20-Feb-2023

ଆଗଲପୁର, (ବିନୋଦ କୁମାର ଦୀପ) ସରକାରୀ ଶ୍ରେଣୀଗୃହ କାମରେ ପୁରୁଣା ଇଟା ଲଗା ଯାଇଥିବା ଯୋଗୁଁ  ଆସିଛି ଅଭିଯୋଗ l ଏମିତି ଏକ ଗୁରୁତ୍ତର ଅଭିଯୋଗ ଆସିଛି ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ବଡ଼ଟିକା ଉଚ୍ଚ ପ୍ରାଥମିକ ବିଦ୍ୟାଳୟରୁ l ସୂଚନାନୁସାରେ ସ୍କୁଲ୍ ର ବିଦ୍ୟାଳୟ ଶ୍ରେଣୀଗୃହ ର ଅଭାବ ଅଛି l ଶ୍ରେଣୀଗୃହ ନିର୍ମାଣ ସକାଶେ ସ୍ପେସିଆଲ ଡେଭଲପମେଣ୍ଟ  ଫଣ୍ଡ ରୁ 5 ଲକ୍ଷ ଟଙ୍କା ଅନୁଦାନ ମିଳିଛି l ସେହି ଟଙ୍କାରେ ନୂତନ ଶ୍ରେଣୀଗୃହ ନିର୍ମାଣ କରିବା ପାଇଁ l ହେଲେ ବିଡ଼ମ୍ବନାର ବିଷୟ ଏହା ଯେ ସେଠାରେ ଥିବା ଏକ ପୁରୁଣା କୋଠା କୁ ଭାଙ୍ଗି , ନିହ ନଖୋଲି ପୁରୁଣା ନିହ ଉପରେ ପୁଣି ପୁରୁଣା ଇଟାକୁ କାମରେ ଲଗା ଯାଉଛି l  ଇଏ କି ପ୍ରକାର କାମ l ସ୍କୁଲ ପରିଚାଳନା କମିଟି ସଭାପତି କୁ ଏ ବିଷୟରେ ପଚାରିଲୁ ହେଲେ ଆମେ ଏ ବିଷୟରେ କିଛି ଜାଣିନାହିଁ ବୋଲି କହିଲେ l ପ୍ରଧାନ ଶିକ୍ଷକ ଙ୍କୁ ମଧ୍ୟ ପଚାରିବାରୁ ସେ ମଧ୍ୟ ସମାନ ଉତ୍ତର ଦେଲେ l ଆମେ ଜାଣିବାକୁ ପାଇଲୁ ଯେ ଉକ୍ତ କାମ ବ୍ଲକ୍ ଅଧୀନରେ ଚାଲୁଅଛି l ଏ ବିଷୟରେ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଦୃଷ୍ଟି ଆକର୍ଷଣ କରା ଯାଇଥିଲେ ମଧ୍ୟ କିଛି ସୁଫଳ ମିଳିନାହିଁ l ଆଉ ଏକ ବିଡ଼ମ୍ବନାର ବିଷୟ ହେଉଛି ଗୋଷ୍ଠୀ ଉନ୍ନୟନ ଅଧିକାରୀ କୌଣସି ବିଷୟକୁ ଗୁରୁତ୍ଵ ଦେଉନାହାନ୍ତି l ପ୍ରକୃତରେ କହିବାକୁ ଗଲେ ବ୍ଲକ୍ ପ୍ରଶାସନ ମଧୁ ଚନ୍ଦ୍ରିକାରେ ଚାଲିଛି l କନିଷ୍ଠ ଯନ୍ତ୍ରୀ ଓ ଏ  ଇ  ଙ୍କୁ ପଚାରିଲେ ଆମ୍ଭେ କହିନାହୁ ବୋଲି ସଫେଇ ଦେଉଛନ୍ତି l ଏପଟେ ଶ୍ରେଣୀ ଗୃହ ନିର୍ମାଣ କରୁଥିବା ବ୍ୟକ୍ତି ଜଣକ ଯନ୍ତ୍ରୀ ଙ୍କ ନିର୍ଦ୍ଦେଶରେ କାମ ଚାଲିଛି ବୋଲି ଫୋନ ରେ କହିଛନ୍ତି l ବର୍ତ୍ତମାନ ସରକାରୀ ବିଲଡିଂ ତିଆରି କାର୍ଯ୍ୟରେ ନିୟମ ମୁତାବକ ସିମେଣ୍ଟ ଇଟା ଲାଗିବା ଦରକାର ହେଲେ ସବୁ ଓଲଟା l ପ୍ରକୃତ ରେ ଏ ଉପରେ ଉଚ୍ଚ କର୍ତ୍ତୃପକ୍ଷର ତଦନ୍ତ ଆବଶ୍ୟକ l ପିଲାଙ୍କ ଭବିଷ୍ୟତରେ ଖେଳ ନ ଖେଳି ଶ୍ରେଣୀଗୃହ ନିର୍ମାଣ ରେ ସ୍ବଚ୍ଛତା ଆଣିବାକୁ ଲୋକେ ଦାବି କରିଛନ୍ତି l