20-Feb-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ଶଙ୍କରା ଗ୍ରାମର ଶତାୟୁ ଧର୍ମପରାୟଣ ବ୍ୟକ୍ତି ଜଗଦୀଶ ନାଏକ(୧୧୫)ଙ୍କ ଗତକାଲି ପରଲୋକ ହୋଇଯାଇଛି ।ସ୍ବର୍ଗତ ନାଏକ ଉଷାବତୀ ହରଣ ନାଟକର ନିର୍ଦ୍ଦେଶନା,ଦଣ୍ଡନୃତ୍ୟର ଗୁରୁ ଭାବେ କଲାପ୍ରେମୀଙ୍କୁ ଶିକ୍ଷା ପ୍ରଦାନ,ସୁ ମଧୁର କଣ୍ଠରେ କୃଷ୍ଣ ଗୁରୁ ଭଜନ ପରିବେଷଣ ସହିତ ପୌରାଣିକ ତଥ୍ୟ ଉପରେ ଆଧାରିତ ଭଗବାନ ରାମଚନ୍ଦ୍ର,ଶ୍ରୀକୃଷ୍ଣ ଏବଂ ଅନ୍ୟାନ୍ୟ ଦେବାଦେବୀଙ୍କ କାହାଣୀ ବୁଝାଇ ଆଧ୍ୟାତ୍ମିକ ମାର୍ଗରେ ଯିବାକୁ ଲୋକଙ୍କୁ ସଚେତନ କରୁଥିଲେ ।କଳାର ସୁଖ୍ୟାତି ଯୋଗୁଁ ବିଭିନ୍ନ ଅନୁଷ୍ଠାନରୁ ସମ୍ବର୍ଦ୍ଧିତ ହେବା ସହ ପ୍ରମାଣପତ୍ର ହାସଲ କରିଛନ୍ତି ।ସେହିପରି କିଛି ମାସ ତଳେ ଭାରତ ସରକାରଙ୍କ ନିର୍ବାଚନ ଆୟୋଗ ତରଫରୁ ବରିଷ୍ଟ ନାଗରିକ ପ୍ରମାଣପତ୍ର ପାଇଥିଲେ।ହେଲେ ସେ ଜଣେ  କଳାକାର ହୋଇଥିଲେ ମଧ୍ୟ କଳାକାର ଭତ୍ତାରୁ ବଞ୍ଚିତ ।ତାଙ୍କ ପରଲୋକ ଖବର ଶୁଣିବା ପରେ ଗ୍ରାମ ତଥା ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି ।ମୃତ୍ୟୁ ଶଯ୍ୟା ନିକଟରେ ସପରିବାର ଉପସ୍ଥିତ ଥିଲେ ।ନିକଟସ୍ଥ ଶ୍ମଶାନ ଘାଟରେ ତାଙ୍କର ଅନ୍ତ୍ଯେଷ୍ଟିକ୍ରିୟା ସମ୍ପନ୍ନ କରାଯାଇଥିଲା । ତାଙ୍କ ବଡପୁଅ ପ୍ରହଲ୍ଲାଦ ନାଏକ ମୁଖାଗ୍ନି ପ୍ରଦାନ କରିଥିଲେ ।