18-Jun-2023

ପାଟଣାଗଡ(ଦିଲୀପ ପଣ୍ଡା):  କେନ୍ଦ୍ରିୟ ଶ୍ରମିକ ସଂଗଠନ  ମିଲିତ ମଞ୍ଚ ତରଫରୁ ପାଟଣାଗଡ଼ ଠାରେ  ଶ୍ରମିକ ସଂଗଠନର ଏକ ସମାବେଶ ଆୟୋଜିତ ହୋଇଛି । ପ୍ରଥମେ ବଲାଙ୍ଗୀର ଜିଲ୍ଲା ଶ୍ରମିକ ସଂଗଠନ ସଭାପତି କୃଷ୍ଣଚନ୍ଦ୍ର ସାହୁ ଙ୍କ ନେତୃତ୍ବରେ ଏକ ଶୋଭାଯାତ୍ରାରେ ପଞ୍ଚମୁଖୀ ହନୁମାନ ମନ୍ଦିର ଠାରୁ ବାହାରି ସହରର ମୁଖ୍ୟ ରାସ୍ତାଦେଇ ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା ।  ସେଠାରେ ଏକ ସଭା ଅନୁଷ୍ଠିତ ହୋବାପରେ ସଭାରେ ସଂଗଠନର କର୍ମକର୍ତ୍ତା ମାନେ ଶ୍ରମିକ ଶୋଷଣ ନିତି ଉପରେ ଆଲୋକପାତ କରିଥିଲେ । ପରେ ଏକ ୭ ଦଫା ସମ୍ବଳିତ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଉପଜିଲ୍ଲାପାଳଙ୍କ ଜରିଆରେ ପ୍ରଦାନ କରିଥିଲେ । ଦାବି ଗୁଡ଼ିକ ମଧ୍ୟରେ ଜିଲ୍ଲାରେ ପଞ୍ଜିକୃତ ନିର୍ମାଣ ଶ୍ରମିକ ମାନଙ୍କୁ ଦକ୍ଷତା ବିକାଶ ନାରେ ବିଭିନ୍ନ ଘରୋଇ ସଂସ୍ଥା ମାନଙ୍କ ଦ୍ଵାରା ହଜାର ହଜାର ଶ୍ରମିକ ମାନଙ୍କୁ ଟ୍ରେନିଂ ନାରେ ପାରିଶ୍ରମିକ ଓ ନିରାପତ୍ତା ଉପକରଣ କିଣା ଟୁଲକିଟ ନାଆଁରେ ହୋଇଥିବା ଲୁଣ୍ଠନର ତଦନ୍ତ, ବାହ୍ୟ ରାଜ୍ୟକୁ ଦାଦନ ଶ୍ରମିକ ଭାବରେ ଖଟିବାକୁ ଯାଉଥିବା ଶ୍ରମିକ ମାନଙ୍କୁ ସିଧାସଳଖ ନିର୍ମାଣ ଶ୍ରମିକ କଲ୍ୟାଣ ବୋର୍ଡରେ ପଞ୍ଜିକରଣର ବ୍ୟବସ୍ଥା ପ୍ରଚଳିତ ଥିବାସ୍ଵତ୍ୟ ସଠିକ୍ କାର୍ଯ୍ୟକାରୀତାକୁନେଇ ସଦ୍ଧେହ ପ୍ରକାଶ ପାଇଛି । ଏହାର ଏକ ଉଚ୍ଚସ୍ତରୀୟ ତଦନ୍ତ,ସମଗ୍ର ଜିଲ୍ଲାରେ ବଡବଡ ମିଲରସ  ଙ୍କ ମିଲ ମାନଙ୍କରେ ବର୍ଷବର୍ଷ ଧରି ନିୟୋଜିତ ଶ୍ରମିକ ମାନଙ୍କୁ ସରକାରୀ ଧାର୍ଯ୍ୟରେ ମୂଲ୍ୟ ପ୍ରଦାନ ସହ ତାଙ୍କ ନାଆଁରେ ଭବିଷ୍ୟନିଧି ଓ ଜିବନବିମା ସୁବିଧାରୁ ସେମାନଙ୍କୁ ବଞ୍ଚିତ ରଖାଜାଉଛି । ଏଥିପ୍ରତି ଦୃଷ୍ଟି ଦେବାସହ ସାମାଜିକ ସୁରକ୍ଷା ନିଶ୍ଚିତ ପାଇଁ ବ୍ୟବସ୍ଥା କରିବା, ନିର୍ମାଣଧିନ ଶ୍ରମିକ ମାନଙ୍କ ପଞ୍ଜିକରଣ ଓ ନବୀକରଣ ନାରେ କରାଜାଇଥିବା ଆବେଦନ ବର୍ଷବର୍ଷ ଧରି ପଡିରହିବା ,ଜାହା ଫଲରେ ପ୍ରକୃତ ହିତାଧିକାରୀ ଏହି ଯୋଜନାରୁ ବଞ୍ଚିତ ରହୁଛନ୍ତି । ଏହାର ପଙ୍ଖାନୁପୁଖ ତଦନ୍ତ କରିବା,ଅଣ ସଂଗଠିତ ଶ୍ରମିକ ମାନଙ୍କ ପଞ୍ଜିକରଣ ବ୍ୟବସ୍ଥା ତୁରନ୍ତ ଗ୍ରହଣ କରିବା,ଆଶା, ଅଙ୍ଗନବାଡି କର୍ମୀ ପାଚକ ପାଚିକା ଙ୍କ ଦରମା ବୃଦ୍ଧି ପ୍ରଶଙ୍ଗ ଓ ଶ୍ରମିକ ମାନ୍ୟତା ଦାବୀକୁ ସରକାରଙ୍କ ଅଣଦେଖା ଦୁର୍ଭାଗ୍ୟପୂର୍ଣ୍ଣ, ସରକାର ଶ୍ରମିକ ମାନଙ୍କୁ ରୋଜଗାର ତଥା ସ୍ଵାବଲମ୍ବି କରିବା ସହ ସରକାରୀ ଶ୍ରମିକ ଶୋଷଣ ଓ ମାରଣ ନିତି ବନ୍ଦ କରିବା ପ୍ରମୁଖ ଦାବି ଗୁଡ଼ିକ ରହିଛି । ଏହି କାର୍ଯ୍ୟକ୍ରମରେ ସଂଗଠନର ବିଭିନ୍ନ ପଦପଦବୀରେ ଥିବା କର୍ମକର୍ତ୍ତା, ଙ୍କ ସହ ସତାଥିକ ସଦସ୍ୟ ସଦସ୍ୟା ଉପସ୍ଥିତ ଥିଲେ । ପରେ ସନ୍ଧ୍ୟା ସମୟରେ ପାଟଣାଗଡ଼ର ଏକ ନିର୍ଦ୍ଦିଷ୍ଟ ହୋଟେଲରେ ସଂଘର ବିଭିନ୍ନ ପଦପଦବୀରେ ଥିବା କର୍ମକର୍ତ୍ତା ମାନେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିବା ଜଣାପଡିଛି ।