10-Dec-2020

(ପ୍ରେରଣା ଖବର ବ୍ୟୁରୋ) - ପାକ୍ ମିଡିଆରେ ଖବର, ଚାଷୀଙ୍କଠାରୁ ଧ୍ୟାନ ହଟାଇବାକୁ ଭାରତ କରିପାରେ ସର୍ଜିକାଲ ଷ୍ଟ୍ରାଇକ୍। ସୀମାରେ ସେନାକୁ ଆଲର୍ଟ କଲେ ଇମ୍ରାନ୍ ସରକାର!!ଭାରତରେ ଚାଷୀ ଆନ୍ଦୋଳନକୁ ନେଇ ସୀମା ସେପାଖରେ ଛାନିଆ ହେଲାଣି ପାକିସ୍ତାନ । ପାକିସ୍ତାନ ଗଣମାଧ୍ୟମରେ ଏବେ ଭାରତର ଚାଷୀ ଆନ୍ଦୋଳନ ପାଲଟିଛି ବଡ ଖବର । ଭାରତରେ ଚାଷୀ ଆନ୍ଦୋଳନକୁ ନେଇ ମୋଦି ସରକାର ଅଡୁଆ ଜନକ ସ୍ଥିତିରେ ରହିଛନ୍ତି । ଏହା ଉପରୁ ନଜର ହଟାଇବା ପାଇଁ ଏହି ସମୟରେ ପାକିସ୍ତାନ ଉପରେ ଭାରତ ସର୍ଜିକାଲଷ୍ଟ୍ରାଇକ୍ କରିପାରେ ବୋଲି ପାକିସ୍ତାନର ଅନ୍ୟତମ ଜାତୀୟ ଖବରକାଗଜ ଦି ଟ୍ରିବ୍ୟୁନ୍ ଖବର ପ୍ରକାଶ କରିଛି!!*ସାରା ଦେଶ ବାସୀଙ୍କ ନଜର ବର୍ତମାନ ଦିଲ୍ଲୀରେ ଚାଲିଥିବା ଚାଷୀ ଆନ୍ଦୋଳନ ଉପରୁ ହଟାଇବାକୁ ଭାରତ ସରକାର ଏପରି କରିପାରନ୍ତି ବୋଲି ଆଗୁଆ ଆଶଙ୍କା କରିଛି ପାକିସ୍ତାନ । ଏହାକୁ ନେଇ ସୀମାରେ ପାକିସ୍ତାନ ହାଇଆଲର୍ଟ ଜାରି କରିଛି । ଭାରତରେ ଥିବା ନରେନ୍ଦ୍ର ମୋଦିଙ୍କ ଉଗ୍ର ହିନ୍ଦୁ ବାଦ ସରକାର କୌଣସି ପରିସ୍ଥିତିକୁ ଯାଇପାରେ ବୋଲି ପାକିସ୍ତାନ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି। ଆନ୍ଦୋଳନରେ ଥିବା ଶିଖ ଚାଷୀଙ୍କ ଠାରୁ ଯେପରି ଖଲିସ୍ତାନୀ ଆନ୍ଦୋଳନକୁ ବଳ ନମିଳେ ସେଥିପାଇଁ ଭାରତ ସର୍ଜିକାଲଷ୍ଟ୍ରାଇକ୍ କରିବ ବୋଲି ଆକଳନ କରିଛି । ଏହାକୁ ନଜରରେ ରଖି ଇମ୍ରାନ୍ ଖାନ୍ ସରକାର ଲାଇନ୍ ଅଫ୍ ଆକଚୁଆଲ୍ କଂଟ୍ରୋଲ ଏବଂ ସୀମାରେ ଅତିରିକ୍ତ ସୈନ୍ୟ ମୁତୟନ କରିଥିବା ଖବର ଆସିଛି!!