18-Jan-2023

ବଲାଙ୍ଗିର ( ପୁର୍ଣ୍ଣ ଶଶୀ ଶେଖର ରାଓ): ରାଜ୍ୟସଭା ସାଂସଦ ନିରଞ୍ଜନ ବିଶି ସମ୍ବଲପୁର ଗସ୍ତ ଅବସରରେ ସମ୍ବଲପୁର ଡିଭିଜନାଲ ରେଲୱେ ମ୍ୟାନେଜରଙ୍କ ସହିତ ରେଳ ବିଭାଗର ବିଭିନ୍ନ ସମସ୍ୟା ଏବଂ ଜନସାଧାରଣଙ୍କ ଦାବୀ ଉପରେ

ଆଲୋଚନା କରିଥିଲେ l ବଲାଙ୍ଗିର ଖୋର୍ଦ୍ଧା ନୂତନ ରେଲୱେ ଲାଇନ ର ନିର୍ମାଣ କାର୍ଯ୍ୟ ତ୍ୱରାନ୍ୱିତ କରିବା ସହ ବଲାଙ୍ଗିର ନୂଆପଡା ଭାୟା ଭଇଁଷା ଚୂଡ଼ାପାଲି ,ପାଟଣାଗଡ଼, ଗମ୍ଭାରୀ ଖପ୍ରାଖୋଲ ନୂଆଁ ରେଲୱେ ଲାଇନ ସର୍ଭେ ଓ ଶିଘ୍ର ନିର୍ମାଣ କାର୍ଯ୍ୟ କରିବା ପାଇଁ ବରଗଡ଼ ନୂଆପଡା ରେଲୱେ ଲାଇନ,କଣ୍ଟାବାଞ୍ଜି ଟିଟିଲାଗଡ଼ ବଲାଙ୍ଗିର ରେଲୱେ ପ୍ଲାଟଫର୍ମ ର ଆଧୁନିକରଣ ବ୍ୟବସ୍ଥା,କଣ୍ଟାବାଞ୍ଜି ସ୍ଥିତ ରେଲୱେ ର ସାତଶହ ଏକର ଜମିରେ ରେଲୱେ ହସ୍ପିଟାଲ,ରେଳ ୱାଗନ ଫାକ୍ଟ୍ରି ନିର୍ମାଣ କାର୍ଯ୍ୟ ସମ୍ପୂର୍ଣ କରିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ସାଂସଦ ଶ୍ରୀ ବିଶି ପରାମର୍ଶ ଦେଇଛନ୍ତି l