20-Dec-2022

ବରଗଡ଼: ତିନିଦିନ ଧରି ଚାଲିଥିବା ଏନ୍‌ଏସ୍‌ଏସ୍ ନେତୃତ୍ୱ ତାଲିମ କର୍ମଶାଳା ଉଦ୍‌୍‌ଯାପିତ ହୋଇଯାଇଛି । ଆଜି ଶେଷଦିନରେ ସମ୍ବଲପୁର ବିଶ୍ୱବିଦ୍ୟାଳୟର ବିଭିନ୍ନ ବିଭାଗର ପ୍ରଫେସର୍‌ମାନେ ଯୋଗଦାନ କରି କ୍ୟାରିୟର୍ କାଉନ୍‌ସେଲିଂ ଉପରେ ଆଲୋକପାତ କରିଥିଲେ । ପ୍ରଫେସର୍ ସୁମନ୍ କେର୍‌କେଟା ଏକ ବିଷୟ “ଜୁଗାଡ଼୍‌” ଉପରେ ଉପସ୍ଥାପନା କରିଥିଲେ । ପ୍ରଫେସର୍ ପ୍ରୟାସ ଡନ୍‌ସନା ସୂଚନା ଅଧିକାର ଓ ତା’ର ପ୍ରାସଙ୍ଗିକତା, ପ୍ରଫେସର୍ ଡି.କେ. ମହାଳିକ କିପରି ଛାତ୍ର ନିଜର ସବଳତା ଓ ଦୁର୍ବଳତାକୁ ଭବିଷ୍ୟତରେ ସଠିକ୍ ରୂପରେ ପରିଚାଳନା କରିପାରିବ, ଠିକ୍ ସେହିପରି ପ୍ରଫେସର୍ ଅଜିତ୍ କୁଲୁ କହିଥିଲେ ଯେ, କିପରି ନିଜର ସ୍ୱପ୍ନକୁ ବାସ୍ତବତାରେ ପରିଣତ କରିପାରିବ, ପ୍ରଫେସର୍ ହୀରକ ଚକ୍ରବର୍ତୀ କହିଥିଲେ ଯେ, କ୍ୟାରିୟର୍ ସୁଯୋଗ ସୃଷ୍ଟି କରିବା ପାଇଁ ନିଜର ସାମର୍ଥ୍ୟ ଏବଂ ଦୃଢ଼ତାର ଆବଶ୍ୟକତା ରହିଛି ଏବଂ ଡ.ତରୁଣ ସେନ୍ ବାଉଁଶର ବ୍ୟବହାର ଉପରେ ଆଲୋଚନା କରିଥିଲେ । ଆଜି ଶେଷ ଦିବସରେ ବିକାଶ ଗ୍ରୁପ୍ ଅଫ୍ ଇନ୍‌ଷ୍ଟିଚ୍ୟୁସନ୍‌ର ଡାଇରେକ୍ଟର ତଥା ବିକାଶ ଡିଗ୍ରୀ କଲେଜର ଅଧ୍ୟକ୍ଷ ଡ.ସମରେନ୍ଦ୍ର ନାଥ ପଣ୍ଡା ଉଦ୍‌ଯାପନୀ ଭାଷଣ ଦେଇଥିଲେ । ଏହି ତିନିଦିନ ମଧ୍ୟରେ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତକାର୍ଯ୍ୟ ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା ।

ଏହି ଉଦ୍‌ଯାପନୀ ସଭାରେ ବିକାଶ ଗ୍ରୁପ୍‌ର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ, ସମ୍ବଲପୁର ବିଶ୍ୱବିଦ୍ୟାଳୟର ଏନ୍‌ଏସ୍‌ଏସ୍ ସଂଯୋଜକ ପ୍ରଫେସର୍ ସୁମନ କେର୍‌କେଟା ଏବଂ ଡିଷ୍ଟ୍ରିକ୍ଟ୍ ପ୍ରୋଗ୍ରାମ୍ ଅଫିସର୍ ଡ.ବବିତା ଷଡ଼ଙ୍ଗୀ ପ୍ରମୁଖ ଯୋଗଦାନ କରିଥିଲେ । ଆଜି ପ୍ରଭାତରୁ ଏନ୍‌ଏସ୍‌ଏସ୍‌ର ପତାକା ଉତ୍‌ତୋଳନ ହୋଇଥିବାବେଳେ ଯୋଗାଭ୍ୟାସ ସହ ଜେସିଆଇ ନେସ୍‌ନାଲ୍ ଟ୍ରେନର୍ ଆର୍‌.ଏସ୍‌.ଭି. କ୍ରୀଷ୍ଣା ଏକ ଆଉଟ୍ ବାଉଣ୍ଡ୍ ସେସନ୍ ନେଇଥିଲେ । ଉକ୍ତ କାର୍ଯ୍ୟକ୍ରମ ବିକାଶ ଡିଗ୍ରୀ କଲେଜର ଉପାଧ୍ୟକ୍ଷ ଶ୍ରୀ ଆର୍‌.ଏସ୍‌.ଭି. କ୍ରୀଷ୍ଣା ଓ ପ୍ରୋଗ୍ରାମ୍ ଅଫିସର୍ ଅଧ୍ୟାପକ ଶ୍ରୀ ରଜତ ପାଣିଗ୍ରାହୀ ପରିଚାଳନା କରିଥିଲେ । ବିକାଶ ଗ୍ରୁପ୍‌ର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ ଏହି କର୍ମଶାଳାର ଉଦ୍‌ଯାପନୀ ଘୋଷଣା କରିଥିଲେ । ପରିଶେଷରେ ବିଶ୍ୱବିଦ୍ୟାଳୟର ଏନ୍‌ଏସ୍‌ଏସ୍ କୋଅର୍ଡିନେଟର୍ ପ୍ରଫେସର୍ ସୁମନ କେରକେଟା ଆୟୋଜକ ବିକାଶ ଡିଗ୍ରୀ କଲେଜକୁ ଧନ୍ୟବାଦ ଅର୍ପଣ କରିଥିଲେ ।