18-Jan-2023

ପାଟଣାଗଡ଼ ( ପୁର୍ଣ୍ଣ ଶଶୀ ଶେଖର ରାଓ) ଲୋକେ ମୁଣ୍ଡ ର ଝାଳ ତୁଣ୍ଡରେ ମାରି କପା ଚାଷ କରୁଛନ୍ତି। କିନ୍ତୁ ଏଠି ବେପାରୀ ମାନେ ବିଭିନ୍ନ ପ୍ରକାର ରେ ଚଞ୍ଚକତା କରି ଚାଷୀଙ୍କୁ ଲୁଟୁଥିବା ଦେଖିବାକୁ ମିଳୁଛି । କିଏ ଓଜନ ମେସିନ ଦ୍ବାରା ଠକୁଛି ତ , କିଏ କମ୍ ଦରରେ କିଣୁଛନ୍ତି,ତ କିଏ ଖରାପ ହୋଇଯାଇଥିଲା ବୋଲି ଠକୁଛନ୍ତି ।ଏମିତିକା ଏକ ଅଭିଯୋଗ ଆସିଛି  ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ ଓଡିଆପାଲି ପଞ୍ଚାୟତ କପସିପାଲି ଗାଁ ର କୁଲୁତା ପଡ଼ାରୁ। ସୂଚନା ଅନୁସାରେ ଗାଁ ର ଚାଷୀ ମାନେ ନିଜ ଉତ୍ପାଦିତ କପା କୁ ସ୍ଥାନୀୟ ମଧ୍ୟସ୍ଥିଙ୍କ ଜରିଆରେ ମହାରାଷ୍ଟ୍ର ଅଞ୍ଚଳର ବେପାରୀଙ୍କୁ ବିକୁଥିବା ବେଳେ ବେପାରୀ ମାନେ ଚଞ୍ଚକତା କରି ଓଜନରେ ରୀମୋଟ ଖଞ୍ଜି ଠକେଇ କରିବା ସହ ଓଜନ ପ୍ରତି 10 ରୁ 20  କେଜି ଠକୁଥିବା ଅଭିଯୋଗ ହୋଇଛି। ଚାଷୀ ସରକାରୀ କ୍ରୟ କେନ୍ଦ୍ର ରେ ବିକିବା ବଦଳରେ ସରକାରୀ ଦରରୁ ଅଧିକ ଦର ଦେବା କହି ଚାଷୀଙ୍କୁ ଠାକୁଥିଲେ ଠକ ଦଳ। ମଙ୍ଗଳବାର ରାତିରେ କପସିପାଲି ଗାଁ କୁଲତାପଡା ର ଚାଷୀ କୁମାର ସାହୁ କପାବିକ୍ରି କରୁଥିବା ବେଳେ ଓଜନ ପ୍ରତି 10 କେଜି ଡାଏରୀରେ ରଖିଥିବା ରିମୋଟ ସାହାଯ୍ୟରେ କମ୍ କରୁଥିବା ଜାଣି ମଧ୍ୟସ୍ଥି କୁ

ଅଟକ ରଖି ଖପ୍ରାଖୋଲ ପୋଲିସ କୁ ଖବର ଦେଇଥିଲେ। ଖପ୍ରାଖୋଲ ପୋଲିସ ଘଟଣା ସ୍ଥଳରେ ପହଞ୍ଚି ଦୁଇ ମଧ୍ୟସ୍ଥି କୁଲତାପଡା ଗାଁ ର ଗୋବିନ୍ଦ ସାହୁ (40)ଓ କଣ୍ଟାବାଞ୍ଜି ର ଅକ୍ଷୟ ମେହେର ( 45) କୁ କପା, ଓଜନ ଯନ୍ତ୍ର, ଟ୍ରକ୍ ସହ ଥାନାକୁ ଆଣିଥିଲେ। ମହାରାଷ୍ଟ୍ର ର ବେପାରୀ ଜଣକ ଫେରାର ହୋଇଥିବା ଜଣାଯାଇଛି। ଏନେଇ ଖପ୍ରାଖୋଲ ଥାନା କେସ ନମ୍ବର 19/23 ରେ ଏକ ଠକେଇ ମାମଲା ରୁଜୁ କରି ଘଟଣାର ତଦନ୍ତ ଚାଲିଥିବା ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ କହିଛନ୍ତି।  ଚାଷୀଙ୍କୁ ନ୍ୟାୟ ଦେବା ସହ ଦୋଷୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହେଉଛି।