20-Dec-2022

ସୋନପୁର(ମନୋରଂଜନ ତ୍ରିପାଠୀ)ସୁବର୍ଣ୍ଣପୁର ଜିଲ୍ଲା ସଦର ସୋନପୁର ସ୍ଥିତ ବିଶ୍ୱ ଭାରତୀ ଚିନ୍ତନ ଶିକ୍ଷା ନିକେତନ ପ୍ରାଙ୍ଗଣରେ ଏକ ଦିବସୀୟ ବ୍ଲକ ସ୍ତରୀୟ ଜୁନିଅର ରେଡକ୍ରସ ସଚେତନତା ଅଭିଯାନ ଆୟୋଜିିତ ହୋଇଯାଇଛି । ଜିଲ୍ଲା ଶିକ୍ଷାଧିକାରୀ ଲକ୍ଷ୍ମଣ ଭୋଇ ରେଡକ୍ରସ ପତାକା ଉତୋଳନ କରି ଅଭିଯାନକୁ ଉଦଘାଟିତ କରିଥିଲେ । ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡା. ରାଧାକାନ୍ତ ଗଡତିଆ, ଶାରୀରିକ ଶିକ୍ଷା ନିରୀକ୍ଷକ ସତ୍ୟ ନାରାୟଣ ତ୍ରୀପାଠୀ, ଭାଇସ ଚେୟାରମ୍ୟାନ ଗତିକୃଷ୍ଣ ମିଶ୍ର ସମ୍ମାନୀତ ଅତିଥି ଭାବରେ ଯୋଗଦେଇଥିଲେ ।

ବିଦ୍ୟାଳୟର ପ୍ରଧାନଶିକ୍ଷକ ଅକ୍ଷୟ କୁମାର ସାହୁ ଉଦଘାଟନୀ ସଭାରେ ଅଧ୍ୟକ୍ଷତା କରିଥିଲେ । ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ଅଭିଯାନକୁ ପରିଚାଳନା କରିଥିଲେ । ସାଧନକର୍ମି ଚନ୍ଦ୍ର ଶେଖର ମହାପାତ୍ର ସ୍ୱାଗତ ଅଭିଭାଷଣ ଦେଇଥିଲେ । ସୋନପୁର ବ୍ଲକର ୨୩ ଗୋଟି ସ୍କୁଲରୁ ଆସିଥିବା ଜୁନିଅର ରେଡକ୍ରସ ପରାମର୍ଶଦାତା ମାନଙ୍କୁ ସାଧନକର୍ମି ଅନୁପ୍ରୀୟ ମିଶ୍ର, ଚନ୍ଦ୍ର ଶେଖର ମହାପାତ୍ର, ଗୋପେଶ ପଣ୍ଡା ରେଡକ୍ରସ ଆେନ୍ଦୋଳନ, ଜୁନିଅର ରେଡକ୍ରସର ବିଦ୍ୟାଲୟ ସ୍ତରୀୟ ସର୍ବନିମ୍ନ କାର୍ଯ୍ୟକ୍ରମ, ପ୍ରାଥମିକ ଚିକିତ୍ସା, ସିପିଆର, ରକ୍ତ ସ୍ରାବ, ରିକୋଭରି ପୋଜିସନ, ମୂର୍ଚ୍ଛା, ବ୍ୟଣ୍ଡେଜ, ରକ୍ଷକ ର ସଡକ ସୁରକ୍ଷା ବିଷୟରେ ତାଲିମ ପ୍ରଦାନ କରିଥିଲେ ।

କାର୍ଯ୍ୟକ୍ରମରେ ଜୁନିଅର ରେଡକ୍ରସ ୟୁିଟର ଛାତ୍ରଛାତ୍ରୀ, ଶିକ୍ଷକ ଲୋକନାଥ ଠେଲା, ଚିତରଂଜନ ଭୋଇ, ଲବ ପାରୁଆ, ଦେବେନ୍ଦ୍ର ଗହିର, ଲୋକନାଥ ମିସ୍ତ୍ରୀ, ସୁବାଶିଷ ଖେତି, ଜୟକୃଷଯଣ ନାୟକ,ପଦ୍ମନାଭ ନନ୍ଦ,ସସ୍ମିତା ଭୋଇ ସହଯୋଗ କରିଥିଲେ । ପରିଶେଷରେ ବିଦ୍ୟାଳୟର ଜୁନିଅର ରେଡକ୍ରସ ପରାମର୍ଶଦାତା ବସୁଦେବ ବିଶି ଧନ୍ୟବାଦ ଅର୍ପଣ କରିଥିଲେ ।