17-Jun-2023

ବିନିକା (ହିମାଂଶୁ ଶେଖର ପୁଟେଲ) ଆବୁଡ଼ା ଖାବୁଡ଼ା ପଡ଼ିଆରେ ଆଉ ଖେଳିବାକୁ ପଡ଼ିବନି,ଉନ୍ନତମାନର ପଡ଼ିଆ ଟେ ନଥିବାରୁ ଖେଳ ପ୍ରତି ରୁଚି ରଖୁଥିବା ଖେଳାଳୀ ଓ କ୍ରୀଡାବିତ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିଲେ ।ଏପରିକି ନିଜର ପ୍ରତିଭାକୁ ବିକଶିତ କରିବାରେ ଖେଳାଳୀ ସୁଯୋଗ ପାଉନଥିଲା ।ବିଗତ ୧୦ରୁ୧୫ବର୍ଷ ତଳେ କ୍ରୀଡାର ସଫଳ ମନୋବୃତି ନେଇ ବିନିକା ସ୍ପୋର୍ଟସ କ୍ଲବ ତରଫରୁ ପରିଶ୍ରମ କରିଥିବା ଖେଳାଳୀ କମ ବୟସ୍କ ୧୪,୧୭,୧୯,୨୨,କଳାହାଣ୍ଡି କପ ଓ ରାଜ୍ୟସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ମାନଙ୍କରେ ଭାଗନେଇ ଏବେ ବିଭିନ୍ନ ପଦପଦବୀରେ ରହିଛନ୍ତି ।ହେଲେ ସେହି ସମୟ ନାହିଁ ।ଉନ୍ନତମାନର ପଡିଆ ଅଭାବ ସାଙ୍ଗକୁ ସୁବର୍ଣ୍ଣପୁର ଜିଲ୍ଲା କ୍ରିକେଟ ସଂଘର ପକ୍ଷପାତିତା ଯୋଗୁଁ ଖେଳାଳୀଙ୍କ ମନୋବଳରେ ନୈରାଶ୍ୟ ଭାବ ସୃଷ୍ଟି କରିଛି । ଯାହା ଫଳରେ କି ସମ୍ପ୍ରତି ବିନିକା ଅଞ୍ଚଳରେ କ୍ରୀଡା ପ୍ରତି ଖେଳାଳୀଙ୍କ ଆଗ୍ରହ କମିବାରେ ଲାଗିଛି ।ତେବେ ସେ ଯାହା ବି ହେଉ ନିକଟ ଅତୀତରେ ସ୍ପୋର୍ଟସ କ୍ଲବ ଆୟୋଜନରେ ଆଇପିଏଲ ଢାଞ୍ଚାରେ ଚାଲିଥିବା ବିପିଏଲ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟର ଉଦଯାପନୀ ଦିବସରେ ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟଅତିଥି ଭାବରେ ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିବା ସହିତ ପଡିଆର ଅବସ୍ଥା ଓ ସମସ୍ୟା ସମ୍ପର୍କରେ ଖେଳାଳୀ,କମିଟି ସଦସ୍ୟଙ୍କ ଠାରୁ ଅବଗତ ହେବାପରେ ଷ୍ଟାଡିୟମର ଉନ୍ନତିକରଣ ପ୍ରତି ପଦକ୍ଷେପ ନିଆଯିବ ବୋଲି ଦୃଢ ପ୍ରତିଶ୍ରୁତି ଦେଇଥିଲେ ।ସତକୁ ସତ ମାନ୍ୟବର ବିଧାୟକ ଶ୍ରୀ ବେହେରାଙ୍କ ପ୍ରତିଶ୍ରୁତି ସଫଳ ହେବାକୁ ଯାଉଛି । ଶୁକ୍ରବାର ଅପରାହ୍ନରେ ବିନିକା ବ୍ଲକ ଠାରେ ଆୟୋଜିତ ଏକ କାର୍ଯ୍ୟକ୍ରମରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ତଥା ୫ଟି ସଚିବ ଭି.