17-Jun-2023

ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ବଲାଙ୍ଗୀର ଜିଲ୍ଲା ସିନ୍ଧେକେଲା ଅଞ୍ଚଳର ଅଧିଷ୍ଠାତ୍ରୀ ଦେବୀ ମାଁ ଦ୍ବାରସେହ୍ନୀ ମନ୍ଦିର ନିକଟରେ ଥିବା ପବିତ୍ର ପୁଷ୍କରିଣୀ ବାଣୀଭଗାରର  ସିନ୍ଧେକେଲାର ଲାଇଫ ଲାଇନ କୁହାଯାଉଥିବା ପୋଖରୀର ମାଟି ଉନ୍ନତୀକରଣ  କାର୍ଯ୍ୟର ଅନୁଧ୍ୟାନ କରିଛନ୍ତି କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା। ପାଖାପାଖି ୨୦ ବର୍ଷ ତଳେ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ସିନ୍ଧେକେଲା ଗସ୍ତ ସମୟରେ ଦେବୀ ଦ୍ବାରସେହ୍ନୀ ଙ୍କ ଦର୍ଶନ କରିବାସହ ପୋଖରୀର ପୁନରୁଦ୍ଧାର ପାଇଁ ଟଙ୍କା ଅନୁଦାନ ଯୋଗାଇ

ଦେଇଥିଲେ। ପରେ ପୁଣି ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ ସ୍ବର୍ଗତ ଅଇଁଠୁ ସାହୁ ମଧ୍ଯ ପୋଖରୀ ଅନୁଧ୍ୟାନ କରି ଅନୁଦାନ ଯୋଗାଇ ଦେଇଥିଲେ। ସେ ସମୟରୁ ଅଦ୍ୟାବଧି ପର୍ଯ୍ୟନ୍ତ ଆଉ କୌଣସିପ୍ରକାର ଉନ୍ନତୀକରଣ ନ ହେବାରୁ ପୋଖରୀର ପାଣୀ ଦୁଷିତ ହେବାସହ ପଦ୍ମ ଦଳ ରେ ପରିପୁର୍ଣ୍ଣ ହେବାସହ ପାଣିରେ ପୋକ ସାଳୁ ବାଳୁ ହେଉଥିଲା। ଫଳରେ ଲୋକେ ନାହିଁନଥିବା ଅସୁବିଧାର ସମ୍ମୁଖୀନ ହେଉଥିଲେ। ସିନ୍ଧେକେଲା ସରପଞ୍ଚ ନରେଶ ଅଗ୍ରୱାଲ ଚଳିତ ବର୍ଷ ପଞ୍ଚାୟତ

ତରଫରୁ କାମ ଆରମ୍ଭ କରିଥିବା ବେଳେ ପୋଖରୀର ଗୁରୁତ୍ବ ଓ ସିନ୍ଧେକେଲା ସରପଞ୍ଚ ତଥା ଜନସାଧାରଣ ଙ୍କ ନିବେଦନ କୁ ନଜରରେ ରଖି ବିଧାୟକ ଶ୍ରୀ ସାଲୁଜା ନିଜ ଏମଏଲଏ ଲାଡ ରୁ ୫ ଲକ୍ଷ ତଥା ପଞ୍ଚାୟତ ସମିତି ତରଫରୁ ୫ ଲକ୍ଷ ଟଙ୍କା ଅନୁଦାନ ଯୋଗାଇ ଦେଇଥିଲେ। ତେବେ ବର୍ଷା ପାଖେଇ ଆସୁଥିବାରୁ ନିଜେ ବିଧାୟକ କାମ ତଦାରଖ ପାଇଁ ପହଞ୍ଚି ଶିଘ୍ର କାମ ଶେଷ କରିବା ପାଇଁ କହିଥିଲେ। ଏହି ସମୟରେ ସିନ୍ଧେକେଲା ସମିତିସଭ୍ଯ ଭୋଲାନାଥ ବେହେରା , ଯୁବନେତା ଯୁବରାଜ ବାଗ, ସଞ୍ଜୟ ସିଂଦେଓ, କୁନା ବାମିଡି, ରାଜେଶ ଜୈନ, ନରେଶ ରଣା ଓ କାମ କରୁଥିବା ଠିକାଦାର ମନୋଜ ଅଗ୍ରୱାଲ, ରାଜିବ ସାହୁ, ଘୁଟୁ ପାଣ୍ଡିଆ ପ୍ରମୁଖ ଉପସ୍ଥିତ ଥିଲେ।