03-Dec-2022

ବଲାଙ୍ଗିର(ପ୍ରେରଣା ଖବର)  ବଲାଙ୍ଗୀର ସଦର ବ୍ଲକ ସିକାଛିଡା ପଂଚାୟତ ଠାରେ ଠାରେ ପଲ୍ଲୀ ସଭା ଅନୁଷ୍ଠିତ ହୋଇଥିଲା । ଏଥିରେ ଗାଁ ର ବିଭିନ୍ନ ସମସ୍ୟା ସଂପର୍କରେଆଲୋଚନା ହୋଇଥିଲା । ସିକାଛିଡା ପଂଚାୟତର ଅସୁରଡୁଙ୍ଗୁରି, ଖଲ୍ଲିକାନି ଓ ବିଜିଲିମୁଣ୍ଡା ଗ୍ରାମରେ ଏପରି ଗ୍ରାମସଭା କରାଯାଇ ଲୋକଙ୍କ ସମସ୍ୟା ଶୁଣାଯାଇଥିଲା । ଖଲ୍ଲିକାନି ସ୍କୁଲର ଭଙ୍ଗା କୋଠାର ମରାମତି ପାଇଁ ସରକାରୀ ଅନୁଦାନ ପ୍ରଦାନ କରାଯିବ ବୋଲି ସଦର ବିଡିଓ ଶ୍ରୀ ତନ୍ତି

ପ୍ରତିଶୃତି ଦେଇଛନ୍ତି । ଏଥିରେ ପଂଚାୟତର ସମସ୍ତ ନିର୍ବାଚିତ ପ୍ରତିନିଧି ଯୋଗ ଦେଇ ନିଜର ମତାମତ ଉପସ୍ଥାପନ କରିଥିଲେ । ବଲାଙ୍ଗୀର ସଦର ବିଡିଓ ପ୍ରୀତମ କୁମାର ତାଣ୍ଡିଙ୍କ ଆବାହକତ୍ୱରେ ଅନୁଷ୍ଠିିତ ଏହି ଗ୍ରାମସଭାରେ ଅନ୍ୟ ମାନଙ୍କ ମଧ୍ୟରେ ସିକାଛିଡା ସରପଂଚ କ୍ଷୀରେଦ୍ରୀ ଶତପଥୀ, ଇଓ କୃଷ୍ଣଚନ୍ଦ୍ର ବେହେରା, ଯୋଗାଣ ସହାୟକ ଯିମି ପ୍ରଧାନ, ଓଏଲ୍‌ଏମ୍ ଧନଞ୍ଜୟ ପାଣିଗ୍ରାହୀ, ଜିଆର୍‌ଏସ ଆଶିଷ କୁମାର ସାହୁ, ସମିତି ସଭ୍ୟା ବିନିତା ପ୍ରଧାନ ପ୍ରମୁଖ ଉପସ୍ଥିତ ଥିଲେ ।