07-Dec-2020

(ପ୍ରେରଣା ଖବର) - ଚଳିତ ବର୍ଷ ଡିସେମ୍ବର ୨୧ରେ ମହାକାଶରେ ଏଭଳି ଚତ୍ମକାର ହେବ ଯାହା ଏହା ପୂର୍ବରୁ ୧୬୨୩ ଖ୍ରୀଷ୍ଟାବ୍ଦରେ ଘଟିଥିଲା ।​ ଏକ ବିରଳ ଜ୍ୟୋତିର୍ବିଜ୍ଞାନ ଘଟଣା ଘଟିବ, ଯେଉଁଥିରେ ବୃହସ୍ପତି ଏବଂ ଶନି ଏହି ଦିନ ପରସ୍ପରର ଅତି ନିକଟତର ଦେଖାଯିବେ । ଏହି ସମୟରେ ଏହା ଉଜ୍ଜ୍ୱଳ ତାରା ପରି ଲୋକଙ୍କୁ ନଜର ଆସିବ। ଏହି ଅଦ୍ଭୁତ ସଂଯୋଗ ପାଖାପାଖି ୩୯୭ ବର୍ଷ ପରେ ଆସୁଛି ଏବଂ ଯଦି ଆପଣ ଏହାକୁ ଦେଖିବା ପାଇଁ ସୁଯୋଗ ନପାଆନ୍ତି ତେବେ ଏଥିପାଇଁ ଆପଣଙ୍କୁ ପୁଣି ୬୦ ବର୍ଷ ଅପେକ୍ଷା କରିବାକୁ ପଡିବ!!୧୬୨୩ ଖ୍ରୀଷ୍ଟାବ୍ଦ ପରଠାରୁ ଏହି ଦୁଇଟି ଗ୍ରହ କେବେବି ଏତେ ନିକଟତର ହୋଇନଥିଲେ, ତେଣୁ ଏହାକୁ ‘ଏକ ମହାନ ମିଶ୍ରଣ’ କୁହଯାଉଛି । ଏମପି ବିର୍ଲା ପ୍ଲାନେଟୋରିୟମର ନିର୍ଦ୍ଦେଶକ ଦେବି ପ୍ରସାଦ ଦୁଆରୀ ତାଙ୍କ ବୟାନରେ କହିଛନ୍ତି ଯେ, ଏହା ଅତ୍ୟନ୍ତ ବିରଳ ଘଟଣା ଯାହା ହଜାରେ ବର୍ଷରେ ଥରେ ହୋଇଥାଏ!! ଡିସେମ୍ବର ୨୧ର ରାତିରେ ଏହି ଦୁଇଟି ଗ୍ରହର ଭୌତିକ ଦୂରତା ପ୍ରାୟ ୭୩୫ ନିୟୁତ କିଲୋମିଟର ହେବ । ଏହା ପରେ ଏଭଳି ଅଦ୍ଭୁ୍ ସଂଯୋଗ ୨୦୮୦ ମାର୍ଚ୍ଚ ୧୫ ରେ ହେବ। ସେ କହିଛନ୍ତି ଯେ, ଡିସେମ୍ବର ୨୧ରେ ଦୁଇଟି ଗ୍ରହ ପରସ୍ପରର ନିକଟତର ହେବାର ନଜର ଆସିବେ। ଡିସେମ୍ବର ୨୧ଦିନ ଭାରତର ଅଧିକାଂଶ ପ୍ରମୁଖ ସହରରେ ଲୋକମାନେ ସୂର୍ଯ୍ୟାସ୍ତ ପରେ ଏହି ଅଦ୍ଭୁତ ଦୃଶ୍ୟକୁ ନିଜ ଆଖିରେ ଅତି ସହଜରେ ଦେଖିପାରିବେ!!