06-Apr-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ପଞ୍ଚାୟତ ସମିତି ସଭ୍ୟ ପଦ ପାଇଁ ମମତା କର୍ଣ୍ଣ  ନାମାଙ୍କନ ପତ୍ର ଦାଖଲ କରିଥିବା ଜଣାଯାଇଛି। ସୂଚନା ଯୋଗ୍ୟ, ଉକ୍ତ ପଞ୍ଚାୟତରେ ସମିତି ସଭ୍ୟା ଭାବେ ତନୁଜା ରଣବଂଶୀୟା ନିର୍ବାଚିତ ହୋଇଥିଲେ। ସେ  ଅଙ୍ଗନୱାଡ଼ି କର୍ମୀ ଭାବେ ଚୟନ ହେବା ପରେ ସମିତି ସଭ୍ୟ ପଦରୁ ଇସ୍ତଫା ଦେଇଥିଲେ।  ଏନେଇ ରାଜ୍ୟ ନିର୍ବାଚନ କମିଶନ ଉପ ନିର୍ବାଚନ ପାଇଁ ତାରିଖ ଘୋଷଣା କରିଥିଲେ। ଆଗାମୀ ମେ ୨ ତାରିଖ ହେବାକୁ ଥିବା ଏହି ଉପ ନିର୍ବାଚନ ଖବର ପାଇ ପଞ୍ଚାୟତରେ ରାଜ ନୈତିକ ଗତି ବିଧି ଚଳଚଞ୍ଚଳ ହୋଇପଡିଛି।   ଏହି ପଦବୀ ପାଇଁ ମମତା କର୍ଣ୍ଣ ତାଙ୍କ ସମର୍ଥକ ଗହଣରେ ଏକ ଶୋଭାଯାତ୍ରାରେ ଆସି ନିଜର ପ୍ରାର୍ଥୀ ପତ୍ର ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ସୁଲିଆଙ୍କୁ ଦାଖଲ କରିଥିଲେ।