31-Jan-2023

ଜୟପୁର(ପ୍ରଶାନ୍ତ ବିଶୋଇ) : ନାରାୟଣପାଟଣା ବ୍ଲକ ସ୍ଥିତ ମାଁ ଚୈତାଇ କଲ୍ୟାଣ ମଣ୍ଡପ ପରିସରରେ କୋରାପୁଟ ଜିଲ୍ଲା ସାମ୍ବଦିକ ସଂଘ ଏସୟୁଜେ ତରଫରୁ ଏକ ବନ୍ଧୁମିଳନ ଓ ସଂଘ କର୍ମକର୍ତାଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଜିଲ୍ଲା ସଭାପତି ବିଦ୍ୟାଧର ଚୌଧୁରୀ ଓ କାର୍ଯ୍ୟକାରୀ ସଭାପତି ବବଲୁ ସିଂଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏନୟୁଜେ ଜାତୀୟ ସଂପାଦକ ଅଜୟ କୁମାର ସାହୁ, ମୁଖ୍ୟ ବକ୍ତା ଭାବେ ବରିଷ୍ଠ ସାମ୍ବାଦିକ 

ସି. ଏଚ୍ ସାନ୍ତାକାର, ଏସୟୁଜେ ଉପସଭାପତି କିର୍ତ୍ତୀଚନ୍ଦ୍ର ସାହୁ, ସମ୍ମାନୀତ ଅତିଥି ଭାବେ ନବରଙ୍ଗପୁର ଜିଲ୍ଲାର ରାଜ୍ୟ ସଦସ୍ୟ ବିଭୁ ପ୍ରସାଦ ପଣ୍ଡା, ଜିଲ୍ଲା ସଂଘ କଲ୍ୟାଣ ବୋର୍ଡ ଅଧ୍ୟକ୍ଷ ସତ୍ୟନାରାୟଣ ପଟ୍ଟନାୟକ, ବଲାଙ୍ଗିର ଜିଲ୍ଲାର ବରିଷ୍ଠ ସାମ୍ବାଦିକ ତଥା ଏସ୍ ୟୁ ଜେ ର ରାଜ୍ୟ ଉପସଭାପତି ମହେନ୍ଦ୍ର ଦର୍ଜି ରାଜ୍ୟ ଉପସଭାପତି କଳାହାଣ୍ଡି ଜିଲ୍ଲାର ଦୁସ୍ମନ୍ତ କୁମାର ପଣ୍ଡା, ନବରଙ୍ଗଜିଲ୍ଲା ସଭାପତି ସଦାଶିବ ପ୍ରହରାଜ, ରାୟଗଡା ଜିଲ୍ଲା ସଭାପତି ଶିବ ପ୍ରସାଦ ଗୌଡ ଉପସ୍ଥିତ ଥିଲେ । ପ୍ରାରମ୍ଭରେ ଜିଲ୍ଲା ସାଧାରଣ ସଂପାଦକ ତରୁଣ କୁମାର ମହାପାତ୍ର ନେତୃତ୍ୱରେ କରୋନା ମହାମାରୀରେ ଜିଲ୍ଲାରେ ଆଖି ବୁଜିଥିବା ସ୍ୱର୍ଗତ ପ୍ରଶାନ୍ତ ସାମନ୍ତରାୟ, ଡି. ଶଙ୍କର ରାଓ, ବିଶ୍ୱଜିତ ବିଶ୍ୱାଳ, ତ୍ରୀନାଥ ସାଗରଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇମିନିଟ୍ ନିରବ ପ୍ରାର୍ଥନା କରାଯାଇଥିଲା । ମୁଖ୍ୟ ବକ୍ତା ସିଏଚ ସାନ୍ତାକାର ସାମ୍ବାଦିକଙ୍କ ମୂଲ୍ୟବୋଧ ସହ ବିଭିନ୍ନ ପ୍ରସଙ୍ଗ ଉପରେ ଆଲୋକପାତ କରିଥିଲେ । ଏହି ଅବସରରେ ନାରାୟଣ ପାଟଣା ବ୍ଲକର ପ୍ରତିଭା ମାନଙ୍କୁ ମାନପତ୍ର ସହ ସମ୍ମାନ କରାଯାଇଥିବା ବେଳେ ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୨୩ଜଣଙ୍କୁ ସମ୍ମାନିତ କରାଯାଇଥିଲା । ସଂଘ କିପରି ଆଗକୁ ବଢିବ ଓ ଭାଇଚାରା ବଜାୟ ରହିବ ସେନେଇ ରାଜ୍ୟ ସଭାପତି କୈଲାସ ନାୟକ

ଭିଡିଓ କନଫେରନ୍ସରେ ସୂଚନା ଦେଇଥିଲେ । ଜିଲ୍ଲାର ବିଭିନ୍ନ ବ୍ଲକରୁ ପ୍ରାୟ ଶତାଧିକ ସାମ୍ବାଦିକ ଯୋଗ ଦେଇ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ । ନାରାୟଣା ପାଟଣା ବ୍ଲକର ସଂଗ୍ରାମୀ ସାଥୀ ସାମ୍ବାଦିକ ଏନ. ସନ୍ତୋଷ କୁମାର, ରାଜ କିଶୋର ଜେନା, ଅନୀଲ ସୁବୁଦ୍ଧି, ଗିରିଧର ଖରା ଓ ଦିଲ୍ଲିପ ଦାସ ପ୍ରମୁଖ କାର୍ଯ୍ୟକ୍ରମକୁ ସୂଚାରୁ ରୁପେ ପରିଚାଳନା କରିଥିଲେ । ଶେଷରେ କେ.ଶାୟା ରାଜୁ ଧନ୍ୟବାଦ ଅର୍ପଣ କରିଥିଲେ ।