03-Dec-2022

ବଲାଙ୍ଗୀର ଜିଲ୍ଲା ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ମହାବିଦ୍ୟାଳୟରେ ରେଡ ରିବନ କ୍ଲବ ଆରଆରସି ଏବଂ ଯୁବ ରେଡ଼କ୍ରସର ମିଳିତ ଆନୁକୂଲ୍ୟରେ ବିଶ୍ୱ ଏଡ଼ସ ଦିବସ ପାଳିତ ହୋଇଥିଲା l ଅଧ୍ୟକ୍ଷ ଗୋବିନ୍ଦଚନ୍ଦ୍ର ସାହୁଙ୍କ ସଭାପତିତ୍ୱରେ ଏକ ସଭାର ଆୟୋଜନ କରାଯାଇଥିଲା l ଯେଉଁଥିରେ ଯୁବ ରେଡ଼କ୍ରସର ସ୍ୱଚ୍ଛାସେବୀ ମାନଙ୍କ ସହିତ ମହାବିଦ୍ୟାଳୟରେ ଅନେକ ଅଧ୍ୟାପକ ଅଧ୍ୟାପିକା ଯୋଗଦାନ କରିଥିଲେ l ଯୁବ ରେଡ଼କ୍ରସର କାଉନ୍ସେଲର ଅଧ୍ୟାପକ ହିମାଂଶୁ ମହାକୁର ସଭାଟିକୁ ପରିଚାଳନା କରିଥିଲେ ଏବଂ ଇଂରାଜୀ ବିଭାଗର ପ୍ରଧ୍ୟାପକ ବିବେକାନନ୍ଦ ଅତିଥି ମାନଙ୍କ ପରିଚୟ ପ୍ରଦାନ କରିବା ସହିତ ଆଜିକାର ସଭାର ଉଦେଶ୍ୟ ବିଷୟରେ ସୂଚନା ପ୍ରଦାନ କରିଥିଲେ l ଅଧ୍ୟକ୍ଷ ଗୋବିନ୍ଦଚନ୍ଦ୍ର ସାହୁ ଏବଂ ସମ୍ମାନିତ ଅତିଥି ଇତିହାସ ବିଭାଗର ପ୍ରାଧ୍ୟାପକ ଶ୍ରୀମାନ ସନ୍ତୋଷ କୁମାର ଦାସ ପିଲାମାନଙ୍କ ଉଦେଶ୍ୟରେ ନିଜସ୍ୱ ବକ୍ତବ୍ୟ ପ୍ରଦାନ କରିଥିଲେ l ପରବର୍ତୀ ସମୟରେ ମୁଖ୍ୟଅତିଥି ଭାବେ ଯୋଗ ଦେଇଥିଲା ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ଅରବିନ୍ଦ କାଳସାଏ ଏବଂ  ରାମଚନ୍ଦ୍ର ସାହୁ ବିସ୍ତୃତ ଭାବରେ ଏଚଆଇଭି

ସମ୍ପର୍କରେ ପିଲାମାନଙ୍କୁ ବୁଝାଇଥିଲେ l ଯୁବ ରେଡ଼କ୍ରସର ବରିଷ୍ଠ କାଉନ୍ସେଲର ଶ୍ରୀ ମାନସରଞ୍ଜନ କୁମାର ପରିଶେଷରେ  ଧନ୍ୟବାଦ ଅର୍ପଣକରି ସଭା ସମାପ୍ତ କରିଥିଲେ l ସଭା ଶେଷହେବା ପରେ କାଉନ୍ସେଲର ମାନସରଞ୍ଜନ କୁମାର ଏବଂ ହିମାଂଶୁ ମହାକୁରଙ୍କ ନେତୃତ୍ୱରେ 80 ରୁ ଉର୍ଦ୍ଧ ପିଲାଙ୍କୁ ନେଇ ଏକ ଶୋଭାଯାତ୍ରାର ଆୟୋଜନ କରାଯାଇଥିଲା l ଉକ୍ତ ଶୋଭାଯାତ୍ରାଟି ଲୋଇସିଂହା ମହାବିଦ୍ୟାଳୟରୁ ବାହାରି ବ୍ଲକଛକ ପର୍ଯ୍ୟନ୍ତ ହୋଇଥିଲା l ପରିକ୍ରମା ବେଳେ ପିଲାମାନେ ଏଡ଼ସ ବାବଦକୁ ନେଇ ବିଭିନ୍ନ ନାରା ଲଗାଇ ଲୋଇସିଂହା ଗ୍ରାମ ବାସୀଙ୍କୁ ସଚେତନତା କରିଥିଲେ l ଏହି ଶୋଭାଯାତ୍ରାରେ ଅଧ୍ୟାପକ ଅଭିନାଶ ମିଶ୍ର, ଚନ୍ଦନ ପଧାନ, ଅଭିଷେକ ମିଶ୍ର ପ୍ରମୁଖ ଯୋଗଦାନ କରି ପିଲାଙ୍କ ମଧ୍ୟରେ ଉତ୍ସାହ ସୃଷ୍ଟି କରିଥିଲେ l