07-Feb-2023

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ମହାବିଦ୍ୟାଳୟ ଠାରେ ଜିଲ୍ଲା ସ୍ତରୀୟ ଯୁବ ରେଡ଼କ୍ରସ ଶିବିରର ଉଦଯାପନୀ ଉତ୍ସବ ଅନୁଷ୍ଠିତ ହୋଇଯାଇଛି l ଆଜି ସକାଳ 6.30 ମି ରେ ପତଞ୍ଜଳି ଯୋଗ ସମିତି ତରଫରୁ ଯୋଗଶିକ୍ଷା ପ୍ରଦାନ କରାଯାଇଥିଲା l ପରେ ସକାଳ 8 ଟା ସମୟରେ ସମସ୍ତ ସ୍ବେଛାସେବୀ ମାନଙ୍କୁ ନେଇ ଏକ ବିରାଟ ପଦଯାତ୍ରା କରାଯାଇଥିଲା l ଅଧ୍ୟାପକ ପି. କେ ବଗର୍ତି, ରାମଚନ୍ଦ୍ର ବଗର୍ତି, ଅଭିନାଶ ମିଶ୍ର, ଗୀତାଞ୍ଜଳି ପଣ୍ଡା ଏବଂ ଚନ୍ଦନ ପଧାନ ଅଂଶଗ୍ରହଣ କରିଥିଲେ l ସକାଳ 10.30 ରକ୍ତଦାନ ସମ୍ପର୍କରେ ସେକ ଅବଦୁଲ ଅସରଫ (ବ୍ଳଟ ବ୍ୟାଙ୍କ ବଲାଙ୍ଗୀର) ପିଲାମାନଙ୍କୁ ଦୀର୍ଘ ଏକ ଘଣ୍ଟା ଧରି ଶିକ୍ଷା ପ୍ରଦାନ କରିଥିଲେ l

ଏହାପରେ 12 ଟା ସମୟରେ ବିନୋଦ ଖଣ୍ଡେକର (ସବ ଇନ୍ସପେକ୍ଟର, ଲୋଇସିଂହା) ପିଲାମାନଙ୍କୁ ସଡ଼କ ସୁରକ୍ଷା ବାବଦରେ ଶିକ୍ଷା ପ୍ରଦାନ କରିଥିଲେ l ଏହାପରେ ମାଧ୍ୟାନ୍ନଭୋଜନର ବ୍ୟବସ୍ଥା ହେବାସହ 3 ଟା ସମୟରେ ଉଦଯାପନୀ ଉତ୍ସବ ଅନୁଷ୍ଠିତ ହୋଇଥିଲା l ଏଥିରେ ସଭାପତି ଥିଲେ ଲୋଇସିଂହା ମହାବିଦ୍ୟାଳୟର ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ସାହୁ l ମୁଖ୍ୟଅତିଥି ଥିଲେ ଅତିରିକ୍ତ ଜିଲ୍ଲlପାଳ ବଲାଙ୍ଗୀର ଶ୍ରୀମାନ ମହେନ୍ଦ୍ର ମହାପାତ୍ର l ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ଜି. ବି ପ୍ରେସିଡେଣ୍ଟ ସୁଶ୍ରୀ ପୁଷ୍ପାଞ୍ଜଳୀ ମିଶ୍ର, ଲୋଇସିଂହା ମହାବିଦ୍ୟାଳୟର ଇଂରାଜୀ ଅଧ୍ୟାପକ ଶ୍ରୀମାନ ବିବେକାନନ୍ଦ ମିଶ୍ର l ସଭାକୁ ପରିଚାଳନା କରିଥିଲେ କାଉନ୍ସେଲର ହିମାଂଶୁ ମହାକୁର, ଜିଲ୍ଲା ଯୁବ ରେଡ଼କ୍ରସର ନିର୍ଦେଶକ ଦୈତାରୀ ପୂଜାରି l ପୁରସ୍କାର ପ୍ରଦାନରେ ସହଯୋଗ କରିଥିଲେ ସନ୍ତୋଷ କୁମାର ଦାସ, ପ୍ରାଧ୍ୟାପକ ଅଭିଷେକ ଦାସ, ଚନ୍ଦନ ପଧାନ l ପରିଶେଷରେ ଧନ୍ୟବାଦ ଅର୍ପଣ କରିଥିଲେ ଲୋଇସିଂହା ମହାବିଦ୍ୟାଳୟର +3 କାଉନ୍ସେଲର ଶ୍ରୀ ମାନସ ରଞ୍ଜନ କୁମାର l