16-Mar-2023

କଣ୍ଟାବାଞ୍ଜି( ପ୍ରେରଣା ଖବର)
 ତୁରେକେଲା ବ୍ଳକରେ କଣ୍ଟାବାଞ୍ଜି ବନାଞ୍ଚଳ ଓ ବଙ୍ଗୋମୁଣ୍ଡା ବନାଞ୍ଚଳର ମିଳିତ ଆନୁକୂଲ୍ୟରେ ବ୍ଳକ ସଭାଗୃହରେ ଜଙ୍ଗଲ ନିଆଁ ବିରୁଦ୍ଧରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା।କଣ୍ଟାବାଞ୍ଜି ରେଞ୍ଜର ଶ୍ରଦ୍ଧାଦେବ ବଡମାଳୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଶ୍ରୀ ଦେବାଶିଷ ସାମଲ,ବ୍ଳକ ଉନ୍ନୟନ ଅଧିକାରୀ, ଶ୍ରୀ କୌଶିକ ମେହେର, ଜିଲ୍ଲା ପରିଷଦ ସଭ୍ୟ, ଶ୍ରୀ ଜଳନ୍ଧର ମହାକୁଡ,ସଭାପତି ସରପଞ୍ଚ ସଂଘ,ଶ୍ରୀ ଅଶ୍ୱିନୀ ମେହେର, ଅଧ୍ୟକ୍ଷ, ତୁରେକେଲା ମହାବିଦ୍ୟାଳୟ, ଶ୍ରୀ ଦିଗାମ୍ବର ସ୍ୱ।ଇଁ,ଶ୍ରୀ ବିଶ୍ୱଜିତ ସାମଲ ,ଶ୍ରୀ ଜନାର୍ଦ୍ଦନ ଠାକୁର, ରେଞ୍ଜର ବଙ୍ଗୋମୁଣ୍ଡା ଯୋଗ ଦେଇଥିଲେ।ପ୍ରକୃତିବନ୍ଧୁ ଶ୍ରୀ ବିରଂଚି ନାରାୟଣ ଦାଶ ସଭାକୁ ପରିଚାଳନା କରିଥିଲେ।ଯଦି ଆମେ ସମସ୍ତେ ମିଶି ପ୍ରତ୍ୟେକ ଗ୍ରାମରେ ଜଙ୍ଗଲ ନିଆଁ ବିରୁଦ୍ଧରେ ସଚେତନତା କରିବା ତାହା ହେଲେ ବନାଗ୍ନୀର ପରିମାଣ କମିବ ଓ ମିଶନ ଶକ୍ତିର ମହିଳା ମାନେ ଏହାକୁ ସଫଳ କରିପାରିବେ ବୋଲି ଅତିଥିମାନେ ମତ ପ୍ରଦାନ କରିଥିଲେ।ଅତିଥି ମାନଙ୍କ ଅଭିଭାଷଣ ପରେ ପ୍ରୋଜେକ୍ଟର ମାଧ୍ୟମରେ ଉପସ୍ଥିତ ପ୍ରକୃତି ପ୍ରେମୀ ମାନଙ୍କୁ ବିଭିନ୍ନ ସଚେତନ ଧର୍ମୀ ଚିତ୍ର ପ୍ରଦର୍ଶନ କରାଯାଇଥିଲା।ତାପରେ ସମସ୍ତେ ଶପଥପାଠ କରିବା ପରେ ବ୍ଳକ ପରିସରରୁ ବାହାରି ବିଭିନ୍ନ ସ୍ଳୋଗାନ ଦେଇ ଗ୍ରାମ ପରିକ୍ରମା କରିଥିଲେ।ଏହି ସଚେତନତା କାର୍ଯ୍ୟକ୍ରମରେ ମିଶନ ଶକ୍ତି ର ସ୍ୱୟଂସହାୟକ ମହିଳାବୃନ୍ଦ, ସମାଜସେବୀ, ପ୍ରକୃତିପ୍ରେମୀ ତଥା ବନକର୍ମଚାରୀ ଶ୍ରୀ ପ୍ରଦୀପ ସାହୁ, ନରୋତ୍ତମ ମହାନନ୍ଦ,ରାମଚନ୍ଦ୍ର ନାଏକ,ଦିବସ କୁମାର ମାଝୀ, ସତ୍ୟବାନ ମାଝୀ, ବିଷ୍ଣୁ ଛୁରା,ସମୀର ସିଂଦେଓ,ହିମାଂଶୁ ହରପାଲ,ଗୋବର୍ଦ୍ଧନ ପୁଟେଲ, କ୍ଷୀରଧର ମାଝୀ ଆଦି ଉପସ୍ଥିତ ଥିଲେ।