କେ.ପାଣ୍ଡିଆନଙ୍କୁ ଭିଡିଓ କନଫରେନ୍ସ ଜରିଆରେ ବିଧାୟକ ପଦ୍ମନାଭ ବେହେରା ଚିରସ୍ରୋତା ମହାନଦୀ କୁଲଦେଇ ନିର୍ମାଣାଧୀନ ରିଙ୍ଗ ରୋଡ କାର୍ଯ୍ୟକୁ ସମ୍ପୁର୍ଣ୍ଣ କରଣ ଏବଂ ଅଞ୍ଚଳର କ୍ରୀଡା ପ୍ରତିଭା ଓ ଖେଳାଳୀ ମାନଙ୍କ ଭାବାବେଗ ସହ ଜଡ଼ିତ ବିଜୁ ପଟ୍ଟନାୟକ ଷ୍ଟାଡିୟମର ଉନ୍ନତିକରଣ ପାଇଁ ଦିଆଯାଇଥିବା ୫କୋଟି ଟଙ୍କାର ପ୍ରସ୍ତାବକୁ ତୁରନ୍ତ କାର୍ଯ୍ୟକାରୀ କରିବାକୁ ଦାବି ରଖିଥିଲେ ।୫ଟି ସଚିବ ଭି.କେ.ପାଣ୍ଡିଆନ ମାନ୍ୟବର ବିଧାୟକଙ୍କ ପ୍ରସ୍ତାବକୁ ଗୁରୁତ୍ତ୍ଵ ଦେଇ ତୁରନ୍ତ ବିଜୁ ପଟ୍ଟନାୟକ ଷ୍ଟାଡିୟମର ଉନ୍ନତିକରଣ ପ୍ରତି ପଦକ୍ଷେପ ନିଆଯିବ ଏବଂ ଆସନ୍ତା ଜୁଲାଇ ମାସରେ ସୁବର୍ଣ୍ଣପୁର ଜିଲ୍ଲା ଗସ୍ତ କରିବେ ବୋଲି ପ୍ରତିଶୃତି ଦେଇ ଥିବାରୁ ଉପସ୍ଥିତ ବିନିକା ସ୍ପୋର୍ଟସ କ୍ଲବ ସଦସ୍ୟ,ଖେଳାଳୀ,ଜନପ୍ରତିନିଧି,ଅଞ୍ଚଳର ଜନସାଧାରଣରେ ଆନନ୍ଦର ଲହରୀ ଖେଳିଯାଇଛି ।ସେହିପରି ବିନିକା ବିଜ୍ଞାପିତ ଅଞ୍ଚଳ ପରିଷଦର ସାମଗ୍ରିକ ବିକାଶ ପାଇଁ ପରିଷଦ ପକ୍ଷରୁ ମୁଖ୍ୟମନ୍ତ୍ରୀ କର୍ମ ତତ୍ପର ଅଭିଯାନ(ମୁକ୍ତା) ଅଧୀନରେ ୨୦୨୩-୨୪ ଆର୍ଥିକ ବର୍ଷ ନିମନ୍ତେ ୫ଗୋଟି ଶିଶୁ କ୍ରୀଡା ଉଦ୍ୟାନ ପାଇଁ ୧୬ଲକ୍ଷ,ସହର ସୋନ୍ଦର୍ଯ୍ୟକରଣ ପାଇଁ ୩୧ଲକ୍ଷ,ପରିଶ୍ରାଗାର ପାଇଁ ୩ଲକ୍ଷ,୨ଗୋଟି ପାର୍କ ପାଇଁ ୨୦ଲକ୍ଷ,ୱାର୍କିଙ୍ଗ ଟ୍ରାକ ପାଇଁ ୪୨ଲକ୍ଷ,ଖେଳ ପଡିଆ ପାଇଁ ୧୦ଲକ୍ଷ,ପବ୍ଲିକ ଜିମ ପାଇଁ ୧୪ଲକ୍ଷ,ଭେଣ୍ଡି ଜୋନ ପାଇଁ ୨୦ଲକ୍ଷ,ଜଳାଶୟ ଉନ୍ନତିକରଣ ପାଇଁ ୩୫ଲକ୍ଷ,ଖୋଲାସ୍ଥାନ ଉନ୍ନତିକରଣ ନିମନ୍ତେ ୩୫ଲକ୍ଷ ଏହିପରି ସର୍ବମୋଟ ୩୪ଟି ପ୍ରକଳ୍ପ ପାଇଁ ୨୨୬ଲକ୍ଷ ଟଙ୍କାର ଅନୁଦାନ ମଞ୍ଜୁର କରିବା ସକାଶେ ମାନ୍ୟବର ବିଧାୟକ ଶ୍ରୀ ବେହେରାଙ୍କ ନେତୃତ୍ୱରେ ବିନିକା ନଗରପାଳ ସୁବାସ ଚନ୍ଦ୍ର ଭୋଇ,ଉପ ନଗରପାଳ ତପସ୍ୱିନୀ ମେହେର,କାର୍ଯ୍ୟନିର୍ବାହୀ ଅଧିକାରୀ ମୁକ୍ତେଶ୍ଵର ପାଣିଗ୍ରାହୀ,ପରିଷଦର ସମସ୍ତ କାଉନସିଲର,ମିଶନ ଶକ୍ତି ମାଁ ମାନେ,ଅଞ୍ଚଳର ବୁଦ୍ଧିଜୀବୀ ଉପସ୍ଥିତ ରହି ୫ଟି ସଚିବଙ୍କୁ ଅନୁରୋଧ କରିଥିଲେ ।