10-Mar-2023

ବଲାଙ୍ଗିର (ପ୍ରେରଣା ଖବର ): ଭିସୁଟ ଛାତ୍ରୀ ଚିନ୍ମୟୀ ମୃତ୍ୟୁ ଘଟଣାକୁ ନେଇ ଜାରୀ ରହିଛି ପୋଲିସ ର ତନାଘନା | ଗତକାଲି ପୁଣିଥରେ ବୁର୍ଲା ପୋଲିସର ତିନିଜଣିଆ ଟିମ ବଲାଙ୍ଗୀରରେ ପହଞ୍ଚିଛନ୍ତି | ବିକ୍ରମ ଛକରେ ରହୁଥିବା ଚିନ୍ମୟୀ ଙ୍କ ପରିବାର ଲୋକଙ୍କୁ ଭେଟି ଅଧିକ ପଚରାଉଚୁରା କରୁଛି ପୋଲିସ | ଆଗରୁ ମଧ୍ୟ ଦୁଇ ଜଣିଆ ଟିମ ଆସି ତଦନ୍ତ କରିକ ଯାଇ ଥିଲେ | ତାପରେ ପରିବାର ଲୋକଙ୍କୁ ବୁର୍ଲାକୁ ଡାକି  ବରିଷ୍ଠ ଅଧିକାରୀ ମାନେ ତଦନ୍ତ କରିଥିଲେ | ପୁଣି ଥରେ କଣ ପାଇଁ ପରିବାର ଲୋକଙ୍କୁ ପୋଲିସ ତଦନ୍ତ କରୁଛି ସ୍ପଷ୍ଟ ଜଣାପଡ଼ିନାହିଁ | ଚିନ୍ମୟୀ ଙ୍କର କୌଣସି ଏକ କଲେଜ ସାର୍ଟିଫିକେଟ ନେବା ପାଇଁ ଆସିଥିବା ଚର୍ଚ୍ଚା ହେଉଛି | ଚିନ୍ମୟୀ ଙ୍କର ମୃତ୍ୟୁ ହତ୍ୟା ନୁହେଁ ବୋଲି ସାମ୍ବାଦିକ ସମ୍ମିଳନୀ ରେ କହିଛନ୍ତି ସମ୍ବଳପୁର ଏସ. ପି | କିନ୍ତୁ ପରିବାର ଲୋକେ ଏହା ଏକା ହତ୍ୟାକାଣ୍ଡ | ଆଉ ଚିନ୍ମୟୀ କୁ ତାର ପୁରୁଷ ବନ୍ଧୁ ହତ୍ୟା କରିଥିବା ଅଭିଯୋଗ କରିଆସୁଛନ୍ତି | ଏସବୁ ଭିତରେ କିନ୍ତୁ ଅଧିକ ଖୋଳତାଡ଼ ଜାରି ରଖିଛି ପୋଲିସ |