20-Feb-2023

ବଲାଙ୍ଗିର,- ବିଦ୍ୟାଳୟର ଆବଶ୍ୟକ କୋଠରୀ ନାହିଁ, ଆବଶ୍ୟକ ଶିକ୍ଷକ ନାହିଁ, ଖେଳ ପଡିଆ ନାହିଁ, ଛାତ୍ର ଛାତ୍ରୀମାନେ ବାରଣ୍ଡାରେ ବସି ପାଠ ପଢୁଥିଲେ ମଧ୍ୟ ତାଙ୍କର ଅଭିମାନ ନାହିଁ । ଏହା ସତ୍ତ୍ୱେ  ସଇଁତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ ଉନ୍ନୀତ  ଉଚ୍ଚ ବିଦ୍ୟାଳୟ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି । ଏହି ବିଦ୍ୟାଳୟର ଛାତ୍ର ଛାତ୍ରୀମାନେ ବିଗତ ବର୍ଷରେ ଶତ ପ୍ରତିଶତ ପରୀକ୍ଷାରେ ଉତ୍ତିନ୍ନ ହେବା ସହିତ କ୍ରୀଡା ବିଭାଗ, ପରିବେଶ ବିଭାଗ, ରେଡକ୍ରସ କାର୍ଯ୍ୟକ୍ରମ, ସଚେତନତା କାର୍ଯ୍ୟକ୍ରମ କରି ନିଜ ତଥା ସମାଜ ପାଇଁ ଏକ ଦୃଷ୍ଟାନ୍ତ ହୋଇପାରିଛନ୍ତି । ବିଦ୍ୟାଳୟର ଦୁଇ ଜଣ ଛାତ୍ର ରାଜ୍ୟ ତରଫରୁ ଖେଳାଳି ଭାବରେ ସୃଷ୍ଟି ହୋଇଛନ୍ତି ।  ପାଠପଢା ବ୍ୟତିତ ନାଟକ, ସଚେତନ ଭିତ୍ତିକ କାର୍ଯ୍ୟକ୍ରମ ଆଦି ବିଦ୍ୟାଳୟ କରିଆସିଛି । ଶିକ୍ଷାର୍ଥୀ ସହିତ ଶିକ୍ଷକମାନେ ମଧ୍ୟ ଶିକ୍ଷଣ ସହିତ ବିଭିନ୍ନ କାର୍ଯ୍ୟକ୍ରମ କରି ରାଜ୍ୟରେ ସୁନାମ ଅର୍ଜନ କରିଛନ୍ତି । ପ୍ରକୃତରେ ବିଦ୍ୟାଳୟର ଶିକ୍ଷକମାନଙ୍କର ଏହି ମହତ କାର୍ଯ୍ୟକ୍ରମକୁ ଆଗକୁ ଚାଲି ରଖିବା ତଥା ଆହୁରି ବିଦ୍ୟାଳୟ ନାଁ ରଖିବା ପାଇଁ ୨୧ତମ ବାର୍ଷିକ ଉତ୍ସବରେ ଅତିଥି ଗଣ ମତପ୍ରକାଶ କରିଥିଲେ ।  ମୁଖ୍ୟଅତିଥି ଭାବରେ ସଇଁତଲା ଗୋଷ୍ଠି ଉନ୍ନୟନ ଅଧିକାରୀ ଚନ୍ଦ୍ରମଣି

ନାଗ,ସମ୍ମାନୀତ ଅତିଥି ଭାବରେ ସଇଁତଲା ବିଇଓ ଗୋବର୍ଦ୍ଧନ ଭୋଇ,  ସଇଁତଲା ଥାନା ଅଧିକାରୀ ଅବନୀ ସାହୁ, ସୁବର୍ଣ୍ଣପୁର ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ, ଏବିଇଓ ମହାଦେବ ମିଶ୍ର, ସରକାରୀ ବାଳିକା ବିଦ୍ୟାଳୟ, ଏସଏସଡି, ସଇଁତଲର ପ୍ରଧାନଶିକ୍ଷୟିତ୍ରୀ ନିବେଦିତା