15-Mar-2023

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) ଆଜି ସାରା ରାଜ୍ୟରେ ଡ୍ରାଇଭର ମାନଙ୍କର 10 ଦଫା ଦାବି ନେଇ ଷ୍ଟିଅରିଂ ଛାଡ ଆନ୍ଦୋଳନ ସହ ଅନିର୍ଦ୍ଦିଷ୍ଟ କାଳପାଇଁ ଧର୍ମ ଘଟ ଡାକରା ଦେଇଛନ୍ତି l ଏହି ଧର୍ମଘଟ ରେ ବଲାଙ୍ଗୀର ଜିଲ୍ଲାର ଆଗଲପୁର ବ୍ଲକର ଡ଼୍ରାଇଭର ସଂଘ ମଧ୍ୟ ଏହି ଧର୍ମ ଘଟରେ ସାମିଲ ହୋଇଅଛି l ଆଗଲପୁର ବ୍ଲକ୍ ସଭାପତି ଶ୍ରୀ ରଘୁନାଥ ଚନ୍ଦନ ଓ ସମ୍ପାଦକ ଶ୍ରୀ ମୋହନ ଲାଲ ଶିଖା ଙ୍କ ନେତୃତ୍ୱରେ ସମସ୍ତ ଡ୍ରାଇଭର ମାନେ ଜାତୀୟ ରାଜପଥ 26 ନମ୍ୱର  ର ରୁଗୁଡ଼ିଖାଲ ଛକ ଠାରେ ଧାରଣାରେ ବସିଥିଲେ l 

ଡ୍ରାଇଭର ସଂଘର 10 ଦଫା ଦାବୀ ରହିଛି, ତାହା ପୂରଣ ନହେବା ପର୍ଯ୍ୟନ୍ତ ଏହି ଧାରଣା ଚାଲୁ ରହିବ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି l ଏହି ପରିପ୍ରେକ୍ଷୀରେ ଲୋଇସିଂହା ବ୍ଲକ ଡ୍ରାଇଭର ସଂଘ ସଭାପତି ସୁରେଶ ସାହୁଙ୍କ ନେତୃତ୍ୱରେ ବୁର୍ଡା ଛକ ଠାରେ ସଂଘ ପକ୍ଷରୁ ଧାରଣା ଦିଆଗଲା l