09-Feb-2023

ବଲାଙ୍ଗିର (ପ୍ରେରଣା ଖବର) : ବଲାଙ୍ଗୀର କୋଶଳ କଳାମଣ୍ଡଳ ପଡିଆରେ ଆରମ୍ଭ ହୋଇଛି  ସ୍ବଦେଶୀ ଖଦୀ ମହୋତ୍ସବ । ଏହାକୁ ଉଦଘାଟନ କରିଛନ୍ତି ବଲାଙ୍ଗୀର ବିଧାୟକ ତଥା ବିଧାନସଭା ରେ କଂଗ୍ରେସ ବିଧାୟକଙ୍କ ନେତା ନରସିଂହ ମିଶ୍ର । ଜାତି ର ଜନକ ମହାତ୍ମା ଗାନ୍ଧୀଙ୍କ ସ୍ବଦେଶୀ ଆନ୍ଦୋଳନ ର ମୂଳ ଥିଲା ଖଦୀ । ଲୋକଙ୍କ  ଭିତରେ ସ୍ବଦେଶୀ ବସ୍ତ୍ର କୁ ଅଧିକ ଆଦୃତ କରିବାପାଇଁ  ଏପରି ମେଳାର ଆବଶ୍ୟକତା ରହିଛି ବୋଲି  ମାନ୍ୟବର ବିଧାୟକ ଶ୍ରୀ ମିଶ୍ର  ନିଜ ମନ୍ତବ୍ଯ ରେ କହିଥିଲେ । ଏହି ଉଦଘାଟନ କାର୍ଯ୍ୟକ୍ରମ ରେ  ବଲାଙ୍ଗୀର ଜିଲ୍ଲା ସଂସ୍କୃତି ଅଧିକାରୀ ରଶ୍ମିରଞ୍ଜନ ମିଶ୍ର  ସମ୍ମାନିତ ଅତିଥି ଭାବେ ଯୋଗ ଦେଇ  ଥିବା ବେଳେ  ସ୍ବଦେଶୀ ଖଦୀ ମହୋତ୍ସବ ର ସଂଚାଳକ ଗିରିଶ  ଚନ୍ଦ୍ର ଦୁବେ, ପରିଚାଳିକା ଅମରଜିତ କୌର ଓ  ବେଦ ପ୍ରକାଶ ତିୱାରୀ ଅତିଥି ମାନଙ୍କୁ ଅଙ୍ଗବସ୍ତ୍ର ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ଏହି ମହୋତ୍ସବ  ଆସନ୍ତା ମାର୍ଚ୍ଚ  ୧୦ତାରିଖ ପର୍ଯ୍ୟନ୍ତ ଚାଲିବ ବୋଲି  ଆୟୋଜକ କହିଛନ୍ତି ।