31-Jan-2023

ବିନିକା(ହିମାଂଶୁ ଶେଖର ପୁଟେଲ)ପଶ୍ଚିମ ଓଡିଶାର ଜଣେ ଦକ୍ଷ ସଂଗଠକ,ଅମାୟକ ବ୍ୟକ୍ତି,ମିଶାଇଲମେନ ତଥା ରାଜ୍ୟ ସରକାରଙ୍କ ସ୍ବାସ୍ଥ୍ୟ ବିଭାଗ ମନ୍ତ୍ରୀ ନବ ଦାସଙ୍କ ଅକାଳ ବିୟୋଗରେ ଗତକାଲି ସନ୍ଧ୍ୟାରେ ସ୍ଥାନୀୟ ବିନିକା ସ୍ପୋର୍ଟସ କ୍ଲବ ଠାରେ ବିଜୁ ଜନତା ଦଳ ନଗର ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଏକ ଶୋକସଭା ଅନୁଷ୍ଠିତ ହୋଇଥିଲା ଉପସ୍ଥିତ ସମସ୍ତ କର୍ମୀ ତାଙ୍କ ଫଟୋ ଚିତ୍ରରେ ଦୀପ ପ୍ରଜ୍ଜ୍ୱଳନ ପୂର୍ବକ ଫୁଲ ଅର୍ପଣ ପରେ ଅମର ଆତ୍ମାର ସଦଗତି ପାଇଁ ୨ମିନିଟ ନୀରବ ପ୍ରାର୍ଥନା କରିଥିଲେ ।ପରେ ବ୍ଲକ ସଭାପତି ଦ୍ବାରିକାନାଥ ସାହୁ,ବରିଷ୍ଟ ବିଜେଡ଼ି ନେତା ରଂଜନ ମିଶ୍ର,ସମିତିସଭ୍ୟ ମାନସ ବେହେରା,ଓକିଲ ସଂଘ ସଭାପତି ସୁଧାଂଶୁ ଶେଖର ଦାଶ,ନଗରପାଳ ସୁବାସ ଚନ୍ଦ୍ର ଭୋଇ,କେଦାର ପଣ୍ଡା,ରବୀନ୍ଦ୍ର ପାତ୍ର,ଜିଲ୍ଲା ପରିଷଦ ସଭ୍ୟ ବଶିଷ୍ଠ ଭରାସାଗର,ହାଡୁ ମେହେର,ଜୟ ପ୍ରକାଶ ପ୍ରଧାନ,ପୀତବାସ ମେହେର,ଦୀନବନ୍ଧୁ ମେହେର,ସନ୍ତୋଷ ସାହୁ ପ୍ରମୁଖ ତାଙ୍କ ଦକ୍ଷତା,ବ୍ୟକ୍ତିତ୍ୱ ଓ ଦଳ ପାଇଁ ଅବଦାନ ଉପରେ ବକ୍ତବ୍ୟ ପ୍ରଦାନ କରି ଓଡ଼ିଶା ତଥା ପଶ୍ଚିମ ଓଡିଶାର ରାଜନୀତି କ୍ଷେତ୍ରରେ ଅପୂରଣୀୟ କ୍ଷତି ବୋଲି କହିଥିଲେ । ସେହିପରି ବାଉଁଶୁଣି କଲେଜ ପରିସରରେ ଅଧ୍ୟକ୍ଷ ବନ ବିହାରୀ ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ଶୋକସଭାରେ ସମସ୍ତ ଷ୍ଟାଫ ଓ ଛାତ୍ରଛାତ୍ରୀ ଯୋଗଦେଇ ତାଙ୍କର ଶ୍ରୁତି ଚାରଣ କରିଥିଲେ ।