୍କୁ ସହାୟକ ହେବ । ବିକାଶ ହସ୍ପିଟାଲ୍ର ଅତ୍ୟାଧୁନିକ ପାଥୋଲୋଜି ବିଭାଗ,ପାଥୋଲୋଜିଷ୍ଟ ଡା ସଞ୍ଜୟ ନାଏକ୍‌ ଓ ହିଷ୍ଟୋପାଥୋଲୋଜିଷ୍ଟ ଡା. ବିବେକ୍ ନାଏର୍ଙ୍କ ତତ୍ତ୍ୱାବଧାନରେ ଦକ୍ଷ ଟେକ୍ନିସିଆନ୍ଙ୍କ ସହାୟତାରେ ପରିଚାଳିତ ହେଉଅଛି ।ଏଫ୍‌. ଏନ୍ ଏ. ସି ଓ ମାମୋଗ୍ରାଫି ସୁବିଧା ଉପଲବ୍ଧ ହେବା ଯୋଗୁଁ ଠିକ୍‌ ସମୟରେ ରୋଗ ନିରୂପଣ କରି କର୍କଟ ଓ ବିଭିନ୍ନ ରୋଗରେ ମୃତ୍ୟୁହାରକୁ କମ୍‌ କରାଯାଇ ପାରିବ ବୋଲି ହସ୍ପିଟାଲ୍‌ କତ୍ତୃପକ୍ଷ ଖୁସି ବ୍ୟକ୍ତ କରିଛନ୍ତି ।