ହୋତା, ସହକାରୀ ଶିକ୍ଷୟିତ୍ରୀ ସନ୍ଧ୍ୟାରାଣୀ ଗହିର, ସୁହାସିନୀ ମିଶ୍ର, କେରମେଲୀ ହାଇସ୍କୁଲର ପ୍ରଧାନଶିକ୍ଷକ ସରୋଜ ମିଶ୍ର, ଘୁନସର ହାଇସ୍କୁଲର ପ୍ରଧାନଶିକ୍ଷକ ଅଭିମନ୍ୟୁ ସାହୁ, ବୁଢାବାହାଲ ହାଇସ୍କୁଲର ପ୍ରଧାନଶିକ୍ଷକ ବରୁଣ କୁମାର ସାହୁ, କରମତଲା ହାଇସ୍କୁଲର ଅବସରପ୍ରାପ୍ତ ପ୍ରଧାନଶିକ୍ଷକ ରତନ ରଣା, ସ୍ଥାନୀୟ ସରପଂଚ ଇତିଶ୍ରୀ ସାହୁ, ପୂର୍ବତନ ସରପଂଚ ସନ୍ତୋଷିନୀ ମାଝି, ଜେମାମଣି ମଲ୍ଲିକ, ରାଜ୍ୟପୁରସ୍କାର ପ୍ରାପ୍ତ ସମାଜେସେବୀ ଝସକେତନ ରଣା, ବିଦ୍ୟାଳୟ ପରିଚାଳନା କମିଟୀ ସଭାପତି ଗଣେଷ ଚନ୍ଦ୍ର ରଣା ପ୍ରମୁଖ ଯୋଗଦେଇଥିଲେ । ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କ ସଭାପତିତ୍ୱରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ପ୍ରାରମ୍ଭରେ ଅତିଥି ପରିଚୟ ଶିକ୍ଷୟତ୍ରୀ ରେଣୁକା ସାହୁ ପ୍ରଦାନ କରିଥିବା ବେଳ ବିବରଣୀ  ପାଠ ଶିକ୍ଷକ ଲିଙ୍ଗରାଜ ନନ୍ଦ ପ୍ରଦାନ କରିଥିଲେ । ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀ ମାନଙ୍କୁ ଅତିଥି ବୃନ୍ଦ ସାର୍ଟିଫିକେଟ ଏବଂ ଟ୍ରଫି ଦେଇ ପୁରସ୍କୃତ କରିଥିଲେ । କାର୍ଯ୍ୟକ୍ରମରେ ଶିକ୍ଷକ କୃପାସିନ୍ଧୁ ମିଶ୍ର, ସମୀର ସେଠି , ଦୀପକ ସେନ ଧରୁଆ, ଶିକ୍ଷୟିତ୍ରୀ ଦ୍ରୋପଦୀ ଭୋଇ, କାନ୍ତି ଭୋଇ, ଯଶୋବନ୍ତି ସୁନା, ଗ୍ରାମବାସୀ କପିଳେଶ୍ୱର ଭୋଇ, ମୋତିଲାଲ ବକୁଲ, ବିଘ୍ନ ରଣା ପ୍ରମୁଖ ସହଯୋଗ କରିଥିଲେ । ଏହି ଅବସରରେ ଶିକ୍ଷୟିତ୍ରୀ ଗାୟତ୍ରୀ ବାରିକ ଓ ଯଶୋବନ୍ତୀ ସୁନାଙ୍କ ତତ୍ୱାବଧାନରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା । କାର୍ଯ୍ୟକ୍ରମକୁ ଶିକ୍ଷକ ସୁଦର୍ଶନ ଦାଶ ପରିଚାଳନା କରିଥିବା ବେଳେ ଶିକ୍ଷକ ରାମ ନାରାୟଣ ଦାଶ ଧନ୍ୟବାଦ ଅର୍ପଣ କରିଥଲେ ।