19-Jun-2023

ବଲାଙ୍ଗିର(ଦେବାଶିଷ ବହିଦାର ):  ଜୁନ  ମାସ ପାଇଁ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ଙ୍କ ଯୁଗ୍ମ ଜନ-ଅଭିଯୋଗ ଶୁଣାଣୀ କାର୍ଯକ୍ରମ ଅନୁସାରେ ଆଜି ଦେଓଗାଁ   ବ୍ଲକ କାର୍ଯ୍ୟଳୟ ଠାରେ  ଯୁଗ୍ମ ଜନ-ଅଭିଯୋଗ ଶୁଣାଣୀ କାର୍ଯକ୍ରମ  ଅନୁଷ୍ଠିତ ହୋଇଯାଇଛି । ଏହି ଯୁଗ୍ମ ଜନ-ଅଭିଯୋଗ ଶୁଣାଣୀ କାର୍ଯକ୍ରମ  ରେ ଜିଲ୍ଲାପାଳ ଚଞ୍ଚଳ ରାଣା , ଆରକ୍ଷୀ ଅଧିକ୍ଷକ ଖିଲାରୀ ରିଷିକେଶ ଦ୍ୟାନଦେଓ , ଜିଲ୍ଲା ପରିଷଦ ର ମୁଖ୍ୟ ଉନ୍ନୟନ ଅଧିକାରୀ ସୁଶାନ୍ତ କୁମାର ସିଂ  ଙ୍କ ସମେତ ବିଭିନ୍ନ ବିଭାଗର ଜିଲ୍ଲା ସ୍ତରୀୟ ଅଧିକାରୀ ,ଦେଓଗାଁ ବିଡିଓ , ତହସିଲଦାର ଓ ବ୍ଲକ ସ୍ତରୀୟ ଅଧିକାରୀ ପ୍ରମୁଖ  ଉପସ୍ଥିତ ଥିଲେ । ଏହି ଯୁଗ୍ମ ଜନ-ଅଭିଯୋଗ ଶୁଣାଣୀ କାର୍ଯକ୍ରମ ରେ ବିଭିନ୍ନ ସମସ୍ୟା ମୂଳକ ମୋଟ ୭୬ ଗୋଟି ଅଭିଯୋଗ ଦରଖାସ୍ତ ଦାଖଲ ହୋଇଥିଲା । ତନ୍ମଧ୍ୟରୁ ୫୯    ଗୋଟି ବ୍ୟକ୍ତିଗତ ଅଭିଯୋଗ ମୂଳକ ଦରଖାସ୍ତ ହୋଇଥିବାବେଳେ ଅବଶିଷ୍ଠ ୧୭    ଗୋଟି ସାମୁହିକ ଦରଖାସ୍ତ

ଦାଖଲ ହୋଇଥିଲା  । ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ  ଜନସାଧାରଣ ଙ୍କ ଏହି ସମସ୍ତ ଅଭିଯୋଗ ଓ ସମସ୍ୟା ଗୁଡିକର ଶୁଣାଣୀ କରିଥିଲେ । ଯୁଗ୍ମ ଜନ-ଅଭିଯୋଗ ଶୁଣାଣୀ କାର୍ଯକ୍ରମ ରେ ଚିକିତ୍ସା ସହାୟତା ବାବଦରେ ମୁଖ୍ୟମନ୍ତ୍ରୀ ଙ୍କ ରିଲିଫ ପାଣ୍ଠି ରୁ ସଇଁତଳା    ବ୍ଲକ ଅନ୍ତର୍ଗତ ବାବୁକେଲଗାଁ  ଗ୍ରାମର  ର ଦୁଖିଜନ ସେଲମା ଙ୍କୁ ୨   ହଜାର ଟଙ୍କା, ବାବୁକେଲଗାଁ  ଗ୍ରାମର ଅହଲ୍ୟା ସେଲମା ଙ୍କୁ ୫ ହଜାର ଟଙ୍କା, ଦେଓଗାଁ ବ୍ଲକ ଅନ୍ତର୍ଗତ ଗଇଲପିଟା ଗ୍ରାମର ପ୍ରାଣବନ୍ଧୁ ବିଶି ଙ୍କୁ ୩ ହଜାର ଟଙ୍କା  ଓ କଛାରପାଳି ଗ୍ରାମର କପିଳ କୁମ୍ଭାର ଙ୍କୁ ୧୦ ହଜାର ଟଙ୍କାର  ର ଆର୍ଥିକ ସହାୟତା ଅନୁମୋଦନ  କରାଯାଇଥିଲା ।