16-Mar-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ )-  ଜିଲ୍ଲାର ବୀରମହାରାଜପୁର ଉପଖଣ୍ଡ ଅନ୍ତର୍ଗତ ଉଫୁଲା ଗ୍ରାମରେ ଦିର୍ଘ ୫୦ ଏକର ଜମି ଉପରେ ଅବସ୍ଥିତ ଥିବା ଏକ ବୃହତକାୟ  ମଗରାକଟା ଏବେ ସଂପୂର୍ଣ୍ଣ ବ୍ୟବହାର ଉପଯୋଗୀ ହୋଇପାରୁନାହିଁ। ଦୀର୍ଘ ଦିନରୁ ଏଠାରେ କୌଣସି ମାଟିକାମ ନହେବାଯୋଗୁଁ ସମୟକ୍ରମେ ମାଟି ଓ କାଦୁଅ ପଙ୍କ ତଥା ଏକ ଅଯଣା ଦଳ ମାଡିଯିବାରୁ ଏବେ କଟା ଟି ସଂପୂର୍ଣ୍ଣ ଭାବରେ ତାର ସତ୍ତା ହରାଇବସିଛି।ଏକଦା ସ୍ୱଚ୍ଛ ଓ କାଚକେନ୍ଦୁ ଭଳି ଥିବା ଏହି କଟା ର ପାଣିକୁ କେବେଦିନେ ପାଖ ପାଞ୍ଚ ଛଅ ଟି ଗ୍ରାମ ଯଥା ଲାତୁରପେଟ,ଅଇଁଲାପାଲି, ବାଘମାରି,ରଣାପାଲି ପ୍ରଭୃତି ଗ୍ରାମର ଲୋକମାନେ ନିଜର ପନିପରିବା ଚାଷରେ ବ୍ୟବହାର କରି ନିଜର ଗୁଜୁରାଣ ମେଣ୍ଟାଇବାସହ  ଗାଧୋଇବା ଓ ପିଇବାପାଣି ପାଇଁ  ମଧ୍ୟ ବ୍ୟବହାର କରୁଥିଲେ ଏପରିକି ଏହିକଟାରୁ ଉତ୍ପନ୍ନ ହେଉଥିବା ପଦ୍ମଫୁଲ, ପୁସ୍କର,କନ୍ଦା ଓ ଖଲି ବିକ୍ରି କରି ଶତାଧିକ ପରିବାର  ବେଶ ଦୁଇପଇସା ରୋଜଗାର କରିପାରୁଥିବା ବେଳେ ବର୍ତ୍ତମାନ ଏହିକଟାର ଦୁରାବସ୍ଥା ଦେଖି ଅନେକ ଲୋକ ନିଜର ଲୁହକୁ ରୋକିପାରୁନଥିବାଜଣାପଡିଛି।ଏହାର କାରଣ ପ୍ରଶାସନ ର ଅବହେଳା କୁ ଦାୟୀ କରିଛନ୍ତି ଅଞ୍ଚଳବାସୀ। କଟା ର ରକ୍ଷଣାବେକ୍ଷଣ ପାଇଁ ଲଗାତାର ଭାବରେ ପ୍ରଶାସନ କିଛି ବି ମାଟିକାମ ନକରିବା ଦ୍ୱ।ରା କଟାର ଜଳଧାରଣ କ୍ଷମତା ହ୍ରାସ ପାଇବା ସହ ଜଳସେଚନ ସୁବିଧା ରୁ ଶତାଧିକ ଚାଷୀ ସଂପୂର୍ଣ୍ଣ ବଂଚିତ ହୋଇଛନ୍ତି। ବିଗତ ପାଞ୍ଚବର୍ଷ ରୁ ଉର୍ଦ୍ଧ୍ବ ହେଲା ଏକ ଅଯଣା ଦଳ ଆପେ ମାଡ଼ି ଯାଉଥିବା ଯୋଗୁଁ ଜଳରେ ଅମ୍ଳଜାନ ସ୍ତର କମିଯିବା ଦ୍ୱ।ରା ଅନେକ ପ୍ରଜାତିର ମାଛ ତଥା ଅନେକ ସରିସୃପ ଜାତୀୟ ପ୍ରାଣୀ ଙ୍କ ବଂଶ ଲୋପ ପାଇବାକୁ ବସିଲାଣି। ଅତିଶୀଘ୍ର ଏହି କଟାର ରକ୍ଷଣାବେକ୍ଷଣ ପାଇଁ ପ୍ରଶାସନ ଯଦି କିଛି ପଦକ୍ଷେପ ନନିଏ ତାହେଲେ ଏ ଅଞ୍ଚଳରେ ଜନସାଧାରଣ ଙ୍କ ମନରେ ଅସନ୍ତୋଷ ବ୍ୟାପି ଏକ ବିସ୍ଫୋରକ ପରିସ୍ଥିତି  ସୃଷ୍ଟି ହେବାର ଆଶଂକା କୁ ଏଡ଼ାଇ ଦିଆଯାଇନପାରେ।ତେଣୁ ପ୍ରଶାସନ ଏହାକୁ ଗୁରୁତ୍ୱ ର ସହନେଇ ଅତିଶୀଘ୍ର କଟା ରୁ ଦଳ ଓ ପଙ୍କ ଉଦ୍ଧାର କରି କଟାର ପୂର୍ବାବସ୍ଥାକୁ ଫେରାଇଆଣିବାକୁ ଅଞ୍ଚଳ ବାସୀ ତଥା ଜିଲ୍ଲାର  ବୁଦ୍ଧିଜୀବୀ ମହଲ ପକ୍ଷରୁ  ଦାବି ହୋଇଛି।