04-Dec-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଲକ ଅନ୍ତର୍ଗତ ଫୁଲମୁଠି ବ୍ରଜ ବିହାରୀ ନୃତ୍ୟ କଲା ପରିଷଦ ପକ୍ଷରୁ ଚାଲିଥିବା ଗୋକୁଲାଷ୍ଟମି ଯାତ୍ରାର ଆଜି ଷଷ୍ଠ ସନ୍ଧ୍ୟାରେ ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରା କଂସ ଦରବାରରେ ରାଜକୀୟ ମୁଖ୍ୟ ଅତିଥି ଭାବେ ଯୋଗଦେଇ ଉପସ୍ଥିତ ମଥୁରା ନଗରୀ ବାସୀଙ୍କୁ ସାଂସ୍କୃତିକ ବାର୍ତ୍ତା ପ୍ରଦାନ କରିବା ସହିତ ତାଙ୍କ ସୁମଧୁର କଣ୍ଠରେ "ହେ କୃଷ୍ଣ ଦିନ ବାନ୍ଧବ.............. ଗୀତ ଗାଇ ସମସ୍ତଙ୍କୁ ମୁଗଧ କରିଥିଲେ ।ଅନ୍ୟ ମାନଙ୍କ ମଧ୍ୟରେ ଚରଦା ସରପଞ୍ଚ ବୃନ୍ଦାବତୀ ନାୟକ, ଶିଳ୍ପଦ୍ୟୋଗୀ ମୁନତାଜ ପଣ୍ଡା,ଭାଗବତ ସାହୁ,ସଞ୍ଜୟ ମିଶ୍ର,ଚଞ୍ଚଳ ସା ପ୍ରମୁଖ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ ।ସେହିପରି ଦରବାରରେ କମିଟି ଉପଦେଷ୍ଟା ପ୍ରମୋଦ ଦାଶ,ପ୍ରସନ୍ନ ରଥ,ଯୁବ ନେତା ବାବୁଲା ପଣ୍ଡା,ଚାଷୀନେତା ଭୀମସେନ ସାହୁ,ନୀଳାମ୍ବର ସାହୁ,ଗଣେଶ ମେହେର,ବନମାଳୀ ମେହେର,ଚନ୍ଦ୍ର ଶେଖର ମେହେର ପ୍ରମୁଖ ଉପସ୍ଥିତ ଥିଲେ ।ଏହି ପରିପ୍ରେକ୍ଷୀରେ ଚଳଚ୍ଚିତ୍ର ଅଭିନେତ୍ରୀ

ଜସ୍ମିନ ରଥଙ୍କ ଅଭିନୟ ଦର୍ଶକଙ୍କ ପାଇଁ ଆକର୍ଷଣର କେନ୍ଦ୍ର ବିନ୍ଦୁ ଥିଲା ପରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। ସ୍ଥାନୀୟ ମହୁଲଟିକ୍ରା ପଡିଆ ମଥୁରା ନଗରୀ ରାଜଦରବାରକୁ ମହାରାଜ କଂସ ତାଙ୍କ ସୈନ୍ୟ ସାମନ୍ତଙ୍କ ସହ ଆସିଥିଲେ । କୃଷ୍ଣଙ୍କୁ ମାରିବା ପାଇଁ ପଠାଇଥିବା ବକାସୁର ମୃତ୍ୟୁ ଖବର ଶୁଣି ଜର୍ଜରିତ ହୋଇ ଭାଙ୍ଗି ପଡିଥିଲେ । ମହାରାଜଙ୍କୁ ଶାନ୍ତ କରିବାକୁ ଯାଇ ଦରବାରରେ ଅତିଥି ଓ ମଥୁରା ବାସୀଙ୍କ ମନୋରଞ୍ଜନ ପାଇଁ ମନ୍ତ୍ରୀଙ୍କ ପରାମର୍ଶରେ କଳାକାର ମାନଙ୍କ ଦ୍ବାରା ନାଚ,ଗୀତ କାର୍ଯ୍ୟକ୍ରମ ହୋଇଥିଲା ।ସେହିପରି ଅନ୍ୟ ପକ୍ଷରେ ଗୋପପୁର ମେଲଣ ପଡିଆରେ କୃଷ୍ଣ ବଳରାମ କଂସ ପ୍ରେରିତ ରାକ୍ଷସଙ୍କ ସହ  ଘମାଘୋଟ ଯୁଦ୍ଧ କରି ତାକୁ ନିଧନ କରିବା ଦୃଶ୍ୟ ପ୍ରଦର୍ଶିତ ହୋଇଥିଲା !ଯାତ୍ରା ଦେଖିବା ପାଇଁ ପ୍ରବଳ ଜନସମାଗମ ହୋଇଥିବାରୁ କମିଟି ସଭାପତି ଆନନ୍ଦ ହୋତାଙ୍କ ସମେତ ପରିଚାଳନା କମିଟିର ସଦସ୍ୟ ମାନେ ବିଭିନ୍ନ ସ୍ଥାନରେ ରହି ଶାନ୍ତିଶୃଙ୍ଖଲା ରକ୍ଷା ଦିଗରେ ସମସ୍ତଙ୍କୁ ନିବେଦନ କରିଥିଲେ