22-Feb-2023

ଲୋଇସିଂହା, (ବିନୋଦ କୁମାର ଦୀପ) ଆଜି ଲୋଇସିଂହା ଆଦିବାସୀ ଭବନ ଠାରେ ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା l ଏହି ଶିବିରକୁ ଆଦିବାସୀ କଲ୍ୟାଣ ମହାସଂଘ ଲୋଇସିଂହା, କୋଶଳ ପରିବାର ଲୋଇସିଂହା ଓ ଅସୀମା ମହାନନ୍ଦ ଚେରିଟେବୁଲ ଟ୍ରଷ୍ଟ ଙ୍କ ମିଳିତ ଆନୁକୁଲ୍ୟରେ  ଅନୁଷ୍ଠିତ ହୋଇଥିଲା l ଏହି ଚିକିତ୍ସା ଶିବିରକୁ ତ୍ରିଲୋଚନ ନେତ୍ରାଳୟ ସମ୍ବଲପୁର ଙ୍କ ସହଯୋଗ ରେ କରା ଯାଇଥିଲା l ଲୋଇସିଂହା ନିର୍ବାଚନୀ ମଣ୍ଡଳୀରେ ସମାଜସେବୀ ବିଜୟ ମହାନନ୍ଦଙ୍କ ଉକ୍ତ କାର୍ଯ୍ୟକ୍ରମରେ ସହଯୋଗକ୍ରମେ ପୂର୍ବରୁ ଅନେକ ଗୁଡିଏ କାର୍ଯ୍ୟକ୍ରମ ମାନ ଅନୁଷ୍ଠିତ ହୋଇଛି ଯାହାକି ଦଳିତ, ମହିଳା ଗରୀବ ବର୍ଗଙ୍କ ପାଇଁ ଏହି ଚେରିଟେବୁଲ ଟ୍ରଷ୍ଟ ମାଧ୍ୟମରେ କରାଯାଇଛି, ଯେଉଁଟା କି କମଳ ବଣ୍ଟନ, ମାସ୍କ ବଣ୍ଟନ, ସ୍ୱାସ୍ଥ୍ୟସେବା, ଛାତ୍ରଛାତ୍ରିଙ୍କ ପାଇଁ କମ୍ପୁଟର ଶିକ୍ଷା ଓ ସିଲେଇ ଶିକ୍ଷାର ପ୍ରସାର l

ଉକ୍ତ ଶିବିରରେ ଜିଲ୍ଲା ଆଦିବାସୀ ସଂଘ ସଭାପତି ଶ୍ରୀ ଶ୍ୟାମସୁନ୍ଦର ଭୋଇ,ବ୍ଲକ୍ ଆଦିବାସୀ ସଂଘ ସଭାପତି ଶ୍ରୀ ଦଶରଥ ଛତ୍ରିଆ ଉପସ୍ଥିତ ଥିଲେ l ଏହାସହ ଲୋଇସିଂହା ବ୍ଲକ୍ ତହସିଲ ଭୁକ୍ତ ଜାତି ସଭାପତି ଶ୍ରୀ ଲାଲମନ ନାଗ ଉପସ୍ଥିତ ଥିଲେ।ଲୋଇସିଂହା ବିଶ୍ଵ କଲ୍ୟାଣ ନାଗରିକ କମିଟି ର  ସଭ୍ୟମାନ ଯଥା କବିରାଜ ଭୋଇ,ମାଧବ ଭୋଇ,ସୂର୍ଯ୍ୟକାନ୍ତ ବେହେରା, ରୁକ୍ମନ ଧରୁଆ,ଲଳିତ ମୋହନ ପୁଟା ପ୍ରଭୃତି ଉପସ୍ଥିତି ରହି କାର୍ଯକ୍ରମକୁ ଆଗକୁ ନେବାରେ ସହଯୋଗ କରିଥିଲେ l ଚକ୍ଷୁ ଚିକିତ୍ସା ଶିବିର ରେ ସର୍ବମୋଟ 117 ଜଣ ପଞ୍ଜୀକୃତ ହୋଇ ଆଖି ପରୀକ୍ଷା କରିଥିଲେ l ସେଥିରୁ 36 ଜଣଙ୍କୁ ଆଖି ଅପରେସନ ପାଇଁ ଚିହ୍ନଟ କରି ସମ୍ବଲପୁର କୁ ପଠାଗଲା l ଏହି ଚିକିତ୍ସା ଶିବିରକୁ ତ୍ରିଲୋଚନ ନେତ୍ରାଳୟ ର ଡାକ୍ତର ସନ୍ଧ୍ୟାରାଣୀ ଶେଉଳ, ଅରୂପା ପ୍ରଧାନ ଓ ଅନ୍ୟ କର୍ମଚାରୀଙ୍କ ସହଯୋଗରେ କାର୍ଯ୍ୟକ୍ରମଟି ପରିଚାଳନା କରା ଯାଇଥିଲା l