03-Dec-2022

ବଲାଙ୍ଗିର,-  ବ୍ଲକ ସହକାରୀ ଶିକ୍ଷକ ଏକ୍ସ କେଡର ମହାସଂଘ ପୁଇଁନ୍ତଲା ବଲାଙ୍ଗିର ତରଫରୁ ଗୋଷ୍ଠି ଶିକ୍ଷା ଅଧିକାରୀଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ ଓଡିଶାଙ୍କୁ ଏକ ୮ ଦଫା ଦାବି ସମ୍ବଳିତ ଦାବିପତ୍ର ପ୍ରଦାନ କରାଯାଇଛି । ଦାବି ଗୁଡିକ ମଧ୍ୟରେ ଯୋଗ୍ୟ ଗଣ ଶିକ୍ଷକଙ୍କୁ ନିୟମିତ କରିବା, ଏକ୍ସ କେଡର ଉଚ୍ଛେଦ କରି ଏଲିମେଣ୍ଟେରିି କେଡେରଭୁକ୍ତ କରିବା, ସମସ୍ତ ଏକ୍ସ କେଡର ଶିକ୍ଷକଙ୍କୁ ୩୧.୦୩.୨୦୧୯ ଠାରୁ ବାର୍ଷିକ ଇନ୍‌କ୍ରିମେଣ୍ଟ ପ୍ରଦାନ କରିବା, ଟ୍ରେଜେରି ମାଧ୍ୟମରେ ଦରମା ପ୍ରଦାନ କରିବା, ଏନ୍‌ପିଏସ୍ କର୍ତ୍ତନ କରିବା । ସମସ୍ତ ଶିକ୍ଷକ ଶିକ୍ଷୟତ୍ରୀ ଏକ ର‌୍ୟାଲିରେ ପୁଇଁନ୍ତଲା ହାଇସ୍କୁଲ ଠାରୁ ବାହାରି ଗୋଷ୍ଠି ଶିକ୍ଷାଧିକାରୀ ପୁଇଁନ୍ତଲାଙ୍କ କାର୍ଯ୍ୟାଳୟରେ ପହଞ୍ôଚ ଥିଲା । ବ୍ଲକ ଶିକ୍ଷା ଅଧିକାରୀଙ୍କ ତରଫରୁ ସହକାରୀ ବ୍ଲକ ଶିକ୍ଷାଧିକାରୀ ଗୋପାଲ ବୁଡେକ ଦାବିପତ୍ର ଗ୍ରହଣ କରିଥିଲେ । ଉକ୍ତ ର‌୍ୟାଲିରେ ବ୍ଲକ ସଭାପତି ତରଣୀସେନ ପ୍ରଧାନ, ସଂପାଦକ ଲିଳାମୟ ମହାକୁର, ଉପ-ସଭାପତି ଉକାଲୁ ସା, ନାରାୟଣ କମ୍ପ, ଉପଦେଷ୍ଟା ନିଳମଣି ପଣ୍ଡା, ସୂର୍ଯ୍ୟମଣି ସୁନାଙ୍କ ସହ ଶତାଧିକ ଶିକ୍ଷକ ଉପସ୍ଥିତ ଥିଲେ ।