06-Apr-2023

ବୀରମହାରାଜପୁର, (ବିନୋଦ ପାଣ୍ଡେ )  ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟରେ ସମ୍ବର୍ଦ୍ଧନା ସଭା ଅନୁଷ୍ଠିତ। ଗବେଷଣା କରିବା ଅତ୍ୟନ୍ତ କଷ୍ଟକର  ବ୍ୟାପାର I ସଫଳ ଗବେଷଣା ପାଇଁ କଠୋର  ପରିଶ୍ରମ ସହିତ ଆନ୍ତରିକ ଉଦ୍ୟମ ଏକାନ୍ତ ଆବଶ୍ୟକ I ତେଣୁକରି ଗବେଷକମାନେ ସମସ୍ତ  ଭୋଗ ବିଳାସରୁ ଦୂରେଇ ରହି ଲକ୍ଷସ୍ଥଳରେ ପହଂଚିବାପାଇଁ ସଂକଳ୍ପ ବଦ୍ଧ ହେବା ଆବଶ୍ୟକ  ବୋଲି ବୀରମହାରାଜପୁର ମହାବିଦ୍ୟାଳୟ ଇତିହାସ ବିଭାଗ ଆନୁକୂଲ୍ୟରେ ନିକଟରେ ସମ୍ବଳପୁର ବିଶ୍ଵବିଦ୍ୟାଳୟରୁ  ପି. ଏଚ. ଡି. ଡିଗ୍ରୀ ପ୍ରାପ୍ତ କରିଥିବା ଡ. ବନ୍ଦିତା ବିଶ୍ୱାଲଙ୍କ  ଉଦେଶ୍ୟରେ ଆୟୋଜିତ ସମ୍ବର୍ଦ୍ଧନା ସଭାରେ  ନିମନ୍ତ୍ରିତ ଅତିଥିମାନେ ମତବ୍ୟକ୍ତ କରିଛନ୍ତି I
 ଏହି ଅବସରରେ ଅନୁଷ୍ଠିତ ସଭାରେ କଲେଜର ଅଧ୍ୟକ୍ଷ ସୁଦାମ ଚରଣ ସାହୁ ସଭାପତିତ୍ବ କରିଥିବାବେଳେ ପ୍ରାଧ୍ୟାପିକା ଗୀତାଞ୍ଜଳି ପୁଜାହାରୀ ମୁଖ୍ୟ ଅତିଥି ଏବଂ ଅଧ୍ୟାପକ ସତ୍ୟନାରାୟଣ ଦାଶ, ଡ. ଶିଶିର  ବଣିଆ,ଅଧ୍ୟାପକ ନରେନ୍ଦ୍ର ଝା ପ୍ରମୁଖ ସମ୍ମାନିତ ଅତିଥି ଭାବରେ  ଯୋଗ ଦେଇଥିଲେ I ଅନ୍ୟ ମାନଙ୍କ ମଧ୍ୟରେ ବିଭାଗ  ମୁଖ୍ୟ ଡ.ହିମାଂଶୁ ଶେଖର  ପାଢ଼ୀ, ଡ.ବନ୍ଦିତା ବିଶ୍ୱାଳ ପ୍ରମୁଖ  ମଂଚାସୀନ ଥିଲେ I ବରିଷ୍ଠ କିରାଣୀ ବିପିନ ବିହାରୀ ଖମାରୀ ଓ ଗୌରାଙ୍ଗ ଜଗଦଲା, ପୂର୍ବତନ ଛାତ୍ର  ଗଦାଧର ପଧାନଙ୍କ ସମେତ ସ୍ମିତାରାଣୀ ମହାକୁର, ପିଙ୍କୁ ପଧାନ, ସୁଧୀର ହୋତା ପ୍ରମୁଖ ଡ. ବିଶ୍ୱାଳଙ୍କୁ ଅଭିନନ୍ଦନ ଜଣାଇଥିଲେ  I ଡ. ପାଢ଼ୀ ସଭାର ସଂଯୋଜନା କରିବା ସହିତ ଧନ୍ୟବାଦ ଅର୍ପଣ କରିଥିବା ବେଳେ  ବିଜୟ  କୁମାର ପଧାନ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିଲେ  I