22-Feb-2023

 ସୁବର୍ଣ୍ଣପୁର - ପ୍ରଧାନମନ୍ତ୍ରୀ ଓ  ଅlଦାନୀ ମେଗା ସ୍କାମ ପ୍ରତିବାଦ ରେ  ରାଜ୍ୟ କଂଗ୍ରେସ ର ଆନ୍ଦୋଳନ ପ୍ରସ୍ତୁତି ହୋଇଛି lସୋନପୁର ଜ଼ିଲ୍ଲା କଂଗ୍ରେସ ପକ୍ଷରୁ ସ୍ଥାନୀୟ କସ୍ତୁରୀ ଲଜ ଠାରେ  ଜ଼ିଲ୍ଲା  ସଭାପତି ଗୌରୀ ଶ୍ୟାମ ପଣ୍ଡାଙ୍କ ନେତୃତ୍ୱରେ ଆଜି ଏ ନେଇ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା l ନିକଟରେ ହିଣ୍ଡେନବର୍ଗ ରିପୋର୍ଟ ପ୍ରକାଶ ପାଇବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ସରକାରଙ୍କ ପୁଞ୍ଜିପତି ଆଦାନୀଙ୍କ ସହିତ ସମ୍ପର୍କ ଯୋଗୁଁ କିଭଳି ଭାବରେ ଦେଶର ଗୁରୁତ୍ୱ ପୂର୍ଣ୍ଣ ସଂମ୍ପତି ଏବଂ ଭାରତ ବର୍ଷ ର କୋଟି କୋଟି ଜନସାଧାରଣଙ୍କ ବ୍ୟାଙ୍କ ରେ ସଞ୍ଚିତ ଅର୍ଥ ଓ ଏଲ ଆଇସି ରେ ଥିବା ଜମା ରାଶିକୁ ଟେକି ଦିଆ ଯାଇଛି ତାହାର ପର୍ଦାଫାଶ କରିଛି କଂଗ୍ରେସ l ଆଦାନୀ ଭଳି ବିଭିନ୍ନ କମ୍ପାନୀ ମାନଙ୍କ ରେ ସରକାର କରିଥିବା ପୁଞ୍ଜି ବିନିଯୋଗ ଯୋଗୁଁ ସାଧାରଣ ଜନତାଙ୍କ ଜମା ରାଶି ବା ବୀମାରାଶି ଟଙ୍କା ମଧ୍ୟ ଏବେ ଆଉ ସୁରକ୍ଷିତ ନୁହେଁ ବୋଲି ପ୍ରଦେଶ କଂଗ୍ରେସ ସମସ୍ତ ଜ଼ିଲ୍ଲା ମାନଙ୍କ ରେ ସାମ୍ବାଦିକ ସମ୍ମିଳନୀ କରି  ଏ କଥା ଖୁଲାସା କରିଛି l ସବୁ ଜ଼ିଲ୍ଲା ମାନଙ୍କରେ ଆଜି ଏହି ଈସୁ କୁ ନେଇ ପ୍ରେସ ମିଟ କରାଯାଇଥିବା ବେଳେ ମାର୍ଚ୍ଚ ୬ ରୁ  ୧୦ ତାରିଖ ଯାଏ ରାଜ୍ୟର ସବୁ ଜ଼ିଲ୍ଲା ର ପ୍ରତି ବ୍ଲକ, ଏନ ଏ ସି, ମ୍ୟୁନିସିପାଲ, ବ୍ୟାଙ୍କ ଓ ଏଲ ଆଇ ସି ଅଫିସ ଆଗରେ ଆନ୍ଦୋଳନ କରାଯିବ ଏବଂ ମାର୍ଚ୍ଚ ୧୩ ରେ ରାଜ ଭବନ ଘେରାଉ କରିବାକୁ ରାଜ୍ୟ ସଭlପତି  ପଟ୍ଟନାୟକ ନିର୍ଦ୍ଧେଶ କରିଥିବା ବିଷୟ ଏ ସମ୍ମିଳନୀରେ ପ୍ରକାଶ ପାଇଛି l ଏହି ସମ୍ମିଳନୀରେ ଜ଼ିଲ୍ଲା ସଭlପତିଙ୍କ ସମେତ ପ୍ରଦେଶ କଂଗ୍ରେସ ସଭ୍ୟ ଜିତେନ୍ଦ୍ର ପଟ୍ଟନାୟକ, ଜ଼ିଲ୍ଲା କଂଗ୍ରେସ କୋଷାଧ୍ୟକ୍ଷ ଶେଷଦେବ ମେହେର, ଟାଉନ ସଭାପତି ରଂଜିତ ରାୟ ପ୍ରମୁଖ ଉପସ୍ଥିତ ଥିଲେ l