01-Jan-2023

ବୌଦ୍ଧ/ ଗତକାଲି ଶନିବାର ଦିନ ସଂନ୍ଧ୍ଯା ପ୍ରାୟ ୭ ଘଣ୍ଟା ସମୟରେ ଭୈରବୀ ମହାବିଦ୍ୟାଳୟ,ପୁରୁଣାକଟକର ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ବୌଦ୍ଧ ବିଧାନସଭା ସଦସ୍ଯ ତଥା ଜଂଗଲ ଓ ପରିବେଶ ତଥା ପଞ୍ଚାୟତିରାଜ ମନ୍ତ୍ରୀ ପ୍ରଦୀପ କୁମାର ଅମାତ ମୁଖ୍ଯ ଅତିଥି ରୂପେ ଯୋଗଦେଇ ପ୍ରଦୀପ ପ୍ରଜ୍ବଳନ କରି ଉତ୍ସବର ଅୟମାରମ୍ଭ କରିଥିଲେ। ଅନୁଷ୍ଠାନର ଛାତ୍ରଛାତ୍ରୀ ମାନେ ସ୍ୱାଗତ ସଂଗୀତ ଗାନ କରି ଥିଲେ।ଏଥିରେ ବୌଦ୍ଧ ଉପ ଜିଲ୍ଲାପାଳ ରବୀନ୍ଦ୍ରନାଥ କଅଁର, ପୂର୍ବତନ ବୌଦ୍ଧ ଜିଲ୍ଲା ପରିଷଦର ଉପ ସଭାପତି ଅକ୍ରୁର ସେଠୀ, ବିଶିଷ୍ଟ ଉଦ୍ୟୋଗପତି ତଥା ସମାଜସେବୀ ଅଶୋକ ଅଗ୍ରୱାଲା ପ୍ରମୁଖ ସମ୍ମାନୀୟ ଅତିଥି ରୂପେ ଯୋଗ ଦେଇଥିଲେ। ଅତିଥି ମାନଂକୁ ପୁଷ୍ପଗୁଚ୍ଛ ତଥା ଉପଢୌକନ ଦେଇ ସମ୍ମାନୀତ କରାଯାଇଥିଲା। ମହାବିଦ୍ୟାଳୟର ଅଧ୍ୟକ୍ଷ ପ୍ରଶାନ୍ତ କୁମାର ସେଠୀ ବାର୍ଷିକ ବିବରଣୀ ପାଠ କରିଥିଲେ। ମଂଚରେ ଅଧ୍ୟାପକ ଓ ଅଧ୍ୟାପିକା ମାନଙ୍କୁ ଉତ୍ତରୀୟ ପ୍ରଦାନ କରି ସମ୍ମାନୀତ କରାଯାଇଥିଲା। ଵିଭିନ୍ନ ପ୍ରତିଯୋଗିତାର କୃତୀ ଛାତ୍ରଛାତ୍ରୀ ମାନଂକୁ ମାନପତ୍ର ପ୍ରଦାନ କରି ପୁରସ୍କୃତ କରାଯାଇଥିଲା। ମହାବିଦ୍ୟାଳୟର କ୍ରୀଡା ଅଧ୍ୟାପକ ରଞ୍ଜନ ପାଣିଗ୍ରାହୀ ଓ ଇଂରାଜୀ ଅଧ୍ୟାପିକା ରୁବିନା ଷଡଙ୍ଗୀ ମଞ୍ଚ ପରିଚାଳନା କରିଥିଲେ। ପରେ ଛାତ୍ରଛାତ୍ରୀ ମାନଂକ ଦ୍ୱାରା ରଂଗାରଂଗ କାର୍ଯ୍ୟକ୍ରମ ଆୟୋଜିତ ହୋଇଥିଲା।

(ଜୟାନନ୍ଦ ମିଶ୍ର)