10-Mar-2023

ସିସି ଟିଭି ନଜରରେ ୪କେନ୍ଦ୍ର

ବିନିକା(ହିମାଂଶୁ ଶେଖର ପୁଟେଲ) ଆଜି ଠାରୁ ସାରା ରାଜ୍ୟରେ ଅନୁଷ୍ଟିତ ହେଉଛି ମେଟ୍ରିକ ପରୀକ୍ଷା ।ଏଥିପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଚିଛି ।ମିଳିଥିବା ସୂଚନା ଅନୁସାରେ ବିନିକା ବ୍ଲକର ୮କେନ୍ଦ୍ରରେ ବ୍ଲକର ୧୯ଟି ହାଇସ୍କୁଲ ସମେତ ସୋନପୁର ବ୍ଲକର ଶ୍ରଧାପାଳି ଓ ଡୁଙ୍ଗୁରିପାଲି  ବ୍ଲକର ଭୀମଟିକିରା ଏହିପରି ସର୍ବମୋଟ ୨୧ଗୋଟି ହାଇସ୍କୁଲର ୧୩୭୩ଜଣ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି ।ବିନିକା ସହର ୫ଟି ବାଳକ ହାଇସ୍କୁଲ ଠାରେ ଅନୁଷ୍ଠିତ ପରୀକ୍ଷା କେନ୍ଦ୍ରରେ ବ୍ଲକର ଶଙ୍କରା,ସିଲାଟି,ବିନିକା ବାଳିକା ଉଚ୍ଚ ବିଦ୍ୟାଳୟର ମୋଟ ୨୩୧ଜଣ ଛାତ୍ରଛାତ୍ରୀ ପରୀକ୍ଷା ଦେଉଥିବା ସେଣ୍ଟର ସୁପରିଷ୍ଟେଣ୍ଡଣ୍ଟ ପ୍ରଧାନ ଶିକ୍ଷକ ନିଲାଚଳ ମେହେର କହିଛନ୍ତି ।ସେହିପରି ପ୍ରଧାନ ଶିକ୍ଷୟତ୍ରୀ ରେଣୁବାଳା ସାହୁଙ୍କ ସୂଚନା ଅନୁଯାୟୀ ବିନିକା ବାଳିକା ଉଚ୍ଚ ବିଦ୍ୟାଳୟ ସେଣ୍ଟରରେ ୩ଟି ସ୍କୁଲ ସେଲେଡି,ଚରଦା,ବିନିକା ସରସ୍ଵତୀ ଶିଶୁ ବିଦ୍ୟା ମନ୍ଦିରର ମୋଟ ୨୦୧ଜଣ,ଇନଚାର୍ଜ ପ୍ରଧାନ ଶିକ୍ଷକ ଗଙ୍ଗାଧର ପ୍ରଧାନଙ୍କ ସୂଚନା ଅନୁସାରେ କର୍ତଙ୍ଗ ୫ଟି ସେଣ୍ଟରରେ ବାଉଁଶୁଣୀ,ଶ୍ରଧାପାଲି ସ୍କୁଲର ୧୪୨ଜଣ,ପ୍ରଧାନଶିକ୍ଷକ ଲକ୍ଷ୍ମୀକାନ୍ତ ପଣ୍ଡାଙ୍କ ସୂଚନା ଅନୁସାରେ ସେଲେଡି ୫ଟି ସେଣ୍ଟରରେ କର୍ତ୍ତଙ୍ଗ,କଇଁନ୍ତରା ସ୍କୁଲର ୧୫୨ଜଣ,ପ୍ରଧାନଶିକ୍ଷକ ପ୍ରେମାନନ୍ଦ ହୋତାଙ୍କ ସୂଚନା ଅନୁସାରେ ସିଲାଟି ୫ଟି ସେଣ୍ଟରରେ  ଭଣ୍ଡାର,ସିଂହିଜୁବା,ଭୀମଟିକିରା ସ୍କୁଲର ୧୪୪ଜଣ,ପ୍ରଧାନ ଶିକ୍ଷକ ପ୍ରତୁଲ୍ଲ୍ୟ ପଣ୍ଡାଙ୍କ ସୂଚନା ଅନୁସାରେ ସିନ୍ଦୂରପୁର ୫ଟି ସେଣ୍ଟରରେ ବିନିକା ବାଳକ,ବଲାରଙ୍ଗା,ବାଙ୍କୀଘିରୀଡି ସ୍କୁଲର ୧୬୬ଜଣ,ପ୍ରଧାନ ଶିକ୍ଷକ ଭରତ ଚନ୍ଦ୍ର ସାହୁଙ୍କ ସୂଚନା ଅନୁସାରେ ସିଂହିଜୁବା ସେଣ୍ଟରରେ ଅନ୍ତର୍ଡା,ସିନ୍ଦୂରପୁର ସ୍କୁଲର ୧୩୨ଜଣ,ପ୍ରଧାନ ଶିକ୍ଷକ ମୁରଲୀଧର ବିଶ୍ଵାଳଙ୍କ ସୂଚନା ଅନୁସାରେ କୁହିବାହାଳ ୫ଟି ସେଣ୍ଟରରେ ଜୁଲୁଣ୍ଡା,ମହଦା, ନନ୍ଦନନାଳ ସ୍କୁଲର ୨୦୫ଜଣ ଛାତ୍ରଛାତ୍ରୀ ପରୀକ୍ଷା ଦେବେ ।ତେବେ ସିସି ଟିଭି ନଜରରେ ବିନିକା ବାଳକ, କର୍ତଙ୍ଗ,ସେଲେଡି ଓ କୁହିବାହାକ ସ୍କୁଲ ରହିଥିବା ବେଳେ ଅନ୍ୟ ପରୀକ୍ଷା କେନ୍ଦ୍ରରେ କପି ଓ ଫିକ୍ସିଂ ହେବାର ଆଶଙ୍କା ଥିବାରୁ ଶିକ୍ଷା ବିଭାଗ କର୍ତୁପକ୍ଷ ଆବଶ୍ୟକ ଦୃଷ୍ଟି ଦେବାକୁ ଶିକ୍ଷା ପ୍ରେମୀ ମହଲରେ ଦାବୀ ହେଉଛି ।