19-Jan-2023

ସମ୍ବଲପୁର, (ସଂଜୀବ ପାଣିଗ୍ରାହୀ)
 ସମ୍ବଲପୁର ଜିଲ୍ଲା ପ୍ରଶାସନ ଓ ଓଡିଶା ସାଂସ୍କୃତିକ ସମାଜ ମିଳିତ ଆନୁକୁଲ୍ୟରେ ଗଣତନ୍ତ୍ର ଦିବସ ଉପଲକ୍ଷେ ଏକ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରୀୟ କୁଇଜ୍‌ ପ୍ରତିଯୋଗିତା ଅନୁଷ୍ଟିତ ହୋଇଯାଇଛି। ସାଂସ୍କୃତିକ ସମାଜର ବରିଷ୍ଠ ସଦସ୍ୟ ଅଶୋକ କୁମାର ପ୍ରଧାନଙ୍କ ସଂଯୋଜନା ଓ ପରିଚାଳନାରେ ଆୟୋଜିତ ହୋଇଥିବା ଏହି ପ୍ରତିଯୋଗିତାରେ ୨୪ଟି ବିଦ୍ୟାଳୟ ଓ ୧୨ଟି ମହାବିଦ୍ୟାଳୟରୁ ୫୦ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତାର ବିଦ୍ୟାଳୟ ସ୍ତରରେ ବୁଢାରଜା ଉଚ୍ଚ ବିଦ୍ୟାଳୟର ଶୁଭମ ସାହୁ ତଥା ସେଣ୍ଟ ଜୋନ୍ସ ବିଦ୍ୟାଳୟର ସାହିଦ୍‌ ଆଫିଜା ଓ ସ୍ୱରିତ ପ୍ରଧାନ ଯୁଗ୍ମ ଭାବରେ ପ୍ରଥମ ସ୍ଥାନ ଅଧିକାର କରିଥିଦା ବେଳେ ଶ୍ରୀ ଗଣେଶ ସରକାରୀ ଉଚ୍ଚ ବିଦ୍ୟାଳୟର ସୁମନ କେର୍‌କେଟା ଦ୍ୱିତୀୟ ଏବଂ ବିକାଶ ଦି କନସେପ୍ଟ ସ୍କୁଲର ଆକାଶ ବେହେରା ଓ ହିମାଂଶୁ ନାଗ ତଥା ଓଡିଶା ଆଦର୍ଶ ବିଦ୍ୟାଳୟ,କୁଚିଣ୍ଡାର ସୂର୍ଯ୍ୟକାନ୍ତ ହୋତା ଯୁଗ୍ମ ଭାବରେ ତୃତୀୟ ସ୍ଥାନ ଅଧିକାର କରିଥିଲେ। ମହାବିଦ୍ୟାଳୟ ସ୍ତରୀୟ ପ୍ରତିଯୋଗିତାରେ ସମ୍ବଲପୁର ସରକାରୀ ମହିଳା ମହାବିଦ୍ୟାଳୟର ଭାରତୀ ମେହେର ଓ ଯଶୋବନ୍ତୀ ବାଗ ପ୍ରଥମ ନେତାଜୀ ସୁବାଷ ଚନ୍ଦ୍ର ବୋଷ ମହାବିଦ୍ୟାଳୟର ଶୁଭଶ୍ରୀ ସିଂ ଗୋସ୍ୱାଇଁ ଦ୍ୱିତୀୟ ଏବଂ ବିକାଶ ଦି କନସେପ୍ଟ ସ୍କୁଲର ସ୍ୱାତୀରାଣୀ ସାହୁ ଓ ଅଦ୍ୟାଶା ପାଢୀ ଏବଂ ଗଙ୍ଗାଧର ମେହେର ବିଶ୍ୱବିଦ୍ୟାଳୟର ପ୍ରତ୍ୟୁଷ କୁମାର ବାରିକ ଓ ଶୁଭମ ସାହୁ ତୃତୀୟ ସ୍ଥାନ ଅଧିକାର କରିଥିଲେ।ଓଡିଶା  ସାଂସ୍କୃତିକ ସମାଜର ବରିଷ୍ଠ ସଦସ୍ୟ ସରୋଜ ଦାଶ ସ୍କୋରର ଦାୟିତ୍ତ୍ୱ ତୁଲାଇଥିବା ବେଳେ ପ୍ରଫୁଲ୍ଲ ହୋତା,ଉପସଭାପତି ଶିବନାରାୟଣ ପାଣିଗ୍ରାହୀ,ପ୍ରଶାନ୍ତ  ପାଟଯୋଶୀ,ସ୍ନାତମଧୁ ଷଣ୍ଢ ପ୍ରମୁଖଙ୍କ ସମେତ ସାଂସ୍କୃତିକ ସମାଜର ସଭାପତି ଅଶୋକ କୁମାର ମିଶ୍ର ଓ ସମ୍ପାଦକ ଡ. ସିଦ୍ଧାର୍ଥ ପଣ୍ଡା କାର୍ଯ୍ୟକ୍ରମରେ ସହଯୋଗ କରିଥିଲେ। ପ୍ରକାଶ ଥାଉକି କୃତି ପ୍ରତିଯୋଗୀମାନଙ୍କୁ ଜିଲ୍ଲା ପ୍ରଶାସନ ତରଫରୁ ଆୟୋଜିତ ହେବାକୁ ଥିବା ଆସନ୍ତା ଗଣତନ୍ତ୍ର ଦିବସ ସମାରୋହରେ ଅତିଥିମାନଙ୍କ ଦ୍ବାରା ପୁରସ୍କୃତ କରାହେବ।