08-Feb-2023

ନାକଟିଦେଉଳ (କର୍ଦପ ବେହେରା) ନାକଟିଦେଉଳ ବ୍ଲକ୍ କୁଞାମୁରା ରାଜସ୍ବ ଗ୍ରାମରେ ଥିବା ସାଲେଢ଼ିପ ଉଚ୍ଚ ବିଦ୍ୟାଳୟରେ ରାତ୍ର ଜଗୁଆଳୀ ଓ ଝାଡ଼ୁଦାର ନିଯୁକ୍ତିରେ ବ୍ୟାପକ ଅନିୟମିତତା ହୋଇଥିବାକୁ ନେଇ ଆଜି ବିଦ୍ୟାଳୟ ଫାଟକରେ କୁଞାମୁରା ଗ୍ରାମବାସୀ ଏହି ନିଯୁକ୍ତିକୁ ବାତିଲ ଦାବିରେ ଧାରଣାରେ ବସିଥିଲେ ା
ସରକାରଙ୍କ ନିୟମଅନୁଯାୟୀ ଗ୍ରାମର ମହିଳା ସ୍ବୟଂ ସହାୟିକା ଗୋଷ୍ଠୀ ଦ୍ବାରା ପରିଚାଳିତ ହୋଇଏହି ପଦବୀ ପାଇଁ ୨ ଜଣଙ୍କୁ ନିଯିକ୍ତି ଦିଆଯିବାକୁ ନିୟମ ରହିଛି ା ସ୍ବୟଂ ସହାୟିକା ଗୋଷ୍ଠୀର ମହିଳାମାନେ ଏ ସଂପର୍କରେ ଜାଣିବାର ଆବଶ୍ୟକତା ରହିଛି ା ହେଲେ ବାଟଗଁ ଗୋବିନ୍ଦପୁର ଗ୍ରାମର ଓମ୍ ଶାନ୍ତି ମହିଳା ଗ୍ରୁପ୍ ତରଫରୁ କ୍ରୁଷ୍ନ ଚନ୍ଦ୍ର ଧଳଙ୍କୁ ରାତ୍ରଜଗୁଆଳୀ ଓ ଆଉ ଜଣଙ୍କୁ ଝାଡ଼ୁଦାର ଭାବରେ ନିଯୁକ୍ତି ଦେଇଛନ୍ତି ପ୍ରଧାନ ଶିକ୍ଷକ ା
ଗ୍ରାମବାସୀଙ୍କ ଅଭିଯୋଗ ଯେ କୁଞାମୁରା ଗ୍ରାମରେ ୨୫ ଟି ମିଳା ଗୋଷ୍ଠି ରହିଥିଲେ ମଧ୍ୟ ଅନ୍ୟ ଗାଁରୁ ନିଯୁକ୍ତି ଦିଆଯାଇଥିବା ଗ୍ରାମବାସୀ ଅଭିଯୋଗ କରିଛନ୍ତି ା ଏହାକୁ ନେଇ ଆଜି ଗ୍ରାମବାସୀ ଓ ମହିଳା ସ୍ବୟଂସହାୟିକା ଗୋଷ୍ଠୀର ମହିଳାମାନେ ବିଦ୍ୟାଳୟ ଫାଟକରେ ଧାରଣାରେ ବସିଥିଲେ ା ଗତ ଫେବ୍ରୁଆରୀ ୭ ତାରିଖରେ ଗ୍ରାମବାସୀ ଜିଲ୍ଲା ଶିକ୍ଷା ଅଧିକାରୀ,ବ୍ଲକ୍ ଶିକ୍ଷା ଅଧିକାରୀ ,ଗୋଷ୍ଠୀ ଉନ୍ନୟନ ଅଧିକାରୀ ଆଦିଙ୍କୁ ଲିଖିତାକାରରେ ଜଣାଇଥିଲେ ା